Gwefan llywodraeth y DU

Pa ddyletswyddau sydd gan y tenant?

Dan gyfraith gwlad, os ydych yn denant rhaid ichi ddefnyddio'r eiddo mewn modd cyfrifol. Rhaid i chi ofalu'n briodol amdano. Er enghraifft:

• dylech droi'r dŵr i ffwrdd os oes perygl y bydd pibellau'n torri pan fyddwch yn mynd i ffwrdd
• dylech ddadflocio'r sinc os oes gwastraff wedi'i flocio
• ni ddylech ddifrodi'r eiddo a dylech sicrhau nad ydy'ch teulu na'ch gwesteion yn gwneud hynny - os gwnânt, mae'n bosibl mai chi fydd yn gyfrifol am y difrod

Gall y landlord geisio cael y meddiant yn ôl os yw'r tenant neu rywun sy'n byw gydag ef neu hi wedi difrodi'r eiddo.

Ar wahân i'r ddyletswydd sydd arnoch i ofalu am yr eiddo, at ei gilydd, rhaid i chi wneud atgyweiriadau dim ond os yw telerau'ch cytundeb tenantiaeth yn dweud hynny. Fodd bynnag, beth bynnag a ddywed y cytundeb tenantiaeth, does dim rhaid i chi wneud atgyweiriadau y mae'r landlord yn gyfrifol amdanynt o dan y gyfraith.

I gael rhagor o wybodaeth, darllenwch y llyfrynnau am dai sydd ar gael gan yr Adran Cymunedau a Llywodraeth Leol - 'A better deal for council tenants - your Right to Repair', 'Assured and assured shorthold tenancies a guide for tenants' a 'Regulated tenancies'.

• Bargen well i denantiaid cynghorau - eich Hawl i Atgyweirio Opens new window
• Canllawiau ar atgyweiriadau gan yr Adran Cymunedau a Llywodraeth Leol Opens new window
• Assured and Assured Shorthold Tenancies: A Guide For Tenants Opens new window
• Tenantiaethau Sicr a Thenantiaethau Byrddaliol Sicr: Canllaw i Denantiaid Opens new window

Beth sy'n digwydd os nad oes cytundeb tenantiaeth ysgrifenedig?

Mae'r gyfraith ar atgyweiriadau yr un mor berthnasol i gytundeb llafar â chytundeb ysgrifenedig, a bydd yr un darpariaethau'n berthnasol. Ond mae'n syniad da cael unrhyw gytundeb i lawr ar bapur os oes modd.

Beth am ddalwyr trwydded?

Nid oes gan y sawl sy'n rhoi trwydded yr un dyletswyddau â landlord i gadw eiddo mewn cyflwr da. Fodd bynnag, mae cynghorau lleol yn disgwyl bod eiddo'n bodloni safonau neilltuol er budd iechyd a diogelwch y cyhoedd. Os nad ydy'ch eiddo'n bodloni'r safonau hyn, gall y cyngor orchymyn y sawl sy'n rhoi'r drwydded i wneud gwaith neu atgyweiriadau i wneud yn siur fod yr eiddo'n eu bodloni. Gall Adran Iechyd yr Amgylchedd eich cyngor lleol roi rhagor o wybodaeth i chi.

• Dod o hyd i’ch cyngor lleol

Atgyweiriadau a hawliau

Nid oes ots pa atgyweiriadau yr ydych wedi'u gwneud. Mae eich diogelwch deiliadaeth yn dibynnu ar y math o brydles sydd gennych, nid ar eich dyletswyddau atgyweirio.

Mwy o ddolenni defnyddiol

• Adran ‘Rhentu cartref’