Gwefan llywodraeth y DU

Beth yw LINk?

Unigolion a grwpiau cymunedol sy'n gweithio gyda'i gilydd i wella gwasanaethau cyhoeddus yw LINks. Gwaith LINk yw canfod beth mae pobl yn ei hoffi a ddim yn ei hoffi am wasanaethau lleol a gweithio gyda'r bobl sy'n eu cynllunio a'u rhedeg er mwyn eu helpu i'w gwella. Gall hyn gynnwys siarad yn uniongyrchol gyda phobl gofal iechyd proffesiynol am wasanaeth nad yw'n cael ei gynnig neu awgrymu ffyrdd y gellir gwella gwasanaeth presennol.

Mae gan LINks bwerau hefyd i helpu gyda'u gwaith a sicrhau bod newidiadau yn digwydd.

Beth fydd LINk yn ei wneud

Bydd LINk yn:

• gofyn i bobl leol am eu barn ar iechyd a gofal cymdeithasol lleol ac awgrymu gwelliannau yn uniongyrchol i ddarparwyr gwasanaeth
• edrych ar faterion penodol (er enghraifft ysbyty budur), gwneud argymhellion a chael ymateb
• gofyn am wybodaeth a chael atebion mewn amser penodedig
• gallu cyflawni archwiliadau dirybudd i weld a yw gwasanaethau'n gweithio'n dda (cyflawnir archwiliadau yn unol â mesurau diogelu)
• cyfeirio materion at y 'Pwyllgor Trosolwg a Chaffael' lleol os gwelir nad oes camau gweithredu'n cael eu cymryd

Enghraifft

Mae nifer o bobl yn crybwyll oriau agor eu meddygfa leol wrth LINk. Mae'r meddygon yn y feddygfa leol yn dweud yr hoffent agor ar nosweithiau ac ar benwythnosau, ond nad oes ganddynt ddigon o adnoddau.

Mae'r LINk yn cynnig helpu staff y feddygfa i weld pa oriau fyddai'n fwyaf cyfleus ar gyfer pobl leol drwy ofyn i'r gymuned am ei barn. Mae hefyd yn holi LINKs mewn ardaloedd eraill sut maent wedi delio â'r un mater.

Mae ymchwil y LINks yn canfod y byddai'n well gan bobl sy'n gweithio apwyntiadau ben bore fel y gallant weld meddyg heb fod yn hwyr i'r gwaith.

O ganlyniad, mae'r meddygon yn penderfynu y bydd y feddygfa'n cau am un prynhawn yr wythnos fel y gallant agor yn gynt ar gyfer apwyntiadau cynnar. Maent hefyd yn dechrau gwasanaeth ffonio'n ôl er mwyn i bobl gael ymgynghoriad sydyn dros y ffôn.

Pam cymryd rhan?

Mae nifer o fanteision o ddod yn rhan mewn LINk, sy'n cynnwys:

• cael sylw i faterion neu syniadau sydd wedi'u hesgeuluso
• dylanwadu ar y rheini sy'n gwneud penderfyniadau ynghylch gwasanaethau newydd neu wasanaethau presennol
• helpu'r gymuned i siarad gyda llais lleol cryfach
• helpu gwasanaethau i ddarparu gofal gwell

Byddwch yn rhan o LINk

Eich penderfyniad chi yw sut a phryd yr ydych am gymryd rhan - efallai mai dim ond pan gysylltir â chi y byddwch yn dymuno mynegi eich barn, neu efallai y byddwch am gymryd mwy o ran - gan helpu i godi ymwybyddiaeth o fater neu helpu i ganfod atebion (er enghraifft - cyfarfod â darparwyr neu fod yn rhan o grŵp gwaith).

Pwy all ymuno?

Unrhyw un: gofalwyr, defnyddwyr gwasanaeth, arweinwyr cymunedol, cynrychiolwyr cleifion....mae barn pawb yn bwysig. Gall grwpiau hefyd ymuno: elusennau, grwpiau ffydd, sefydliadau tenantiaid, cynghorau pobl ifanc, sefydliadau pobl dduon a lleiafrifoedd ethnig a ffederasiynau busnes...unrhyw un sydd am sicrhau y gwrandewir ar anghenion eu cymuned.

Faint o amser y bydd yn ei gymryd?

Gallwch gymryd rhan mewn nifer o wahanol ffyrdd. Gallwch dreulio ychydig funudau'n cymryd rhan mewn arolwg neu dreulio mwy o amser yn cynrychioli'r gymuned pan fydd gwasanaeth iechyd neu ofal cymdeithasol yn cael ei drafod gyda darparwyr gwasanaethau.

Sut y bydd LINk yn cael ei redeg?

Nid oes strwythur sefydlog ar gyfer LINk ac mae'n anhebygol y bydd dwy rwydwaith LINk yn cael eu rhedeg yr un ffordd. Dim ond os bydd y gymuned gyfan yn berchen ar LINk ac yn cymryd rhan ynddi y bydd yn gweithio.

Mae mwy o arian wedi'i roi i gynghorau lleol i ariannu LINKs ond bydd pob LINk yn penderfynu ar y ffordd orau o weithredu a pha flaenoriaethau i ganolbwyntio arnynt. Dylai'r rhan fwyaf o LINKs fod wedi'u rhoi ar waith erbyn mis Medi 2008.

Dechrau arni

I gael gwybod beth sy'n digwydd yn eich ardal chi, cysylltwch ag adran eich cyngor lleol sydd â chyfrifoldeb dros wasanaethau cymdeithasol.

• Y cyfan am gynghorau lleol yn nhrefn yr wyddor

Fel arall, gallwch lwytho rhestr o gysylltiadau cyhoeddus ar gyfer LINks

• Cysylltiadau LINk Awdurdodau Lleol Opens new window
• Cymorth gyda ffeiliau PDF

Mwy o ddolenni defnyddiol

• Patient Citizen Exchange Opens new window