Gwefan llywodraeth y DU

Mathau o wirfoddoli 'gwyrdd'

Mae pobl o bob cefndir yn cymryd camau bach yn lleol. Gyda'i gilydd, mae'r camau bach hynny'n gwneud gwahaniaeth mawr yn fyd-eang.

Gall gwirfoddoli wneud gwahaniaeth, a gellir mynd ati i wneud hynny mewn llawer o wahanol ffyrdd. Mae'r rhain yn cynnwys gwaith cymunedol a chynlluniau sy'n ymwneud â'r canlynol:

• cadwraeth bywyd gwyllt
• prosiectau addysgol sy'n ymwneud â'r amgylchedd
• cefnogi gwaith cymorth rhyngwladol
• ailgylchu
• bod yn rhan o grŵp cymunedol lleol sy'n gweithio ar faterion amgylcheddol neu fyd-eang

Dod o hyd i gyfleoedd gwirfoddoli gwyrdd

• defnyddiwch y chwilotwr cod post ar wefan Datblygu Cynaliadwy
• mae gwefan Volunteering England yn cynnwys manylion eich canolfan wirfoddoli leol, a fydd yn rhoi gwybodaeth am gyfleoedd gwirfoddoli lleol
• ewch ati i helpu gyda phrosiectau cadwraeth yn eich cymuned, a gwella'ch iechyd drwy ymuno â Champfa Werdd rad ac am ddim gydag Ymddiriedolaeth Gwirfoddolwyr Cadwraeth Prydain (BTCV)
• mae gwefan BTCV hefyd yn rhoi gwybod i chi am wyliau gwirfoddoli ym maes cadwraeth a sut i ymuno â grŵp cadwraeth lleol

• Volunteering England Opens new window
• Y Gampfa Werdd a mwy gan Warchodwyr Cefn Gwlad (BTCV) Opens new window
• Dod o hyd i gyfleoedd ar gyfer gwirfoddoli gwyrdd yn eich ardal chi Opens new window
• Chwilio drwy gronfa ddata genedlaethol o gyfleoedd gwirfoddoli Opens new window

Cynlluniau gwyrdd lleol

Mae yna nifer o gynlluniau a phrosiectau lleol yn y DU sy'n annog pobl a busnesau i fod yn fwy gwyrdd. Er enghraifft, gallwch fod yn 'Warcheidwad Ynni' gyda Chyngor Dinas Leeds neu ganfod sut mae rhoddi eitemau nad oes mo'u heisiau arnoch gyda Chynghorau Bwrdeistref Basingstoke a Deane.

• Mwy o wybodaeth am gynlluniau 'gwyrdd' lleol (adran yr amgylchedd a byw'n wyrdd)

Gwirfoddoli yng nghefn gwlad

Os oes gennych ddiddordeb neilltuol mewn gwirfoddoli yng nghefn gwlad, cliciwch ar y ddolen isod i fynd â chi at wefan eich awdurdod lleol lle gallwch gael rhagor o wybodaeth.

• Cael gwybod am wirfoddoli yng nghefn gwlad Opens new window

Dod yn Hyrwyddwr Cymunedol

Mae gan y rhaglen Mae Pob Gweithred yn Cyfri Gynllun Hyrwyddwyr Cymunedol. Mae Hyrwyddwyr Cymunedol yn neilltuo ychydig o amser bob mis i helpu eraill i gymryd camau i wella'u cymuned a'r amgylchedd. Bydd Hyrwyddwyr Cymunedol yn cael hyfforddiant a chyngor drwy'r cynllun Mae Pob Gweithred yn Cyfri, ac wedyn yn helpu grwpiau cymunedol i ddatblygu prosiectau lleol.

• Hyrwyddwyr Cymunedol Opens new window

Ymuno ag eraill i ddod yn fwy gwyrdd

Ymunwch â'ch ffrindiau neu'ch cymdogion i weld beth allwch chi ei wneud i wella'r amgylchedd. Mae gan Global Action Plan (GAP) raglen o'r enw EcoDimau, sy'n eich helpu i sefydlu grŵp yn eich cymuned leol, neu gyda ffrindiau neu gyd-weithwyr.

Grŵp o bedwar cartref o leiaf yw EcoDîm sy'n cyfarfod bob mis i annog y naill a'r llall i sicrhau ffordd o fyw fwy gwyrdd ac i gymharu'u cynnydd. Trwy gymryd camau bach ymhob cartref, gallwch helpu i leihau newid yn yr hinsawdd.

• Mwy o wybodaeth am EcoDimau Opens new window