Gwefan llywodraeth y DU

Help mewn argyfwng - alcohol

Cyffur yw alcohol sydd ag effeithiau cryf. Os byddwch chi'n sylwi ar rywun sydd wedi yfed alcohol ac sy'n ymddwyn mewn modd sy'n gwneud i chi bryderu am eu diogelwch neu ddiogelwch y bobl o'u cwmpas, neu sydd wedi bod yn wirioneddol sâl ar ôl yfed alcohol, cymerwch y camau canlynol:

• dweud wrth y person eich bod yn poeni amdanyn nhw a'u diogelwch
• ffonio 999 a gofyn am ambiwlans neu am gymorth gan yr heddlu
• gwneud yn siŵr nad oes dim byd yn blocio'r bibell wynt, er enghraifft cyfog, a sicrhau nad ydyn nhw wedi llyncu eu tafod
• peidio â gadael i'r person gysgu heb fod neb yn eu gwylio
• peidio â gadael i'r person adael neu gerdded ar eu pen eu hunain
• peidio byth â gadael i'r person yrru - cymryd eu hallweddi oddi arnyn nhw os yn bosibl cael cymorth gan yr heddlu neu barafeddygon mor gyflym ag y gallwch chi

• Gwybodaeth am gamddefnyddio alcohol Opens new window

Help mewn argyfwng - cyffuriau

Chwiliwch am arwyddion o berygl ynoch chi'ch hun neu bobl eraill sydd wedi cymryd cyffuriau - megis gorboethi, teimlo'n benysgafn, teimlo'n sâl, blinder sydyn, cur pen, crampiau a breichiau a choesau'n brifo.

Gallai pobl ar gyffuriau sy'n dangos y symptomau hyn neu'n sy'n edrych yn ofidus fod wedi cael adwaith alergaidd i'r cyffur maen nhw wedi'i gymryd, neu wedi cymryd gormod ohono. Mae'n bwysig cymryd y camau canlynol ar unwaith:

• Gwybodaeth i rieni am gyffuriau

• Atal Cyffuriau Opens new window

• Cael help gyda phroblemau cyffuriau Opens new window

Cael help yn lleol

Mae gan nifer o gynghorau dimau cefnogi penodol ar gyfer problemau alcohol a chyffuriau. Gallwch wneud cais am y gwasanaeth hwn os oes angen help a chefnogaeth arnoch chi am eich bod yn ddibynnol ar gyffuriau ac alcohol, a'ch bod am wneud rhywbeth yn ei gylch.

Rhoddir triniaeth i'r rhai sydd fwyaf ei hangen yn gyntaf. Ar ben hynny, mae gweithwyr cymdeithasol arbenigol yn gweithio gyda phobl sy'n agored i gamddefnyddio cyffuriau ac alcohol, megis pobl ddigartref.

Efallai y gall gofalwyr, ffrindiau a pherthnasau dderbyn cefnogaeth a chyngor hefyd - os ydych chi'n poeni am rywun rydych chi'n ei adnabod, cysylltwch â'ch cyngor lleol i holi am eu gwasanaethau cyffuriau ac alcohol.

Rhif ffôn y Llinell Gymorth Cyffuriau Genedlaethol yw 0800 77 66 00. Mae'n llinell gymorth rad ac am ddim a chyfrinachol dros y ffôn, sy'n rhoi gwybodaeth am gamddefnyddio cyffuriau ac alcohol. Mae ar agor 24 awr y dydd, 7 diwrnod yr wythnos.

Rhif ffôn Drinkline, y Llinell Gymorth Alcohol Genedlaethol yw 0800 917 8282. Mae'n cynnig gwybodaeth, help a chyngor cyfrinachol ac mae ar agor 24 awr y dydd, 7 diwrnod yr wythnos.

• Pobl ifanc a chyffuriau

• Help i bobl ifanc sydd â phroblemau cyffuriau ac alcohol Opens new window

• Gwefan Alcoholics Anonymous Opens new window

• Cyngor am gamddefnyddio alcohol Opens new window

• Atal cyffuriau Opens new window

• Narcotics Anonymous Opens new window

• Dod o hyd i’ch gwasanaethau cefnogaeth alcohol lleol Opens new window

Casglu nodwyddau a gwastraff clinigol arall

Gall eich cyngor lleol gasglu a chael gwared ar nodwyddau wedi'u defnyddio, cyffuriau, deunydd fferyllol a gwastraff meddygol. Cysylltwch â nhw i drefnu hyn os bydd ei angen arnoch.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Gwneud cais i gasglu gwastraff clinigol Opens new window