Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Rhagfyr 2008

Yn y gegin y bydd y rhan fwyaf o danau domestig yn cychwyn. Gallwch ddilyn camau syml er mwyn atal tân yn y gegin.

pan fyddwch yn coginio, byddwch yn ofalus os ydych chi'n gwisgo dillad llac oherwydd gallant fynd ar dân yn hawdd
cadwch wifrau trydanol, llieiniau sychu llestri a chadachau oddi wrth y popty a'r hob
peidiwch byth â gadael plant ar eu pennau eu hunain yn y gegin
sicrhewch nad yw matsis, tanwyr a handlenni sosbenni o fewn cyrraedd plant, a rhowch glicied diogelwch ar ddrws y popty
cadwch y popty, yr hob, y peiriant gwneud tost a'r gril yn lân - gall braster, briwsion neu saim sydd wedi hel dros amser fynd ar dân yn hawdd
peidiwch â defnyddio matsis na thanwyr i oleuo poptai nwy - mae dyfeisiadau tanio y gellir eu prynu mewn siopau yn fwy diogel
peidiwch â gadael sosbenni a phadelli ar yr hob pan nad ydych chi o gwmpas -tynnwch nhw oddi ar yr hob os bydd angen i chi fynd o'r gegin
rhowch handlenni sosbenni ar ongl fel nad ydynt yn gorwedd dros fflam agored na thros ochr y popty
peidiwch â rhoi unrhyw beth sydd wedi'i wneud o fetel neu rywbeth metalig y tu mewn i'r microdon
pan fyddwch wedi gorffen coginio, sicrhewch eich bod yn diffodd y popty a'r hob

os byddwch chi'n defnyddio'r sosban gwneud sglodion yn rheolaidd, dylech ystyried prynu sosban ffrio drydan - ceir thermostatau ynddynt fel na fyddant yn gorboethi, sy'n golygu eu bod yn fwy diogel i'w defnyddio
sicrhewch fod y bwyd yn sych cyn ei roi yn yr olew poeth fel nad yw'r olew yn tasgu ac yn eich llosgi
os nad oes gennych sosban ffrio drydan a'ch bod yn defnyddio sosban gyffredin, peidiwch byth â'i llenwi fwy nag un traean
os bydd yr olew yn dechrau mygu, mae'n rhy boeth - diffoddwch y gwres a gadael iddo oeri

peidiwch â mentro - ewch allan a galw'r gwasanaeth tân
diffoddwch y gwres os yw'n ddiogel - peidiwch â symud y sosban
peidiwch â thaflu dŵr dros y sosban na defnyddio diffoddwr tân oherwydd fe fydd hyn yn creu pelen o dân