Gwefan llywodraeth y DU

Gwres yr haf

Gall tymheredd yn yr haf yn y DU fod yn uwch na 32 Celsius (90 Fahrenheit) gan beri risg i iechyd. Mae'n bwysig eich bod chi a'r sawl rydych chi'n gofalu amdano'n cael digon o hylifau. Mae colli dŵr o'r corff yn gallu achosi problemau iechyd sylweddol ac arwain at farwolaeth mewn achosion eithafol. Plant ifanc a'r henoed sydd fwyaf mewn perygl. Efallai na fyddan nhw'n sylweddoli eu bod yn gorboethi ac nad ydyn nhw'n yfed digon o hylifau.

Os ydych chi'n poeni am wres yr haf, mae rhagor o wybodaeth ar gael ar wefan y Swyddfa Dywydd. Mae rhagor o gyngor am sut i leihau neu drin effeithiau gwres ar wefan NHS Direct. Gallwch gysylltu â NHS Direct drwy gyfrwng eu llinell gymorth, 0845 4647, neu ar-lein. Gallwch hefyd ofyn am gyngor a gwybodaeth gan eich fferyllydd lleol.

• NHSDirect Online Opens new window

Cadw’n oer

Gallwch ddilyn canllawiau syml er mwyn aros yn iach mewn cyfnod hir o dywydd cynnes:

• cysgodi rhag yr haul
• sicrhau bod eich cartref mor oer ag sy'n bosib - mae cau ffenestri yn ystod y dydd yn gallu bod o gymorth
• agor eich ffenestri yn y nos - pan fydd hi'n oerach
• dal i yfed hylifau
• peidio ag yfed gormod o alcohol - mae'n colli dŵr o'r corff
• osgoi bwyta bwyd poeth a thrwm; addasu eich deiet i gynnwys digonedd o ffrwythau a salad gan fod y rhain yn rhoi dŵr yn eich corff
• defnyddio eli haul ffactor uchel
• gwisgo dillad ysgafn a llac, megis cotwm er mwyn i chwys anweddu
• os byddwch chi'n teimlo'n sâl neu'n benysgafn, cysgodwch rhag yr haul a cheisiwch gyngor meddygol

Rhaid i chi ofalu am anifeiliaid anwes yn ystod tywydd cynnes hefyd. Gwnewch yn siŵr bod ganddyn nhw ddigon o awyr iach a hylif. Mae'n werth cofio hefyd bod yr haul ar ei gryfaf rhwng 11am a 3pm.

Mwy o ddolenni defnyddiol

• Dod o hyd i'ch cyngor lleol
• Torheulo doeth (adran pobl ifanc)
• NHS – Arweiniad Tywydd Twym Opens new window