Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Iechyd a lles
Bwyta'n iach
Nid yw bwyta’n iach yn anodd ac mae’n talu ar ei ganfed.
Pam fod bwyta'n iach yn bwysig?
Os ydych yn oedolyn, gall bwyta'n iach eich helpu i reoli'ch pwysau a gall wneud i chi deimlo'n well yn gyffredinol. Gall hefyd leihau'r risg o ddatblygu salwch neu glefyd difrifol.
I blant, bydd bwyta'r cydbwysedd cywir o fwyd yn rhoi'r holl faetholion y bydd eu hangen arnynt i dyfu a datblygu'n iach. Mae dysgu plant i fwyta'n iach hefyd yn helpu a gall leihau'r risg o glefydau difrifol yn ddiweddarach mewn bywyd
Beth ydy deiet iach?
Mae deiet iach yn cynnwys:
- digon o fwydydd starts megis bara, reis, pasta, grawnfwydydd brecwast, tatws, iams a thatws melys - chwiliwch am fathau sy'n uwch mewn ffibr lle bo modd (fel pasta neu fara blawd cyflawn)
- o leiaf pum darn o ffrwyth a llysiau amrywiol yn ddyddiol
- meintiau cymedrol o gynnyrch llaeth (neu gynnyrch amgen) - chwiliwch am fersiynau isel mewn braster lle bo modd
- meintiau cymedrol o gig, pysgod neu gynnyrch amgen megis wyau, ffa, pys a ffacbys - chwiliwch am fathau sy'n cynnwys llai o fraster lle bo modd
- ambell i ddanteithfwyd (dylid bod yn gymedrol wrth fwyta bwydydd sy'n uwch mewn braster, halen neu siwgr ychwanegol)
- ychydig o halen - darllenwch y label bob tro
Gallwch gymryd cwis ar wefan NHS Choices i gael gwybod a ydych chi'n bwyta'n iach neu a allech chi wella eich deiet.
Deiet iach i fabanod a phlant
Un o'r ffyrdd gorau o annog eich plentyn i ddatblygu arferion bwyta iach yw bwyta'n iach eich hun.
Does dim rhaid i fwyta'n iach fod yn ddrud. Yn wir, gall fod yn rhatach seilio prydau ar fwydydd starts a ffrwyth a llysiau, a cheisio bwyta llai o fraster, halen a siwgr ychwanegol.
Mae gofynion deietegol babanod a phlant dan bump oed yn wahanol. I gael mwy o wybodaeth, dilynwch y dolenni isod.
Cysylltiadau defnyddiol eraill
Additional links
Ymunwch i iacháu eich hun!
Ymunwch â Change4Life – helpu pob teulu i fwyta’n iach, symud mwy a byw’n hirach
Cysylltiadau defnyddiol
Allweddumynediad llywodraeth y DU
