Gwefan llywodraeth y DU

Aseswyr Ynni Domestig

Cyn i berson allu dechrau gweithio fel Asesydd Ynni Domestig, rhaid iddynt fod wedi cael eu hachredu gan un o'r cynlluniau achredu sydd wedi'u cymeradwyo. Ymysg pethau eraill, mae’r cynlluniau hyn yn sicrhau bod Aseswyr Ynni Domestig:

• yn cadw at safonau, codau ymddygiad a gweithdrefnau
• yn gymwys i gynnal asesiad ynni, i lunio'r dystysgrif ac i roi cyngor
• wedi eu hyswirio'n iawn
• yn rhan o gofrestr
• wedi cael archwiliad cofnod troseddol
• yn meddu ar weithdrefn gwyno

Sut mae cwyno
I ddechrau, dylech gwyno i'r Asesydd Ynni Domestig a gynhaliodd yr asesiad. Gallan nhw roi copi o'u gweithdrefn gwyno i chi.
Os na chaiff y gŵyn ei datrys mewn modd boddhaol, gallwch fynd â hi at eu cynllun achredu.

• Cynlluniau achredu Aseswyr Ynni Domestig Opens new window

Arolygwyr Cartrefi

Dylai'r cynlluniau ardystio sicrhau y gall gwerthwyr, prynwyr a benthycwyr ymddiried yng ngwaith yr Arolygwyr Cartrefi. Dylai'r cynlluniau ardystio:

• sicrhau bod cefndir pob Arolygydd Cartrefi wedi cael ei archwilio (gan gynnwys archwiliad gan y Swyddfa Cofnodion Troseddol)
• sicrhau bod pob Arolygydd Cartrefi yn gymwys i wneud eu dyletswyddau
• sicrhau bod gan yr Archwilwyr Cartrefi yswiriant er mwyn delio ag unrhyw hawliadau a allai gael eu gwneud
• edrych ar ansawdd y gwaith a wneir gan Arolygwyr Cartrefi a sicrhau nad yw eu safonau'n gostwng
• meddu ar yr hawl i atal a dileu aelodaeth unrhyw Arolygydd Cartrefi os yw eu gwaith o safon is nag sy'n dderbyniol neu os nad ydynt yn dilyn y cod ymddygiad caeth
• sicrhau bod Arolygwyr Cartrefi yn delio ag unrhyw gwynion yn deg, yn eglur ac yn gyflym
• cadw cofrestr gyhoeddus o'u haelodau

Sut mae cwyno

I ddechrau, dylech gwyno i'r Arolygydd Cartrefi a wnaeth yr asesiad. Gallan nhw roi copi o'u gweithdrefn gwyno i chi.
Os na chaiff y gŵyn ei datrys mewn modd boddhaol, gellir mynd â hi at eu cynllun ardystio.

• Cynlluniau ardystio Arolygwyr Cartrefi Opens new window

Mwy am eich hawliau

• Darparwyr Pecynnau Gwybodaeth am y Cartref

• Cod Pecynnau Gwybodaeth am y Cartref a'r Cod Chwilio

• Gwerthwyr tai - gwneud cwyn

• Trawsgludwyr