Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Iechyd a lles

Iechyd a lles

Deintyddion

Mae'r Gwasanaeth Iechyd Gwladol (GIG) yn darparu triniaeth ddeintyddol sy'n angenrheidiol ar gyfer iechyd y geg. Mae hyn ar gael i bob un sydd wedi cofrestru gyda'r GIG. Ffynhonnell arall o driniaeth ddeintyddol yw triniaeth ddeintyddol breifat. Gallwch gael gwneud rhai pethau'n breifat na ellir eu cynnig dan y GIG.

Mathau o ddeintyddion a thriniaethau

Gallwch ddewis deintydd y GIG neu ddeintydd preifat yn dibynnu ar y math o driniaeth yr hoffech ei chael a faint allwch chi fforddio talu.

Deintyddion y GIG

Dyma rai o'r triniaethau y gallwch chi eu cael gan eich deintydd GIG:

  • archwiliadau ac asesiadau
  • pelydr x
  • triniaethau an-llawdriniaethol, megis crafu'r plac, glanhau'n drwyadl, triniaethau periodontol (y deintgig), llenwadau bach a chyfarwyddiadau ar hylendid y geg.
  • triniaethau llawdriniaethol megis tynnu cilddannedd ôl neu ddannedd eraill
  • llenwadau
  • llenwadau i'r gwreiddyn
  • triniaethau eraill megis pontydd, argaenau (veneers), capiau, mewnosodiadau, dannedd dodi/gosod a rheoli clefydau
  • cyfeirio at ysbyty deintyddol am driniaeth arbenigol

Deintyddion preifat

Gallwch dderbyn amrywiaeth eang o driniaethau os ydych yn dewis mynd yn breifat, naill ai gyda'ch deintydd GIG neu mewn practis arall. Mae triniaeth ddeintyddol breifat yn darparu rhai triniaethau arbenigol na ellir eu cael dan y GIG, megis triniaeth ddeintyddol gosmetig. Er enghraifft, gallwch gael llenwadau gwyn ar eich dannedd cefn - nid yw hyn ar gael dan y GIG.

Orthodeintyddion

Mae orthodeintyddion yn arbenigo mewn symud a sythu dannedd drwy ddefnyddio offer orthodeintyddol, megis bresys. Maent yn helpu i wella iechyd eich dannedd a'ch deintgig ac yn eu gwneud yn fwy effeithiol wrth gnoi oherwydd bod pob dant yn cael ei ddefnyddio i'r un graddau.

Glanweithwyr deintyddol

Mae glanweithwyr deintyddol yn gweithio mewn practis deintyddol ac maent yn crafu ac yn glanhau dannedd yn drylwyr, rhoi triniaethau periodontol (y deintgig) a rhoi cyngor am hybu iechyd y geg.

Cofrestru gyda deintydd GIG lleol

Mae rhai deintyddion yn mynnu eich bod yn cael archwiliad cychwynnol. Ar ôl gwneud hynny, byddwch wedi cofrestru am gyfnod o 15 mis.

Cael archwiliad

Er mwyn atal problemau difrifol rhag datblygu, bydd eich deintydd yn argymell pa mor aml y bydd angen archwiliad arnoch. Mae canllawiau gan y Sefydliad Cenedlaethol dros Ragoriaeth Glinigol yn argymell y dylech gael archwiliad deintyddol yn dibynnu ar eich anghenion ac ar sail asesiad o lefelau clefydau a'r risg o glefydau deintyddol. Ar gyfer pobl ifanc dan 18 oed, maent yn argymell bwlch rhwng 3 a 12 mis rhwng archwiliadau. Ar gyfer oedolion, maent yn argymell bwlch rhwng 3 a 24 mis rhwng archwiliadau.

Cost triniaeth GIG

Y deintydd neu'r practis unigol sy'n pennu prisiau triniaethau preifat, felly maent yn amrywio o bractis i bractis. Mae'n syniad da cael amcan bris ysgrifenedig a chynllun triniaeth cyn cychwyn unrhyw driniaeth ddeintyddol breifat.

Mae'n bosib y cewch chi help gyda chostau deintyddol dan y GIG os ydych chi:

  • dan 16 oed
  • dan 18 oed ac mewn addysg amser llawn
  • yn disgwyl babi neu newydd roi genedigaeth
  • ar incwm isel

Darllenwch daflen HC11 yr Adran Iechyd i weld a ydych chi'n gymwys i dderbyn triniaeth am ddim neu am bris gostyngol dan y GIG.

Eich hawliau

Dylai eich deintydd:

  • egluro manteision ac anfanteision unrhyw driniaeth y maent yn ei hargymell
  • egluro unrhyw ddewisiadau eraill a all fod ar gael
  • cael eich caniatâd cyn y rhoddir unrhyw driniaeth - gallwch wrthod triniaeth os nad ydych am ei chael (ond os yw eich deintydd yn credu bod angen y driniaeth arnoch, gallant wrthod eich trin chi eto)
  • egluro'ch cofnodion deintyddol os ydych chi'n cael trafferth eu darllen a'u deall

Fel un o gleifion y GIG:

  • rydych chi'n rhydd i geisio barn rhywun arall - ond cofiwch, os yw deintydd arall yn codi tâl arnoch yn breifat am hyn, ni fydd y GIG yn ad-dalu'r costau
  • mae hawl gennych i ddod â'r driniaeth i ben os nad ydych chi'n fodlon arni
  • mae hawl gennych wrthod talu am y driniaeth os profir ei bod yn anfoddhaol
  • gallwch archwilio'ch cofnodion a'ch lluniau pelydr-x unrhyw bryd yn rhad ac am ddim (o fewn 40 diwrnod o wneud cais ysgrifenedig) - ond os ydych chi am gael copïau rhaid i chi dalu amdanynt
  • mae gennych hawl i driniaeth frys o fewn 24 awr

Mae rheidrwydd ar ddeintyddion preifat i ddarparu'r un math o ofal mewn argyfwng i'w cleifion hwythau hefyd.

Os ydych chi'n aelod o gynllun yswiriant deintyddol preifat, bydd rheolau'r cynllun fel arfer yn golygu bod rhaid i'r deintydd roi cyfnod penodedig o rybudd cyn dod â'r cynllun i ben. Rhaid i'ch deintydd orffen eich triniaeth bresennol a darparu unrhyw driniaeth frys fydd ei hangen arnoch yn y cyfamser.

Colli apwyntiad

Gall eich practis godi tâl arnoch os byddwch yn colli apwyntiad neu'n canslo ar fyr rybudd. Fodd bynnag, rhaid iddynt eich hysbysu o flaen llaw os ydynt yn gwneud hyn.

Mwy o ddolenni defnyddiol

In this section...

Additional links

Allweddumynediad llywodraeth y DU