Gwefan llywodraeth y DU

Ei ddal, ei waredu, ei ladd

Firysau sy'n achosi annwyd a pheswch, ac mae'n hawdd eu dal. Pan fyddwch yn pesychu neu'n tisian byddwch yn tasgu diferion bychain o boer i'r aer.

Dyma'r ffordd orau o beidio â lledaenu germau:

• cariwch hances gyda chi bob amser
  
• gorchuddiwch eich trwyn a'ch ceg â hances bob tro y byddwch yn pesychu neu'n tisian
  
• unwaith yn unig y dylech ddefnyddio hances bapur, taflwch hi i'r bin wedyn
  
• golchwch/glanhewch eich dwylo'n rheolaidd, ac mor fuan â phosib ar ôl tisian neu besychu

Helpu eich hun i deimlo'n well

Gallwch gymryd rhai camau i leddfu effeithiau ffliw ac annwyd y gaeaf:

• cadwch yn gynnes – mae'n well defnyddio llawer o haenau tenau
• cymerwch y ddogn a argymhellir o baracetamol neu ibuprofen er mwyn lleddfu unrhyw ddolur neu boen ac i gadw'ch tymheredd yn isel
• gwnewch yn siŵr eich bod yn yfed digon o hylif: yfwch lai o ddiodydd sy'n cynnwys caffein, fel te, coffi a diodydd cola, ac yfwch fwy o sudd ffrwythau heb siwgr, dŵr a the perlysiau

Rhoi hwb i'ch system imiwnedd

Mae'ch system imiwnedd yn eich helpu i ymladd feirysau. I helpu'ch system imiwnedd:

• bwytewch fwy o ffrwythau, llysiau a bwydydd grawn cyflawn: maent yn cynnwys fitaminau a mineralau
  
• dylech osgoi ysmygu (a pheidiwch â defnyddio cyffuriau afraid) – bydd y ddau'n rhwystro'ch system imiwnedd rhag gweithio'n iawn
  
• gwnewch ymarfer corff am 30 munud bob dydd – does dim rhaid iddo fod yn anodd, mae unrhyw beth sy'n gwneud i chi chwysu ac yn eich gadael allan o wynt yn cyfri

Eich fferyllfa leol

Mae llawer o feddyginiaethau ar gael yn eich fferyllfa leol. Dylech ddilyn cyngor fferyllydd os ydych chi eisoes yn cymryd poenladdwyr neu unrhyw foddion eraill.

Mynd i weld eich meddyg

Dim ond dan yr amgylchiadau canlynol y mae angen i chi weld eich meddyg:

• mae eich annwyd ac/neu eich peswch yn para mwy na tair wythnos
• rydych yn sylwi eich bod yn fyr o wynt
• rydych chi'n cael poen yn eich brest neu mae gennych eisoes gyflwr ar y frest
• mae gennych gyflwr arall sydd wedi gwaethygu tra'ch bod wedi bod yn dioddef o'r annwyd neu'r ffliw

• Dod o hyd i'ch meddyg lleol (Lloegr yn unig) Opens new window

Annwyd a pheswch yn ystod beichiogrwydd

Yn ogystal â'r wybodaeth uchod, mae'n bwysig bod menywod beichiog:

• yn ceisio atal eu tymheredd rhag codi: yn defnyddio paracetamol neu'n cael cawod er mwyn oeri
• yn gwneud yn siŵr eu bod yn gorffwys digon
• yn siarad â'r fferyllydd cyn cymryd triniaeth 'dros-y-cownter' ar gyfer annwyd a ffliw – nid ydynt bob amser yn addas ar gyfer menywod beichiog

Mwy o ddolenni defnyddiol

• Ffliw tymhorol