Gwefan llywodraeth y DU

Pam mae angen Pecyn Gwybodaeth am y Cartref

Mae Pecynnau Gwybodaeth am y Cartref yn ofyn cyfreithiol ac ni chewch farchnata eich eiddo heb un. Mae'r Pecyn Gwybodaeth am y Cartref yn gadael i brynwyr weld gwybodaeth bwysig am yr eiddo ar ddechrau'r broses, yn rhad ac am ddim.

Mae hyn yn golygu y bydd llai o siawns i'r prynwr gael 'sioc' ar ddiwedd y broses. Gall y Pecyn Gwybodaeth am y Cartref helpu i leihau oedi a chostau ychwanegol i'r prynwr ac i'r gwerthwr.

Ni fydd arnoch angen Pecyn Gwybodaeth am y Cartref ar gyfer:

• eiddo nad yw'n cael ei farchnata, er enghraifft, os ydych yn gwerthu i aelod o'ch teulu
• eiddo dibreswyl
• eiddo a gyfyngir gan y gyfraith i'w ddefnyddio fel llety gwyliau neu i'w feddiannu am lai nag 11 mis y flwyddyn
• gwerthiannau cymysg, er enghraifft siop gyda fflat
• gwerthiannau portffolio o eiddo, er enghraifft gwerthu dau eiddo gyda'i gilydd
• eiddo nad yw'n gwbl wag pan gaiff ei werthu, er enghraifft gan fod ganddo denant cyfredol
• eiddo anniogel ac eiddo a fydd yn cael ei ddymchwel
• eiddo a werthir drwy gynlluniau perchnogaeth tai 'Hawl i Brynu', 'Hawl i Gaffael' a 'Cymorth Prynu Tŷ Cymdeithasol'

Gweler 'Cynlluniau perchnogaeth tai cost isel - cyflwyniad' i gael mwy o wybodaeth am y cynlluniau Hawl i Brynu, Hawl i Gaffael a Cymorth Prynu Tŷ Cymdeithasol.

• Cynlluniau perchnogaeth tai cost isel - canllaw

Adeiladau newydd

Bydd angen i chi ddarparu Pecyn Gwybodaeth am y Cartref ar gyfer eiddo sydd newydd gael ei adeiladu. I gael manylion beth y mae angen ei ddarparu ar gyfer eiddo sydd newydd gael ei adeiladu, dilynwch y ddolen isod.

• Pecynnau Gwybodaeth Cartref: eitemau gorfodol

Beth yw Pecyn Gwybodaeth am y Cartref

Mae'r Pecyn Gwybodaeth am y Cartref yn cynnwys eitemau gofynnol (gorfodol) ac eitemau wedi'u hawdurdodi (dewisol).
Ni ddylai'r pecyn gynnwys unrhyw ddeunydd marchnata na hysbysebu, felly gwnewch yn siŵr mai dim ond gwybodaeth swyddogol sydd ynddo.

O 6 Ebrill 2009 ymlaen, rhaid sicrhau bod y Pecyn Gwybodaeth am y Cartref ar gael ar y diwrnod cyntaf y rhoddir eiddo ar y farchnad, a'i fod yn cynnwys y dogfennau canlynol:

• Mynegai'r Pecyn Gwybodaeth am y Cartref
• Holiadur Gwybodaeth am yr Eiddo (PIQ)
• Tystysgrif Perfformiad Ynni (EPC) neu Asesiad Rhagfynegi Defnydd Ynni (PEA)
  
• gwybodaeth am gynaliadwyedd (gofynnol ar gyfer cartrefi sy'n cael eu hadeiladu o'r newydd)
  
• datganiad gwerthu
  
• tystiolaeth o deitl

Os nad yw'r dogfennau canlynol ar gael pan mae'r eiddo'n dechrau cael ei farchnata, dylid eu hychwanegu at y Pecyn Gwybodaeth am y Cartref mor fuan â phosib. Rhaid cynnwys y dogfennau hyn o fewn 28 diwrnod i'r dyddiad y rhoddwyd yr eiddo ar y farchnad:

• chwiliadau safonol (awdurdod lleol a draenio a dŵr)
  
• copi o'r les ar gyfer eiddo lesddaliad
  
• dogfennau cyfunddaliad, lle mae hynny'n briodol
  

I gael gwybodaeth fanylach am y dogfennau gorfodol a'r dogfennau dewisol a sut mae cael gafael arnynt, dilynwch y dolenni isod.

• Pecynnau Gwybodaeth Cartref: eitemau gorfodol
• Pecynnau Gwybodaeth Cartref: eitemau dewisol

Cael Pecyn Gwybodaeth am y Cartref

Os oes arnoch angen Pecyn Gwybodaeth am y Cartref, gallwch ddewis unrhyw un o'r dewisiadau canlynol:

• cael gwerthwr tai i'w wneud
• defnyddio twrnai
• defnyddio darparwr Pecyn Gwybodaeth am y Cartref arbenigol
• rhoi un at ei gilydd eich hun

• Pecynnau Gwybodaeth am y Cartref: rhoi Pecyn Gwybodaeth am y Cartref at ei gilydd

Dod o hyd i ddarparwr Pecynnau Gwybodaeth am y Cartref

Os ydych chi'n comisiynu Pecyn Gwybodaeth am y Cartref, dylech holi beth sydd ar gael gan fod prisiau'n amrywio, a dylech edrych ar delerau ac amodau eich contract. Dylech sicrhau bob amser bod darparwr eich Pecyn Gwybodaeth am y Cartref wedi'i gofrestru ar god ymarfer, megis y Cod Pecynnau Gwybodaeth am y Cartref.

• Cod Pecynnau Gwybodaeth am y Cartref a'r Cod Chwilio

Pecynnau Gwybodaeth am y Cartref - mwy o wybodaeth i werthwyr

Dilynwch y dolenni isod i gael mwy o wybodaeth am Becynnau Gwybodaeth am y Cartref, gan gynnwys faint maent yn ei gostio, sut mae talu amdanynt, am faint maen nhw'n para, a sut maent yn edrych.

• Pecynnau Gwybodaeth am y Cartref: mwy o wybodaeth i werthwyr
• Pecynnau Gwybodaeth am y Cartref: rhoi Pecyn Gwybodaeth am y Cartref at ei gilydd