Gwefan llywodraeth y DU

Arweiniad diogelwch sylfaenol

Bydd y rhagofalon syml hyn yn lleihau'r risg o dân ar eich cwch:

• gosod larwm mwg
• sicrhau bod y dodrefn a'r ewyn inswleiddio yn ddeunyddiau gwrth-tân
• dylid sicrhau bod gwyddiau gwifro yn mynd drwy gwndid i osgoi rhathiad
• dylai bocsys batri fod yn gaeedig ac wedi'u hawyru
• dim ond matsis diogelwch y dylech eu storio – gallai dirgryniad danio matsis nad ydynt yn fatsis diogelwch
• bod ag o leiaf un diffoddwr tân, a ddylai fod ger allanfa'r caban

Osgoi tanau tanwydd

Rheoli injan

• cyn dechrau, sicrhewch fod digon o aer o amgylch yr injan
• ar ôl gwneud unrhyw waith cynnal a chadw ar yr injan, dylid awyru'r injan yn drwyadl
• dylid edrych yn rheolaidd ar linellau tanwydd a thanciau er mwyn sicrhau nad oes craciau ynddynt ac nad oes dim yn gollwng ohonynt

Rheoli tanwydd

• dylech gario tanwydd sbâr dim ond os yw hynny'n gwbl angenrheidiol, a dylid ei gario mewn cynwysyddion cymeradwy yn unig, gan ei storio ar y dec uchaf bob amser
• dylid stopio'r injan cyn dechrau ail-lenwi â thanwydd
• dylid diffodd pob deunydd ysmygu a fflam agored ac offer coginio/goleuo
• sicrhewch eich bod yn defnyddio twmffat wrth dywallt
• dylai tanciau gael eu hawyru yn union uwchben y dŵr, a dylid cael falf diffodd uniongyrchol ar linellau tanwydd
• ar ôl ail-lenwi â thanwydd, sicrhewch fod caead y tanc llenwi wedi'i gau'n dynn
• os oes unrhyw hylifau wedi'u gollwng, dylid eu clirio a'u hawyru
• awyru'r cwch yn drwyadl cyn dechrau'r injan neu ddefnyddio fflamau agored eto

Ymdrin â silindrau nwy yn ddiogel

Dylech fod yn arbennig o ofalus wrth ymdrin â'r silindrau nwy a ddefnyddir ar eich cwch. Dilynwch yr awgrymiadau diogelwch hyn:

• peidiwch â gadael popty heb fod neb yn cadw llygad arno
• dylid gosod system canfod nwy
• dylid cadw silindrau mewn cynhwysydd wedi'i selio, sy'n dal dŵr, gyda fentiau atmosfferig lefel isel
• defnyddiwch bibellau cymeradwy yn unig
• dylid cadw silindrau ar wahân ac yn ddiogel pan na chânt eu defnyddio
• dylai pyllau 'sbydu gael eu pwmpio â llaw yn rheolaidd er mwyn dileu anwedd isel
• os bydd y tywydd yn caniatáu, ceisiwch agor pob portwll ac agorddrws yn ddigonol fel y gellir awyru
• dylai unrhyw ran na chafodd ei defnyddio ers cryn amser gael ei hawyru'n drwyadl
• wrth newid silindrau, gwnewch yn siŵr fod pob falf silindr wedi'i diffodd cyn ei datgysylltu
• sicrhewch fod y silindr newydd yn ddiogel cyn cysylltu
• peidiwch â throi'r falfiau silindr ymlaen cyn bod y cysylltiad yn gyflawn a'i fod wedi'i archwilio
• dylid cadw silindrau sbâr a gwag yn yr awyr agored, a'u diogelu gyda strap diogelwch neu ddyfais arall y gellir ei hagor yn gyflym

Os ceir tân ar y cwch

Paratoi yw'r allwedd i ddelio â thân, os a phan ddigwydd hynny. Dylech bob amser wneud yn siŵr y gŵyr pawb sut mae dianc rhag perygl, lle mae offer diogelwch tân wedi'u gosod a sut mae gwneud galwad mewn argyfwng. Dyma'r pwyntiau hanfodol i'w cofio:

• meddyliwch am eich diogelwch eich hun: gadewch y cwch ar unwaith
• os yw'n bosibl, cadwch y tanwydd a'r nwy ar wahân
• peidiwch â mynd yn rhy agos at gychod eraill, a rhowch wybod iddynt am y perygl a berir gan eich cwch
• paratowch fag brys a rafft achub

Mwy o ddolenni defnyddiol

• Angorfeydd cychod
• Mwynhau dyfrffyrdd (adran teithio a thrafnidiaeth)