Gwefan llywodraeth y DU

Pam defnyddio peiriant chwilio GIG ar eich ffôn symudol?

Ni allwch drefnu ar gyfer pob digwyddiad, yn enwedig os yw'n ymwneud ag iechyd.

Dyna pam fod NHS Choices a Directgov wedi lansio gwasanaeth newydd i'ch helpu i ddod o hyd i'ch cyfleusterau iechyd agosaf, lle bynnag y byddwch.

Felly os bydd angen unrhyw beth arnoch, boed yn blasteri, llenwadau, sbectol neu bwythau - gall Directgov eich rhoi ar ben ffordd.

Sut mae’n gweithio

Anfonwch neges destun gydag enw'r gwasanaeth sydd ei angen arnoch (gweler y rhestr lawn isod) at 64746

Byddwn yn dod o hyd i'ch cod post ac yn anfon rhestr o'r gwasanaethau agosaf atoch, ynghyd â chyfeiriadau, rhifau ffôn a mapiau. Drwy anfon neges destun at y gwasanaeth hwn bydd rhwydwaith eich ffôn symudol yn rhoi gwybod i ni am eich lleoliad ar unwaith - fodd bynnag, ni fyddwn yn storio'r wybodaeth hon.

Dilynwch y camau hyn:

1. Tecstiwch enw'r gwasanaeth sydd ei angen arnoch, e.e. 'A&E' i 64746

2. Yna byddwch yn cael neges destun gyda dolen ynddi

3. Agorwch y ddolen i gael rhestr o'r gwasanaethau agosaf

Costau

Yn yr un modd â'r wefan, ni fydd Directgov yn codi tâl arnoch am ddefnyddio unrhyw un o'u gwasanaethau symudol. Fodd bynnag, gallai eich gweithredydd ffôn symudol godi tâl arnoch am anfon neges destun a defnyddio'r rhyngrwyd ar eich ffôn.

Fel canllaw bras, os ydych chi'n talu £2 am bob MB (megabeit) o ddata, gallai gostio cyn lleied ag 1c i bori pum tudalen o Directgov. Bydd costau'n amrywio yn ôl eich contract felly holwch eich gweithredydd rhwydwaith i gael rhagor o wybodaeth

Rhestr lawn o wasanaethau

Dewiswch o blith y gwasanaethau canlynol:

• Damweiniau ac achosion brys
• gwasanaethau cymorth gyda chamddefnyddio alcohol (tecstiwch 'alcohol')
• deintydd
• Meddyg Teulu
• mamolaeth
• optegydd
• fferyllfa
• iechyd rhyw
• rhoi'r gorau i ysmygu
• canolfan galw i mewn (tecstiwch 'galw i mewn')