Gwefan llywodraeth y DU

Harasio a throi allan anghyfreithlon

Mae harasio a throi allan anghyfreithlon yn droseddau fel y'u diffinnir yn Neddf Amddiffyn rhag Troi Allan 1977.

Mae gan eich cyngor bwerau i erlyn pobl sy'n troseddu. Bydd swyddogion tai'r cyngor yn ymchwilio i gwynion a chyfryngu rhwng y ddwy ochr lle bo modd. Bydd eich cyngor yn ystyried erlyn lle bo digon o dystiolaeth i ddangos y bydd hynny'n llwyddiannus a lle bo hynny er budd y cyhoedd

Peidio â bodloni gofynion y Ddeddf Landlord a Thenant

Mae gan y cyngor bwerau i erlyn landlordiaid nad ydynt yn cyflawni'u dyletswyddau dan Ddeddf Landlord a Thenant 1985, (fel y'i diwygiwyd).

Mae materion o'r fath yn cynnwys peidio â darparu llyfrau rhent a rhydd-ddeiliaid yn gwrthod rhoi gwybodaeth i denantiaid gyda phrydles hir ynghylch taliadau gwasanaeth ac yswiriant.

Pan dderbynnir cwyn, bydd swyddogion tai'r cyngor yn ceisio sicrhau bod y wybodaeth y gofynnir amdani yn cael ei darparu. Fodd bynnag, mewn achos lle parheir i fethu â darparu'r wybodaeth, bydd y cyngor yn ystyried erlyn.

Os ydy'ch prif wasanaethau wedi'u troi i ffwrdd

Os ydy'ch cyflenwadau dur, trydan neu nwy wedi cael eu diffodd neu'n debygol o gael eu diffodd, oherwydd eich landlord, gall y cyngor helpu. Dan Ddeddf Llywodraeth Leol (Darpariaethau Amrywiol) 1976, gall y cyngor drefnu i adfer y prif wasanaethau ar gyfer ei drigolion.

Defnyddir y pwerau hyn dim ond pan fydd popeth arall wedi methu mewn achosion o argyfwng ac wedyn dim ond pan fo hynny yn effeithio ar blant ifanc neu bobl oedrannus.

Ymhob achos, bydd y cyngor yn gweithio'n agos gyda'r cyflenwyr a lle bo'n bosibl byddant yn ceisio cymorth a chefnogaeth y cyflenwyr.

• Dod o hyd i'ch cyngor lleol

Mwy o ddolenni defnyddiol

• Amddiffyn eich hun rhag cael eich troi allan
• Cyngor am dai – cynrychiolaeth yn y llys
• Digartrefedd