Gwefan llywodraeth y DU

Faint yw uned o alcohol?

Mae un uned o alcohol gyfwerth â 10ml o alcohol pur. I roi syniad bras:

Mae lager neu seidr mewn potel fel arfer yn gryfach na diodydd drwy bwmp. Gallwch weld yn union sawl uned o alcohol sydd mewn potel drwy ddarllen y label.

• Cyfrifo eich unedau alcohol Opens new window

Am faint o amser mae'r alcohol yn aros yn eich gwaed

Ar gyfartaledd, gall y corff gael gwared ar alcohol ar gyfradd o un uned yr awr (yn dibynnu ar eich pwysau, eich rhyw, eich oed, eich metabolism, eich lefelau straen, faint o fwyd yr ydych wedi'i fwyta, a ydych wedi cymryd meddyginiaeth a'r math o alcohol a yfwyd).

Os byddwch yn meddwi, dylech osgoi yfed alcohol am y 48 awr nesaf i roi cyfle i'ch corff ddod ato'i hun.

Pryd i beidio ag yfed

Peidiwch ag yfed os yw meddyg neu weithiwr iechyd proffesiynol arall wedi'ch cynghori i yfed llai neu i stopio'n gyfan gwbl, neu (er enghraifft):

Peryglon iechyd

Gall cam-drin alcohol arwain at amrywiol broblemau iechyd. Yn y tymor byr, gall achosi i chi deimlo'n gysglyd, teimlo'n llawn tensiwn, eich dadhydradu, eich gwneud yn anymwybodol, neu hyd yn oed eich lladd. Yn y tymor hir, gwyddys ei fod yn cyfrannu at broblemau iechyd mwy difrifol, gan gynnwys niwed i'r afu/iau, canser a chlefyd y galon.

• Mwy o beryglon iechyd sy'n gysylltiedig ag yfed gormod Opens new window

Yfed a gyrru

Yn y DU y lefel gyfreithiol yw 80 miligram o alcohol mewn 100 mililitr o waed - fel syniad bras, mae hyn yn golygu na ddylai dynion yfed mwy na phedair uned o alcohol ac na ddylai merched yfed mwy na thair uned cyn gyrru. Canllaw yn unig yw hwn, ac nid yw'n bosib nodi gyda sicrwydd faint y gallwch ei yfed cyn mynd dros y terfyn cyfreithiol. Yr unig ffordd ddiogel o osgoi damwain angheuol, gwaharddiad rhag gyrru a/neu ddirwy fawr yw peidio ag yfed o gwbl os ydych chi'n bwriadu gyrru.

• Y cosbau ar gyfer yfed a gyrru - Rheolau'r Ffordd Fawr (adran teithio a thrafnidiaeth) Opens new window

Gall yr heddlu roi prawf anadl i chi os ydynt yn amau eich bod wedi bod yn yfed gormod cyn gyrru. Mae'r prawf yn amcangyfrif crynodiad alcohol yn y gwaed. Os byddwch yn methu'r prawf, byddwch yn cael eich cyhuddo ac fe gedwir y prawf anadl fel tystiolaeth. Mae methu â rhoi prawf anadl yn drosedd.

Yfed yn gyhoeddus

Mae ymddygiad gwrth-gymdeithasol sy'n deillio o or-yfed, hynny yw yfed llawer iawn o alcohol mewn cyfnod byr o amser, wedi golygu bod rhai trefi a dinasoedd wedi gwahardd alcohol yn gyfan gwbl mewn rhai ardaloedd penodedig. Os cewch eich dal yn yfed yn un o'r ardaloedd hyn, mae'n bosib y cewch ddirwy o £50. Os profir eich bod yn euog o fod yn feddw ac yn afreolus mewn man cyhoeddus, gallech gael dirwy o £80 a gorchymyn ymddygiad gwrthgymdeithasol (ASBO).

• Mwy am ymddygiad gwrthgymdeithasol

Delio â phroblem yfed

Does dim rhaid i chi fod yn alcoholic i fod yn yfed dros lefel ddiogel. Gyda hyn mewn golwg, mae'r GIG wedi datblygu rhaglen ar-lein 'Down Your Drink', sydd ar gael yn rhad ac am ddim ac sy'n gyfrinachol. Mae'n rhoi gwybodaeth i yfwyr ar sut i fod yn 'yfwr â meddwl eich hun'.

• Mwy am y rhaglen Down Your Drink Opens new window

Cael cefnogaeth a thriniaeth

Yn ogystal â'ch meddyg lleol, ceir mudiadau lleol sy'n cynnig cefnogaeth, er enghraifft Alcoholics Anonymous. Gallan nhw eich cyfeirio at driniaeth strwythuredig megis ailsefydlu neu ddadwenwyno.

Os oes arnoch angen siarad â rhywun, gall llinell gymorth Drinkline (0800 917 8282) roi cyngor a gwybodaeth i chi yn rhad ac am ddim ac yn gyfrinachol.

Mae Alcohol Concern hefyd wedi llunio cyfres o daflenni ffeithiau sy'n cynnwys gwybodaeth a chanllawiau a all fod yn ddefnyddiol i chi.

• Mudiadau cefnogi a'u manylion cysylltu (adran cysylltiadau defnyddiol)
• Dod o hyd i’ch gwasanaethau cefnogaeth alcohol lleol Opens new window
• Taflenni ffeithiau ar wefan Alcohol Concern Opens new window

Mwy o ddolenni defnyddiol

• Alcohol: yr effeithiau a'r risgiau, gan gynnwys straeon pobl go iawn Opens new window
• Mwy o wybodaeth am yfed yn gyfrifol Opens new window