Gwefan llywodraeth y DU

Ymgynghorir â'r Senedd ar benderfyniadau pwysig ac mae ganddi gryn bŵer, ar y cyd â Chyngor yr Undeb Ewropeaidd, dros gyllideb y Gymuned Ewropeaidd. Mewn meysydd deddfwriaeth mae ei rôl yn amrywio rhwng:

• ymgynghori, lle gall ddylanwadu ar gynnwys deddfwriaeth ond heb lais terfynol gyda golwg ar y cynnwys hwnnw
• cydweithredu a gweithdrefnau cydsynio, lle mae'i dylanwad yn fwy
• cydbenderfynu, a gyflwynwyd gan Gytuniad Maastricht a'i ymestyn yng Nghytuniad Amsterdam, lle mae cynnig angen cytundeb y Cyngor a Senedd Ewrop

Mae'r Senedd lawn yn cyfarfod yn Strasbourg am ryw wythnos ymhob mis, er bod gwaith y pwyllgorau'n digwydd ym Mrwsel fel arfer.

Cynhelir etholiadau Senedd Ewrop bob pum mlynedd, y diweddaraf ym mis Mehefin 2004. Yn y DU, cynhaliwyd y rhain yn ôl y drefn cynrychiolaeth gyfrannol, fel sy'n digwydd yn yr Aelod-wladwriaethau eraill.

Cyhoeddir rhywfaint o ddeddfwriaeth y Gymuned Ewropeaidd ar y cyd gan Gyngor yr Undeb Ewropeaidd a Senedd Ewrop, rhywfaint gan y Cyngor a rhywfaint gan y Comisiwn dan bwerau dirprwyedig. Mae'n cynnwys Rheoliadau, Cyfarwyddebau a Phenderfyniadau:

Mae pob Aelod-Wladwriaeth yn darparu un o'r barnwyr i wasanaethu yn Llys Cyfiawnder Ewrop, yr awdurdod terfynol ar bob agwedd ar Gyfraith Gymunedol. Rhaid i'r Aelod-wladwriaethau gydymffurfio â'i benderfyniadau a gellir gosod dirwyon ar y rhai na fyddant yn gwneud hynny. Cynorthwyir y Llys gan Lys y Gwrandawiad Cyntaf, sy'n delio gyda rhai achosion sy'n cael eu dwyn gan unigolion a chwmnïau. Cynrychiolir y DU ar Lys yr Archwilwyr, sy'n ymchwilio i wariant a refeniw'r Gymuned, i sicrhau ei fod yn cael ei dderbyn a'i wario'n gyfreithlon.

• Senedd Ewrop Ar-lein Opens new window
• Swyddfa'r DU yn Senedd Ewrop Opens new window