Gwefan llywodraeth y DU

Beth mae’r rhaglen yn ei gynnig

Os ydych chi'n gymwys, mae'r Rhaglen Tai i Weithwyr Allweddol yn golygu y gallwch gael cymorth i fod yn berchen ar dŷ:

• os ydych chi'n brynwr am y tro cyntaf
  
• os ydych chi'n berchen ar dŷ ond bod angen prynu tŷ mwy arnoch i ddiwallu anghenion eich teulu (ee cartref digon o faint ar gyfer teulu)
  
• os ydych am gymryd rhan mewn cynllun rhan-berchnogaeth
  
• os oes arnoch angen rhentu am bris fforddiadwy.
  

Mae'r cynllun ar gael i weithwyr allweddol penodol yn Llundain ac yn Ne Ddwyrain a Dwyrain Lloegr yn unig.

Mae'r cynllun yn cynnig tri gwahanol fath o help:

• Cynllun Cymorth Prynu - Marchnad Agored

Cymorth Prynu - Tŷ Newydd
Os ydych chi'n gymwys cewch brynu o leiaf 25 y cant o gost eich tŷ a thalu rhent gostyngol ar y gyfran sy'n weddill.

• Cynllun Cymorth Prynu - Tŷ Newydd

Rhentu canolradd
Gosodir y rhent ar lefel sydd rhwng y swm a godir gan landlordiaid cymdeithasol a landlordiaid preifat, a darperir y llety gan landlord sydd wedi'i gofrestru gyda'r Gorfforaeth Tai (Landlord Cymdeithasol Cofrestredig).

Cael gwybod am fathau eraill o gymorth sydd ar gael i weithwyr allweddol

• Tai fforddiadwy drwy gymdeithasau tai

Ydych chi’n gymwys ar gyfer y rhaglen?

Mae'r rhaglen yn gyfyngedig i weithwyr allweddol yn yr ardaloedd canlynol:

• Llundain
  
• Berkshire, Swydd Buckingham a Swydd Rydychen
  
• Hampshire
  
• Surrey
  
• Swydd Hertford
  
• Caint, Sussex ac Essex
  
• Swydd Bedford a Swydd Caergrawnt
  
• Norfolk a Suffolk
  

Dyma rai swyddi sy'n cyfrif fel swyddi gweithwyr allweddol:

• Staff Clinigol y GIG (ac eithrio meddygon a deintyddion)
  
• Athrawon a nyrsys meithrin mewn ysgolion ac mewn colegau chweched dosbarth/addysg uwch
  
• Swyddogion yr heddlu, Swyddogion Cymorth Cymunedol a rhai staff sifil
  
• Swyddogion carchar a staff eraill y Carchar
• Staff y Gwasanaeth Prawf
  
• Gweithwyr Cymdeithasol, nyrsys meithrin, seicolegwyr addysg a therapyddion (ee. therapyddion galwedigaethol) a gyflogir gan awdurdodau lleol, CAFCASS neu'r GIG
  
• Cynllunwyr Awdurdodau Lleol
  
• Diffoddwyr Tân a staff mewn lifrai sy'n is na lefel y penaethiaid yn y Gwasanaethau Tân ac Achub
  
• Cynghorwyr Personol Connexions a gyflogir gan awdurdod lleol neu Bartneriaeth Connexions
  
• Y Weinyddiaeth Amddiffyn (rhai staff personél)
• Swyddogion/Ymarferwyr Iechyd Amgylcheddol cymwys sy'n gweithio mewn awdurdod lleol, yn un o asiantaethau'r llywodraeth, yn y GIG neu asiantaethau eraill y sector cyhoeddus
• Staff Swyddog Traffig yr Asiantaeth Priffyrdd mewn rolau diogelwch hanfodol o fewn y Gwasanaeth Swyddog Traffig
  

• Rhagor o wybodaeth am raglen Tai i Weithwyr Allweddol Opens new window

Sut i wneud cais

Os ydych chi'n meddwl eich bod yn gymwys ac am gael gwybod mwy am y cynllun Cymorth Prynu, cysylltwch â'ch Asiant Cymorth Prynu lleol i gael gwybod pa opsiynau sydd ar gael yn eich ardal chi. Os ydych chi'n Weithiwr Allweddol, dylech gysylltu ag Asiant Cymorth Prynu yn yr ardal yr ydych yn gweithio ynddi.

Bydd Asiantau Cymorth Prynu yn gallu dweud wrthych a ydych yn gymwys ai peidio ac yn gallu'ch tywys drwy'r broses ymgeisio. I gysylltu â'ch Asiant Cymorth Prynu lleol neu'r darparwyr benthyciadau, dilynwch y ddolen isod.

• Dod o hyd i asiant Cymorth Prynu yn eich ardal chi