Gwefan llywodraeth y DU

Gosod larwm mwg a’i brofi’n rheolaidd

• gosodwch larwm mwg ar bob llawr yn eich cartref – dyma’r cam symlaf y gallwch ei gymryd i leihau’r perygl o farw mewn tân yn eich cartref
• bob wythnos, gwnewch yn siŵr bod y batris yn eich larwm mwg yn gweithio a newidiwch hwy bob blwyddyn – peidiwch byth â'u tynnu o'r larwm

• Cael gwybod mwy am osod a phrofi larymau mwg

Bod yn ofalus wrth goginio

• mae mwy na hanner y tanau sy’n cynnau’n ddamweiniol mewn cartrefi yn cael eu hachosi gan rywbeth sy’n ymwneud â choginio
• byddwch yn ofalus iawn wrth goginio gydag olew poeth a pheidiwch â gadael plant ar eu pennau eu hunain yn y gegin pan fydd yr hob neu’r popty ymlaen

• Cael rhagor o gyngor ynghylch coginio mewn modd diogel

Cynllunio llwybr dianc a tharo golwg dros bethau cyn mynd i’r gwely

• cynlluniwch lwybr i chi allu dianc o’ch cartref os oes tân a sicrhewch fod pawb yn y tŷ yn gyfarwydd â’r cynllun
• os oes tân, peidiwch â cheisio’i ddiffodd eich hun – ewch allan, arhoswch allan a ffoniwch 999
• cyn i chi fynd i’r gwely, gwnewch yn siŵr nad oes peryglon a all achosi tân yn eich cartref – mae’n cymryd mwy o amser i ddod yn ymwybodol o dân pan fyddwch chi’n cysgu
• gweler ‘Cynllunio ar gyfer dianc yn ddiogel' i gael rhagor o wybodaeth ynghylch yr hyn y dylid taro golwg drosto cyn mynd i'r gwely ac ynghylch llunio cynllun dianc

• Cynllunio ar gyfer dianc yn ddiogel

Peidio â gorlwytho socedi

• ceisiwch gyfyngu i un plwg ar gyfer pob soced – gall plygio gormod o offer trydanol i mewn i un soced ei orlwytho, a gall hynny arwain at orboethi
• gall offer trydanol, plygiau a cheblau sy’n hen neu wedi’u gwifrio’n wael hefyd fod yn beryglus.

• Mwy ynghylch diogelwch tân ac offer trydanol

• Defnyddio blancedi trydan a gwresogyddion mewn modd diogel

Diffodd sigaréts yn llwyr

• mae mwy o bobl yn marw mewn tanau a achosir gan ysmygu nag mewn tanau a achosir gan ddim arall
• dylech ddiffodd sigaréts yn llwyr a chael gwared â hwy'n ofalus
• gweler ‘Diogelwch wrth ysmygu’ i gael awgrymiadau am sut mae osgoi achosi tân os ydych chi’n ysmygu

• Diogelwch wrth ysmygu

Bod yn ofalus wrth ddefnyddio canhwyllau

• mae canhwyllau, goleuadau addurniadol ac addurniadau yn achosi mwy a mwy o danau
• sicrhewch fod canhwyllau wedi’u diogelu mewn llestr dal cannwyll sefydlog a’u bod ddigon pell i ffwrdd o lenni, ffabrigau a phapur
• diffoddwch ganhwyllau bob tro y byddwch yn gadael yr ystafell neu’n mynd i’r gwely

• Mwy ynghylch defnyddio canhwyllau, goleuadau addurniadol ac addurniadau

Gofyn i'r Gwasanaeth Tân ac Achub ddod i ymweld â’ch cartref

• mae nifer o Wasanaethau Tân ac Achub yn cynnig ymweliad diogelwch tân yn y cartref am ddim i bobl sy'n byw yn eu hardal
• byddant yn archwilio'ch cartref i'ch helpu i ddod o hyd i unrhyw beryglon posib a allai achosi tân a byddant yn dangos i chi beth i'w wneud er mwyn lleihau neu atal y perygl o dân
• gallant hefyd eich helpu i ddatblygu cynllun dianc ar gyfer eich cartref

• Dod o hyd i'ch Gwasanaeth Tân ac Achub lleol Opens new window

• Gwasanaeth Tân ac Achub y DU

Mwy o ddolenni defnyddiol

• Gosod nwy yn y cartref ac iechyd a diogelwch

• Cadw plant yn ddiogel rhag llosgiadau a sgaldiadau (adran rhieni)

• Cyngor am ddiogelwch tân ar gyfer rhieni a gofalwyr plant (adran rhieni)