Gwefan llywodraeth y DU

Prif elfennau'r Mesur

Prif elfennau'r Mesur yw:

• creu gwasanaeth crwner cenedlaethol newydd, symud at grwneriaid cyfwerth ag amser llawn i weithio at y safonau gofynnol cenedlaethol (yr awdurdodau lleol fydd yn parhau i fod yn gyfrifol am gyllido)
• creu system newydd o ail ardystiad o farwolaethau na chânt eu cyfeirio at y crwner, yn cynnwys claddu ac amlosgi
• sefydlu grŵp newydd o arholwyr meddygol i graffu yn annibynnol ar achosion marwolaethau a roddir gan feddygon ar dystysgrifau marwolaeth
• cyflwyno pwerau newydd i grwneriaid ymchwilio, gan gynnwys gweithdrefnau gwell ar gyfer post mortem a chwest
• sefydlu Prif Grwner newydd fel pennaeth y gwasanaeth crwner, gwella trefniadau ar gyfer penodiadau a hyfforddiant i grwneriaid, a darparu ar gyfer arolygiad annibynnol ar grwneriaid
• creu ffiniau hyblyg newydd rhwng ardaloedd y crwner er mwyn galluogi cyflwyno gwasanaethau i deuluoedd yn fwy effeithiol, a rhoi pwerau i'r Prif Grwner symud gwaith er mwyn osgoi datblygu ôl-groniadau o waith
• sefydlu hawliau i apelio newydd a hygyrch ar gyfer pobl mewn profedigaeth yn erbyn penderfyniadau crwneriaid
• cyflwyno Siarter i Bobl mewn Profedigaeth yn amlinellu'r amrywiaeth eang o hawliau i bobl mewn profedigaeth er mwyn rhoi gwybod iddynt am gynnydd achosion crwneriaid, ac i ymgynghori â hwy