Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Cyngor am dai - cynrychiolaeth yn y llys
Os ydych i fod i fynychu gwrandawiadau mewn achos ildio meddiant oherwydd ôl-ddyledion rhent, efallai y byddwch am gael cyngor neu gynrychiolaeth am ddim gan 'gynllun cymorth y llys ar gyfer achosion ildio meddiant'. Os nad ydych wedi ceisio cyngor cyfreithiol cyn mynychu gwrandawiadau ildio meddiant, gall hwn fod yn ffynhonnell munud olaf o gymorth.
Mae'r cynllun yn darparu twrnai/cynghorydd sydd ar ddyletswydd adeg y gwrandawiad ar eich cyfer. Bydd yr unigolyn hwn yn eich cynrychioli drwy'r gwrandawiad ei hun ac yn cymryd unrhyw gamau dilynol gofynnol. Mae'r cynllun yn sicrhau bod yr holl wybodaeth berthnasol yn cael ei hystyried cyn i'r barnwr wneud ei benderfyniad.
Pam ddylech chi fod yn y gwrandawiad
Os mai chi yw'r diffynnydd, mae'n bwysig eich bod chi'n dod i'r gwrandawiad gan mai dyma'ch cyfle i ddweud wrth y llys pam eich bod ar ei hôl hi gyda'ch taliadau morgais/rhent. Os na fyddwch yn dod i'r llys, gall y llys benderfynu eich troi chi allan o'ch cartref. Unwaith i'r llys wneud y penderfyniad hwn, mae'n anodd iawn rhwystro hynny rhag digwydd. Os oes gennych chi reswm da, efallai y gallwch sicrhau bod yr achos yn cael ei ohirio er mwyn rhoi cyfle i chi ddal i fyny â'ch taliadau. Gall y cynllun cymorth hwn eich helpu i esbonio wrth y llys neu i drafod trefniant gyda'ch landlord neu fenthyciwr morgais ynghylch talu'ch ôl-ddyledion rhent.
Ceir mwy o wybodaeth am drefn y llys gydag achosion ildio meddiant ar wefan Gwasanaeth Llysoedd Ei Mawrhydi (GLlEM).
Sut mae cynlluniau cymorth yn cael eu trefnu?
Gall pob cynllun eich helpu i gael cyngor pellach gydag unrhyw broblemau cyfreithiol eraill. Mae'r cynlluniau ar waith bellach mewn oddeutu traean o'r 230 o lysoedd sirol yng Nghymru a Lloegr. I gael gwybod mwy am y cynlluniau yn eich ardal leol, cysylltwch â'ch cyngor lleol neu ffoniwch Galw Gwasanaeth Cyfreithiol Cymunedol ar 0845 345 4 345 neu ymwelwch â'u gwefan.
Os nad oes cynlluniau cymorth ar gael, mae gan rai llysoedd wasanaethau cynghori eraill yn y llys sy'n cael eu darparu gan fudiadau megis Shelter, neu gan asiantaethau eraill sy'n rhoi cyngor gwirfoddol.
Os nad oes cynllun cymorth ar gael yn eich ardal, gallwch gael gwybod pa wasanaethau cynghori eraill sydd ar gael drwy gysylltu â'r llys lle bydd eich achos yn cael ei gynnal. Bydd manylion cyswllt y llys ar y gwaith papur y byddwch wedi'i dderbyn gan y llys yng nghyswllt eich achos, neu oddi ar wefan GLlEM.
In this section...
Additional links
Allweddumynediad llywodraeth y DU
