Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Rhoi gwybod am gi sy'n crwydro
Gall cŵn sydd ar goll a chŵn sy'n crwydro fod yn beryglus, a gallant beri pryder i bobl sy'n defnyddio strydoedd a ffyrdd, ond mae help ar gael i ymdopi â phroblemau.
Sut mae rhoi gwybod am gi sy'n crwydro?
Os dewch o hyd i gi sy'n crwydro, cysylltwch â'ch cyngor ac fe ddôn nhw i gasglu'r ci (os ydyn nhw'n gwybod o ble daeth y ci).
Fel arall, gallwch fynd â'r ci i'r swyddfa heddlu agosaf i ble daethoch chi o hyd i'r ci.
I roi gwybod am gi sy'n crwydro, efallai y gofynnir i chi ddarparu'r wybodaeth ganlynol:
- eich manylion cyswllt (enw, cyfeiriad, rhif ffôn, e-bost)
- disgrifiad o'r ci, er enghraifft, ei fath, ei liw, ei faint, ei oedran
- yr amser a'r dyddiad y daethoch o hyd i'r ci
- ble daethoch chi o hyd i'r ci
- ble y dylid casglu'r ci
Os ydych chi'n cwyno am gŵn sy'n crwydro ar dir ysgol neu'n amharu ar lif traffig, bydd eich cyngor yn delio â hyn ar fyrder.
Mae'n drosedd peidio â rhoi gwybod am gi sy'n crwydro.
Bydd y ddolen isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.
Sut gall gwasanaeth warden cŵn eich cyngor fod o gymorth?
Nod y gwasanaeth warden cŵn yw delio â phroblemau a achosir gan y pedair prif elfen sy'n gysylltiedig â pherchnogion cŵn anghyfrifol:
- cŵn swnllyd
- cŵn ymosodol
- baw cŵn
- cŵn sy'n crwydro
Os caiff ci ei ddal yn crwydro, mae wardeniaid cŵn yn ceisio dod o hyd i'r perchnogion gan roi gwybod iddyn nhw ble y cânt ddod i gasglu eu cŵn. Cedwir unrhyw gi sy'n crwydro yn ddiogel am hyd at saith niwrnod.
Rhoddir sylw ar fyrder i unrhyw gŵyn am gŵn sy'n crwydro ar dir ysgol neu'n amharu ar lif traffig. Rhoddir sylw i bob cwyn am gŵn cyn gynted â phosibl.
Os na all y warden cŵn ddelio â chwyn, fe gaiff ei throsglwyddo i'r asiantaeth briodol (er enghraifft, yr Heddlu neu RSPCA).
Beth yw dyletswyddau'r warden cŵn?
Bydd y gwasanaeth warden cŵn yn:
- ymateb i bob cwyn cyn gynted ag y bo modd
- ymateb ar fyrder os gwelir cŵn yn crwydro ar dir ysgol neu'n amharu ar draffig
- casglu eich ci sy'n crwydro a'i ddychwelyd y tro cyntaf iddo gael ei gasglu, cyhyd â bod coler a thag cyfeiriad arno
- casglu pob ci arall sy'n crwydro a'u cadw'n ddiogel am gyfnod penodol i'w casglu gan y perchennog (bydd rhaid talu ffi)
- annog pobl i fod yn berchnogion cŵn cyfrifol trwy gyflwyno sgyrsiau mewn Ysgolion Cynradd a chyda grwpiau eraill
- darparu, os yw'n bosib, gyflenwadau o
"fagiau cŵn"
, sydd wedi ennill gwobrau lu, i berchnogion cŵn - (efallai y codir tâl am hyn) - gorfodi is-ddeddfau sy'n ymwneud â chŵn a Deddf Cŵn (Baeddu Tir) 1996
- gosod microsglodyn mewn cŵn er mwyn hyrwyddo pobl i fod yn berchnogion cyfrifol
Defnyddiwch y ddolen isod i gael gwybod mwy am y gyfraith a pherchen ar gi.
Additional links
Allweddumynediad llywodraeth y DU
