Gwefan llywodraeth y DU

Triniaeth ddadebru

Dyma rai dulliau o ddadebru:

• Dysgu mwy am ddiffibrilio Opens new window

Cyfraddau llwyddiant a beth sy'n digwydd ar ôl CPR

Mae CPR yn llwyddo i ailgychwyn y galon a'r anadlu mewn oddeutu pedwar achos o bob deg. Ar gyfartaledd, mae dau o bob 10 claf yn goroesi'n ddigon hir i adael yr ysbyty.

Bydd y ffordd y mae claf yn ymateb i CPR yn dibynnu ar:

Mae'r rhan fwyaf o gleifion sy'n cael eu dadebru yn aml yn dal yn wael ac angen gofal dwys neu ofal coronaidd. Ond mae pawb yn wahanol. Bydd eich meddyg neu dîm gofal iechyd yn esbonio beth y gall CPR ei wneud i chi.

Penderfynu ynghylch CPR

Gallwch chi, eich meddyg a'ch tîm meddygol benderfynu ar y cyd a ddylid defnyddio CPR os yw'ch calon a'ch anadlu wedi stopio. Un o'r ffactorau allweddol i'w ystyried yw a fydd CPR yn debygol o lwyddo a beth yw'r lefel gwella ddisgwyliedig. Mae'ch dymuniadau chi yn rhan bwysig o'r broses gwneud penderfyniad. Yn ogystal â siarad gyda'ch meddyg, efallai y byddwch am drafod eich opsiynau gyda theulu a ffrindiau agos.

Os nad ydych yn teimlo eich bod yn barod i benderfynu neu i drafod CPR, bydd y meddyg sy'n gofalu amdanoch yn penderfynu ar eich rhan os bydd yn angenrheidiol. Byddant yn ystyried eich sefyllfa a'r hyn fyddwch chi neu'r rhai agosaf atoch wedi'i ddweud. Os ydych o dan 18 (16 yn yr Alban) gall eich rhieni benderfynu drosoch.

Eich hawl i wrthod dadebru

Os nad ydych am gael CPR, gallwch ei wrthod a rhaid i'ch tîm gofal iechyd ufuddhau i'ch dymuniadau. Gallwch roi gwybod iddynt am eich dymuniadau drwy eu hysgrifennu mewn ewyllys byw (a elwir yn 'flaengyfarwyddeb'). Gofynnwch i'ch tîm gofal iechyd gadw copi o hwn yn eich nodiadau. Neu gallwch ofyn i gofnod o'ch dymuniadau gael ei gofnodi yn eich nodiadau. Mae'n syniad da rhoi gwybod i'r teulu a ffrindiau am eich dymuniadau.

Os ydych yn penderfynu peidio â derbyn CPR, byddwch yn parhau i dderbyn y gofal gorau posibl. Bydd nodyn yn cael ei ychwanegu at eich cofnodion yn dweud nad yw'r galon a'r ysgyfaint i'w dadebru (a elwir weithiau yn 'do-not-attempt-resuscitation' neu DNAR). Sylwch mai dim ond at CPR y mae DNAR yn berthnasol. Byddwch yn parhau i dderbyn mathau eraill o driniaeth achub bywyd.

• Sut i wneud ewyllys byw

Newid eich meddwl

Gallwch newid eich meddwl unrhyw bryd ynghylch penderfyniad yr ydych wedi'i wneud o ran derbyn CPR.

Os nad ydych wedi gwneud penderfyniad am CPR

Os bydd eich calon yn stopio neu os byddwch yn stopio anadlu, ond nad ydych wedi dweud beth yw eich dymuniadau o ran CPR, bydd y meddygon yn penderfynu a yw hynny er eich lles gorau chi. Nid oes gan y teulu neu ffrindiau hawl i benderfynu. Ond byddant yn rhan o drafodaethau ynghylch yr hyn i'w wneud, felly rhowch wybod iddynt beth yw eich dymuniadau. Os oes pobl nad ydych am i feddygon ofyn iddynt am eich gofal, rhowch wybod i'r tîm gofal iechyd.

Yn yr Alban, gall pobl dros 16 benodi 'procsi; partner, ffrind neu berthynas sydd â'r pwer cyfreithiol i roi caniatâd i driniaeth feddygol pan na all y claf wneud penderfyniadau.

Os bydd eich meddygon yn cynghori yn erbyn CPR (Cymru a Lloegr)

Os ydych am gael eich dadebru beth bynnag fydd y canlyniad a bod gan y staff meddygol amheuon ynghylch a fyddai CPR yn gweithio, byddant yn trefnu i gael barn feddygol arall os hoffech chi gael un.

Os ydych am gael eich dadebru o hyd, bydd y staff meddygol yn rhoi cynnig ar ddadebru os mai hynny sydd orau i chi ar y pryd. Ond ni fyddant yn rhoi triniaeth sy'n mynd yn groes i'w barn glinigol.

Gwybodaeth am bolisïau dadebru

Dylech allu cael gwybodaeth ysgrifenedig am bolisïau dadebru gan sefydliadau gofal iechyd gan gynnwys eich ymddiriedolaeth GIG leol, ysbytai, meddygfeydd a chartrefi gofal preswyl. Gallwch siaradwch ag aelod o’r staff i drafod y materion.

Os ydych am gwyno

Os ydych yn bryderus nad yw eich dymuniadau o ran CPR yn cael eu trafod yn briodol neu nad ydynt yn cael eu hystyried, gallwch gwyno.

Ysbytai ac ymddiriedolaethau gofal iechyd

Mae gan bob ymddiriedolaeth gofal iechyd ac ysbytai preifat a'r GIG drefn gwyno. Dilynwch y dolenni isod i gael gwybod mwy. Os ydych yn dal yn anhapus gallwch gwyno wrth y Comisiwn Gofal Iechyd (corff arolygu'r GIG a gofal iechyd annibynnol).

• Cwyno am y gwasanaeth iechyd
• Ysbytai preifat - sut i gwyno Opens new window
• Sut i gwyno wrth y Comisiwn Gofal Iechyd Opens new window

Cartrefi gofal preswyl

Dylai pob cartref gofal preswyl preifat ac awdurdod lleol feddu ar drefn gwyno. Os ydych dal yn anhapus ar ôl dilyn eu trefn gwyno, gallwch gwyno wrth y Comisiwn Arolygu Gofal Cymdeithasol.

• Sut i gwyno wrth y Comisiwn Arolygu Gofal Cymdeithasol Opens new window

Mwy o ddolenni defnyddiol

• Taflen wybodaeth am CPR gan y Cyngor Dadebru Opens new window
• Cymorth gyda ffeiliau PDF
• Trosolwg o ganllawiau dadebru gan y Cyngor Dadebru Opens new window
• Plant a phobl ifanc - polisïau dadebru Opens new window