Gwefan llywodraeth y DU

Dewis eich ysbyty

Os ydych chi a'ch Meddyg Teulu (neu weithiwr gofal iechyd proffesiynol arall) yn penderfynu y dylech chi weld arbenigwr am driniaeth bellach, byddwch chi'n cael dewis o bedwar neu fwy o ysbytai neu glinigau.

Byddwch yn cael llyfryn sy'n sôn am ddewis eich ysbyty gan eich Meddyg Teulu, neu gan y staff yn y feddygfa, sy'n cynnwys gwybodaeth am eich ysbytai lleol ac yn eu cymharu. Pan fyddwch yn chwilio am ysbyty lleol ar wefan y GIG ac yn taro golwg dros eich opsiynau, llwythwch y fersiwn pdf o'r llyfryn sy'n berthnasol i'ch ardal chi. Efallai y byddai'n ddefnyddiol i chi ffonio'ch gwasanaeth cefnogi cleifion lleol i siarad â nhw. Gallwch ddod o hyd i'r rhif ffôn yn y llyfryn.

Os nad oes gwahaniaeth gennych i ba ysbyty y byddwch chi'n mynd, gall eich Meddyg Teulu wneud y penderfyniad drosoch chi.

• Mwy am ddewis ysbyty Opens new window
• Dod o hyd i ysbyty lleol Opens new window

Cael eich derbyn i'r ysbyty

Os oes angen i chi gael eich derbyn i ysbyty, bydd eich Meddyg Teulu, deintydd neu weithiwr iechyd proffesiynol arall yn gwneud y trefniadau ar eich cyfer. Os oes angen triniaeth gymhleth arnoch, mae'n bosib y cewch eich derbyn i ysbyty sy'n ganolfan gofal arbenigol.

Yn dibynnu ar natur y profion neu'r driniaeth sydd ei hangen arnoch, gallwch gael eich derbyn i ysbyty fel un o'r canlynol:

• Mwy am gael eich derbyn yn yr ysbyty Opens new window

Trefnu apwyntiad

Os ydych chi'n glaf allanol dylech allu trefnu apwyntiad sy'n gyfleus i chi naill ai ar-lein drwy'r gwasanaeth 'Dewis ac Archebu' (yn Lloegr yn unig) neu drwy wasanaeth archebu'r ysbyty ei hun. Neu, mae'n bosib y bydd gofyn i chi ffonio'r ysbyty eich hun i drefnu apwyntiad ar ddiwrnod sy'n gyfleus i chi.

Byddwch yn cael gwybod beth fydd yn digwydd yn ystod ac ar ôl eich apwyntiad a rhoddir rhif i chi ei ffonio os oes gennych ragor o gwestiynau. Bydd yr ysbyty'n taro nodyn yn y post sy'n cynnwys manylion eich apwyntiad gan gynnwys y dyddiad, yr amser a chyfarwyddiadau ar sut i gyrraedd yno.

• Cymorth gyda chostau teithio yn ôl ac ymlaen o'r ysbyty (adran pobl anabl)
• Dewis apwyntiad sy'n hwylus i chi drwy ddefnyddio Dewis ac Archebu (yn Lloegr yn unig) Opens new window

Amseroedd aros ar gyfer triniaeth

Mae amseroedd aros ar gyfer triniaeth yn amrywio, ond ni ddylech orfod disgwyl yn hwy na:

Erbyn Rhagfyr 2008, rhoddir gwarant i gleifion na fydd yr amser rhwng cael eu cyfeirio a dechrau triniaeth (a elwir yn 'llwybr') yn hwy na 18 wythnos.

• Mwy am y llwybr 18 wythnos Opens new window

Aros nos mewn ysbyty

Os ydych chi'n cael eich derbyn fel claf mewnol mewn ysbyty, rydym yn argymell y dylech ddod â'r canlynol gyda chi:

Beth i’w ddisgwyl yn yr ysbyty

Bydd eich nyrs neu feddyg yn egluro'n union beth sy'n bod arnoch ac yn egluro'r driniaeth sydd ei hangen arnoch. Yna, bydd cyfle i chi siarad am y driniaeth, ac os ydych chi'n penderfynu bwrw ymlaen, bydd gofyn i chi roi'ch caniatâd ysgrifenedig. Byddwch chi'n rhan o bob penderfyniad am eich triniaeth trwy gydol eich arhosiad yn yr ysbyty.

Bydd y staff, os byddwch chi'n gofyn iddyn nhw wneud hynny, yn sicrhau bod ffrind neu berthynas yn cael y wybodaeth ddiweddaraf am eich cyflwr. Caiff eich preifatrwydd ei barchu ac fe gewch weld eich cofnodion os ydych yn dymuno. Bydd y meddygon a'r nyrsys a fydd yn eich trin yn sensitif i'ch anghenion crefyddol, ysbrydol a diwylliannol. Y flaenoriaeth yw eich gofal iechyd, ac ni fydd y driniaeth a gewch yn gwahaniaethu ar sail rhyw, rhywioldeb, oed nac anabledd.

Gwneir pob ymdrech i gynnig gwely i chi ar ward gyda phobl o'r un rhyw, lle bo hynny'n bosib, ac fe asesir unrhyw ofynion o ran deiet.

• Aros am gyfnod hir yn yr ysbyty (adran pobl anabl)
• Gadael yr ysbyty a gofal ar ôl gadael (adran pobl anabl)
• Cael gwybod mwy am y drefn rhyddhau o'r ysbyty Opens new window

Cwyno

Os nad ydych chi'n fodlon gyda'r lefel o ofal a dderbynioch yn yr ysbyty, dylech gysylltu â'r ysbyty dan sylw i geisio datrys y mater. Os nad ydych yn fodlon ar ôl gwneud hynny, dylech gysylltu â'r Gwasanaeth Cyngor a Chyswllt i Gleifion yn eich ysbyty neu'r Ymddiriedolaeth Gofal Sylfaenol.

• Cael gwybodaeth am eich ysbyty Opens new window
• Gwasanaeth Cyngor a Chyswllt i Gleifion Opens new window

Os ydych chi'n dal i fod yn anhapus, gallwch ofyn i banel adolygu annibynnol asesu eich achos. Rhaid i chi wneud hyn cyn pen 28 diwrnod o'r ymateb ysgrifenedig i'ch cwyn. Aelod anweithredol o Awdurdod Iechyd y GIG fydd yn delio â chi.

Os ydych chi'n dal i fod yn anhapus â'r canlyniad, dylech gysylltu â'r Ombwdsmon Seneddol a Gwasanaeth Iechyd.

• Sut i gwyno wrth yr Ombwdsmon Seneddol a Gwasanaeth Iechyd Opens new window

Mwy o ddolenni defnyddiol

• Mynd â phlentyn i'r ysbyty Opens new window