Gwefan llywodraeth y DU

Hyfforddiant Cychwynnol Athrawon: pa gymorth ariannol allwch chi ei gael?

Mae gan bob myfyriwr sy'n dilyn cwrs Hyfforddiant Cychwynnol Athrawon cymwys hawl i ryw fath o gymorth ariannol. Gellir dilyn nifer o lwybrau er mwyn cymhwyso i fod yn athro, a bydd y math o gymorth a gewch yn dibynnu ar ba lwybr yr ydych chi'n ei ddewis.

Cymorth sydd ar gael i israddedigion ac ôl-raddedigion

Os ydych chi'n dilyn cwrs Hyfforddiant Cychwynnol Athrawon amser llawn ar gyfer israddedigion, gallwch wneud cais am Fenthyciadau Myfyrwyr, grantiau a bwrsarïau ar yr un telerau â myfyrwyr amser llawn eraill sy'n dilyn eu cwrs addysg uwch cyntaf.

Fel arfer, ni chaiff myfyrwyr ôl-raddedig wneud cais am y pecyn cyllid cyflawn sy'n cael ei anelu at fyfyrwyr amser llawn. Ond byddwch yn gymwys ar gyfer elfennau ohono ar gyfer cwrs Hyfforddiant Cychwynnol Athrawon – p'un ai a ydych yn ei ddilyn ar sail amser llawn neu ran-amser, neu fel myfyriwr israddedig neu ôl-raddedig.

Dilynwch y ddolen isod i weld ‘Hyfforddiant Cychwynnol Athrawon - Benthyciadau myfyrwyr, grantiau a bwrsarïau’. Cewch yma fanylion am y pecyn cyllid sydd ar gael i fyfyrwyr israddedig a'r rhan fwyaf o fyfyrwyr ôl-raddedig a gychwynnodd ar eu cwrs ym mis Medi 2006 neu ar ôl hynny.

• Hyfforddiant Cychwynnol Athrawon: Benthyciadau Myfyrwyr, grantiau a bwrsarïau

Cymorth ychwanegol i fyfyrwyr ôl-raddedig

Os ydych chi'n fyfyriwr ôl-raddedig, gallwch hefyd wneud cais am fwrsari hyfforddi gan yr Asiantaeth Hyfforddi a Datblygu ar gyfer Ysgolion, sy'n werth rhwng £4,000 a £9,000. Telir hwn ar ben y pecyn cyllid sydd ar gael i israddedigion ac ôl-raddedigion.

Dilynwch y ddolen isod i fynd i ‘Hyfforddiant Cychwynnol Athrawon: cymorth ychwanegol i ôl-raddedigion i gael gwybod mwy am fwrsari hyfforddi'r Asiantaeth Hyfforddi a Datblygu, ac i gael gwybodaeth am ‘daliadau croeso’, sef bonws a delir unwaith yn unig i fyfyrwyr ôl-raddedig sydd wedi hyfforddi i ddysgu rhai pynciau sy'n cael ‘blaenoriaeth’ ar lefel uwchradd, ar ôl iddynt gwblhau eu blwyddyn sefydlu.

• Hyfforddiant Cychwynnol Athrawon: cymorth ychwanegol i ôl-raddedigion

Wnaethoch chi ddechrau ar gwrs israddedig cyn mis Medi 2006?

Bydd y pecyn cymorth ariannol yn wahanol os ydych chi'n fyfyriwr israddedig a ddechreuodd ar eich cwrs cyn mis medi 2006 – neu os ydych chi'n cael eich trin felly oherwydd i chi, er enghraifft, gymryd blwyddyn fwlch yn 2005/2006.

Dyma'r prif ffynonellau cyllid ar gyfer israddedigion a ddechreuodd astudio cyn mis Medi 2006:

• Benthyciad Myfyrwyr ar gyfer Cynhaliaeth
• Grant Addysg Uwch a grant ffioedd dysgu
• Benthyciad Myfyrwyr ar gyfer Ffioedd Dysgu

Yn gyffredinol, nid yw'r grantiau a'r Benthyciadau Myfyrwyr hyn ar gael ar gyfer cyrsiau rhan-amser – ond mae cyrsiau Hyfforddiant Cychwynnol Athrawon rhan-amser yn eithriad.

Dilynwch y ddolen isod i gael mwy o fanylion.

• Cyllid myfyrwyr ar ôl eich blwyddyn gyntaf: cyrsiau'n dechrau cyn Medi 2006?

Cynlluniau Hyfforddi Athrawon yn y Gweithle

Ceir hefyd dri math o Gynlluniau Hyfforddi Athrawon yn y gweithle. Os byddwch yn dilyn un o'r llwybrau hyn, ni fydd yn rhaid i chi dalu unrhyw ffioedd dysgu.

Gweithiwr fyddwch chi yn hytrach na myfyriwr - felly telir cyflog i chi gan eich ysgol, ond ni fyddwch yn gymwys ar gyfer cyllid myfyrwyr, bwrsari hyfforddi na ‘thaliad croeso’.

Mwy am Hyfforddiant Cychwynnol Athrawon

Gallwch gael mwy o wybodaeth ynghylch y mathau gwahanol o gyrsiau Hyfforddiant Cychwynnol Athrawon ar wefan yr Asiantaeth Hyfforddi a Datblygu ar gyfer Ysgolion.

• Cael gwybod mwy am gyrsiau Hyfforddiant Cychwynnol Athrawon Opens new window