Gwefan llywodraeth y DU

Dewis a gweithio gyda gwerthwr tai

Os ydych chi'n prynu neu'n gwerthu eiddo, byddwch yn defnyddio gwasanaeth gwerthwr tai fel rheol. Os byddwch yn dewis gwerthwr tai sydd wedi'i gofrestru gyda chorff llywodraethu, bydd hyn yn rhoi syniad i chi o'r safonau y maent yn eu harddel yn eu gwaith. Gallwch ddod o hyd i werthwr tai sydd wedi'i gofrestru gyda'r Gymdeithas Genedlaethol Gwerthwyr Tai (NAEA) mewn unrhyw ardal yn y Deyrnas Unedig drwy chwilio ar wefan NAEA. Rhaid i bob gwerthwr tai gydymffurfio â'r Ddeddf Gwerthwyr Tai, pa un a ydynt wedi cofrestru gyda chorff llywodraethu ai peidio.

• Y Ddeddf Gwerthwyr Tai Opens new window
• Cymdeithas Genedlaethol Gwerthwyr Tai Opens new window

Rhaid i bob gwerthwr tai berthyn i naill ai'r Gwasanaeth Ombwdsmon Syrfewyr neu'r Ombwdsmon Gwerthwyr Tai, sydd â phrosesau cwyno ar waith. I gael gwybod mwy am sut mae gwneud cwyn, darllenwch ‘Gwerthwyr tai – gwneud cwyn’.

• Gwerthwyr tai - gwneud cwyn

Gwneud cynnig

Os byddwch yn gwneud cynnig ar eiddo, gwnewch yn siŵr ei fod yn 'amodol ar gontract'. Mae hyn yn golygu y gallwch dynnu'n ôl o'r cytundeb os bydd unrhyw broblemau. Dan y Ddeddf Gwerthwyr Tai, mae rheidrwydd cyfreithiol ar y gwerthwr tai i gyflwyno unrhyw gynnig i'r sawl sy'n gwerthu'r tŷ.

Nid yw cynnig y prynwr yn rhwym dan y gyfraith yng Nghymru a Lloegr, hyd yn oed os caiff ei dderbyn gan y gwerthwr.

Unwaith y derbynnir eich cynnig, gofynnwch am i'r eiddo gael ei dynnu oddi ar y farchnad dros gyfnod y gwerthiant. Mae hwn yn un cam y gallwch ei gymryd er mwyn ceisio osgoi cael eich 'gasympio'. Efallai na fydd y gwerthwr yn fodlon gwneud hyn os nad ydych wedi gwerthu eich eiddo chi.

Mwy o ddolenni defnyddiol

• Defnyddio gwerthwr tai - gwerthu eiddo
• Y Swyddfa Masnachu Teg: Defnyddio gwerthwr tai i brynu neu werthu eich cartref Opens new window
• Prisiau tai Opens new window