Gwefan llywodraeth y DU

Cefnogi Morgais Perchnogion Tai - beth ydyw

Bydd y cynllun yn helpu pobl sy'n cael trafferth wrth ad-dalu eu morgais, ond sy'n debygol o gael eu harian yn ôl mewn trefn yn y dyfodol agos.

Er enghraifft, efallai eich bod:

• yn dibynnu ar un incwm yn hytrach na dau
• yn methu gweithio goramser mwyach
• yn gorfod gweithio llai o oriau
• wedi bod â dwy swydd ran amser, ond wedi colli un ohonynt

Os cewch eich derbyn dan y cynllun Cefnogi Morgais Perchnogion Tai, bydd eich benthyciwr yn gohirio rhywfaint o'r llog misol sy'n ddyledus ar eich morgais. Bydd hyn yn gostwng eich taliadau am hyd at ddwy flynedd. Ni chaiff y ddyled ei dileu'n llwyr - bydd rhaid i chi ei thalu'n ôl yn y pen draw, gyda llog.

Pwy all gael help gan y cynllun Cefnogi Morgais Perchnogion Tai

I fod yn gymwys ar gyfer y cynllun Cefnogi Morgais Perchnogion Tai, rhaid i chi fod wedi cael gostyngiad dros dro yn eich incwm, ac na allwch dalu'ch morgais yn fisol. Bydd angen i chi newid eich morgais i fod yn un llog yn unig, os nad ydych wedi gwneud hynny eisoes. Bydd eich benthyciwr hefyd yn gofyn i chi ymroi i dalu cymaint ag y gallwch ei fforddio bob mis.

Efallai y bydd gan eich benthyciwr amodau eraill y bydd angen i chi eu bodloni. Er enghraifft, efallai y dywedan nhw mai dim ond swm bychan o gynilion y dylech chi ei gael. Siaradwch â'ch benthyciwr i weld a ydych yn gymwys ar gyfer y cynllun Cefnogi Morgais Perchnogion Tai.

Gweld a yw'ch benthyciwr yn cynnig y cynllun Cefnogi Morgais Perchnogion Tai

Nid yw pob benthyciwr morgais yn cynnig y cynllun hwn. Dilynwch y ddolen isod i weld a yw'ch benthyciwr chi'n cynnig y cynllun, neu'n cynnig cymorth tebyg.

• Benthycwyr sy'n cynnig y cynllun Cefnogi Morgais Perchnogion Tai - a rhestr o gynghorwyr ariannol cymwys

Pwy na all gael cymorth 

Fyddwch chi ddim yn gymwys ar gyfer y cynllun Cefnogi Morgais Perchnogion Tai:

• os nad yw'ch benthyciwr yn cynnig y cynllun neu gymorth tebyg
• os ydych yn berchen ar fwy nag un cartref
• os nad yw eich incwm yn debygol o ddychwelyd i'w lefel flaenorol, efallai oherwydd bod gennych salwch hirdymor
• os oes gennych yswiriant sy'n diogelu'ch taliadau morgais
• os yw eich benthyciwr yn credu na fyddwch chi'n gallu gwneud eich taliadau misol, hyd yn oed os cânt eu gostwng
• os ydych chi'n hawlio Lwfans Ceisio Gwaith - yn yr achos hwn gallwch hawlio cymhorthdal ar gyfer llog morgais yn lle hynny

I gael mwy o wybodaeth am y cymhorthdal ar gyfer llog morgais, dilynwch y ddolen isod.

• Cymhorthdal ar gyfer llog morgais - gwefan y Ganolfan Byd Gwaith Opens new window

Sut mae'r cynllun Cefnogi Morgais Perchnogion Tai yn gweithio

Bwrw ymlaen gyda'r cynllun Cefnogi Morgais Perchnogion Tai

Os ydych chi am fwrw ymlaen a bod eich benthyciwr yn eich derbyn ar gyfer y cynllun:

• byddwch yn ail-drafod eich taliadau misol gyda'ch benthyciwr ac yn cytuno ar faint y gallwch fforddio'i dalu
• bydd rhaid i chi dalu o leiaf 30 y cant o'r llog sy'n ddyledus ar eich morgais bob mis
• gallwch fanteisio ar yr ad-daliadau llai am hyd at ddwy flynedd
• rhaid i chi roi gwybod i'ch benthyciwr os bydd eich sefyllfa ariannol yn newid ar unrhyw adeg
• bydd y swm yr ydych chi'n gohirio'i dalu yn cael ei ychwanegu at swm eich morgais
• bydd rhaid i chi ad-dalu'r arian, gyda llog, pan fyddwch chi'n dechrau gwneud y taliadau arferol drachefn

Ar ôl blwyddyn, cewch adolygu'r sefyllfa gyda'ch benthyciwr a gyda chynghorydd annibynnol. Byddan nhw'n edrych i weld a ydych yn dal i fod yn gymwys dan y cynllun ac ai dyna'r dewis gorau i chi.

Pan fyddwch chi'n dechrau gwneud y taliadau arferol eto, bydd angen i chi gytuno â'ch benthyciwr sut i ad-dalu'r hyn sy'n ddyledus. Gallai hyn olygu cynyddu'ch taliadau misol neu gynyddu hyd eich morgais.

Astudiaethau achos

Gweler 'Cefnogi Morgais Perchnogion Tai - astudiaethau achos' am enghreifftiau o sut mae pobl mewn gwahanol sefyllfaoedd yn gymwys ar gyfer y cynllun, a sut gall fod o gymorth.

• Cefnogi Morgais Perchnogion Tai - astudiaethau achos

Ewch â'r wybodaeth gyda chi pan fyddwch yn trafod gyda'ch benthyciwr

Mae'r taflenni isod yn rhoi gwybodaeth gyffredinol i chi am fanteision a pheryglon y cynllun Cefnogi Morgais Perchnogion Tai. Fodd bynnag, os mai Barclays (gan gynnwys FirstPlus), HSBC, Nationwide neu Santander (gan gynnwys Abbey ac Alliance and Leicester) yw'ch benthyciwr, siaradwch â hwy i gael rhagor o wybodaeth.

• Download canllaw i ddefnyddwyr y cynllun Cefnogi Morgais Perchnogion Tai (PDF, 722K)

• Download 'Cefnogi Morgais Perchnogion Tai - cwestiynau ac atebion' (PDF, 45K)

• Cymorth gyda ffeiliau PDF

Mwy o ddolenni defnyddiol

• Budd-daliadau a chymorth ariannol (adran arian, treth a budd-daliadau)

• Rheoli dyled (adran arian, treth a budd-daliadau)