Gwefan llywodraeth y DU

Amseriad

Cofiwch na allwch benderfynu'n derfynol ar ddyddiad yr angladd hyd nes y bo'r farwolaeth wedi'i chofrestru. Os oes rhaid hysbysu'r crwner o'r farwolaeth, bydd hyn yn effeithio ar y dyddiad pan ellir cynnal yr angladd.

• Cofrestru marwolaeth

Ystyried dymuniadau'r ymadawedig

Cofiwch edrych yn ewyllys yr ymadawedig neu mewn cyfarwyddiadau ysgrifenedig eraill am ddymuniadau arbennig am ei angladd neu beth ddylai ddigwydd i'w gorff. (Fodd bynnag, does dim rhaid i'r ysgutor ddilyn y cyfarwyddiadau am yr angladd a adawyd yn yr ewyllys.)

Os nad oes dymuniadau clir wedi'u nodi, yr ysgutor/gweinyddwr neu'r perthynas agosaf fel arfer sy'n penderfynu a ddylid claddu neu amlosgi'r corff.

• Cael gwybod am amlosgi Opens new window

Opsiynau gydag angladd

Yr unig ofynion cyfreithiol yn y DU yng nghyswllt angladdau yw bod yn rhaid cael tystysgrif farwolaeth, rhaid cofrestru'r farwolaeth a rhaid i'r corff naill ai gael ei gladdu neu ei amlosgi.

• Cael gwybod ynghylch angladd cyngor Opens new window
• Cael gwybod ynghylch gwasanaeth angladd cymunedol Opens new window

Angladd y tu allan i Gymru a Lloegr

Bydd rhaid i chi gael caniatâd crwner yn yr ardal leol cyn y gellid mynd â chorff allan o Gymru a Lloegr, gan gynnwys i wlad dramor. Mae'r rheolau'n gymhleth iawn a'r ffordd orau o'i chwmpas yw ceisio cymorth trefnydd angladdau arbenigol (darllenwch mwy am drefnwyr angladdau isod). Bydd angen o leiaf pedwar diwrnod gwaith ar y crwner cyn y gellid symud y corff, a hynny ar ôl cyhoeddi rhybudd symud (ffurflen 104). Anfonir rhan o'r ffurflen hon at y Cofrestryddion Genedigaethau, Priodasau a Marwolaethau.

• Marwolaethau: symud corff o Gymru neu Loegr (yn agor ffenestr newydd) Opens new window

Defnyddio trefnydd angladdau

Mae llawer o bobl yn dewis defnyddio trefnydd angladdau proffesiynol. Gall trefnwyr angladdau helpu ar adeg cyffredinol anodd, a byddant yn sicrhau yr ymdrinnir â gweddillion yr ymadawedig mewn ffordd urddasol, er bod opsiynau eraill sy'n cadw'r urddas hwnnw - gellir cael rhagor o wybodaeth am drefnu angladd heb drefnydd angladdau isod.

Cynllunio'r angladd yn fanwl

Os ydych yn defnyddio trefnydd angladdau, bydd yn eich helpu gyda phenderfyniadau fel:

• ble dylai'r corff orffwys cyn yr angladd
• amser a lleoliad yr angladd (ond ni ellir penderfynu'n derfynol ar hyn hyd nes y bydd y farwolaeth wedi'i chofrestru)
• math o wasanaeth (crefyddol neu arall) a phwy fydd yn ei gynnal neu'n cymryd rhan
• faint y dylech ei wario ar yr angladd
• a ddylid cael blodau neu roi arian i elusen yn lle hynny
• ble i roi'r blodau ar ôl yr angladd
• gwahoddiadau
• hysbysiadau yn y papurau newydd

Dewis trefnydd angladdau

Gall ffrindiau, teulu, clerigwyr neu eich meddyg argymell trefnwyr angladdau lleol. Mae'r rhan fwyaf o gwmnïau lleol wedi'u rhestru yn y llyfr ffôn hefyd.

Mae'r rhan fwyaf o drefnwyr angladdau yn aelodau o un neu ddwy gymdeithas masnachu:

Rhaid i'r cwmnïau sy'n aelodau ddarparu rhestr brisiau i chi ar gais ac ni allant godi mwy na'r amcanbris ysgrifenedig a roddant i chi heb eich caniatâd.

• Cymdeithas Genedlaethol y Trefnwyr Angladdau Opens new window

Cymdeithas Trefnwyr Angladdau Perthynol ac Annibynnol

Sawbridgeworth
Herts CM21 9DB
Rhif ffôn: 0845 230 6777
Dydd Llun i ddydd Gwener rhwng 9.00am a 5.00 pm

• Cymdeithas Trefnwyr Angladdau Perthynol ac Annibynnol Opens new window
• Mwy am ddewis trefnydd angladdau a'r gwasanaethau a ddarperir Opens new window

Os ydych chi'n anhapus â gwasanaeth y trefnydd angladdau

Os ydych chi'n anhapus â'r gwasanaeth, neu'r prisiau y gofynnir i chi dalu, cysylltwch â'ch canolfan Cyngor Ar Bopeth (CAB) leol neu'r Adran Safonau Masnach i gael cyngor. Os yw'r trefnydd angladdau'n aelod o NAFD neu SAIF, gallwch ddefnyddio'u gwasanaethau cymodi hwy hefyd.

• Canolfan Cyngor ar Bopeth Opens new window
• Dod o hyd i'ch Adran Safonau Masnach leol

Trefnu angladd heb drefnydd angladdau

Gallwch drefnu angladd heb gymorth trefnydd angladdau. Os ydych am wneud hyn, cysylltwch ag Adran Mynwentydd ac Amlosgfeydd eich Awdurdod Lleol i gael cyngor ac arweiniad. Gallwch gael cymorth a gwybodaeth hefyd gan y Ganolfan Marwolaeth Naturiol.

• Mwy am sut i drefnu angladd ar eich pen eich hun Opens new window
• Mynd i wefan y Ganolfan Marwolaeth Naturiol Opens new window
• Dod o hyd i'ch awdurdod lleol