Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Rheoliadau am foeleri nwy
Os ydych chi'n bwriadu gosod boeler neu gael un newydd yn lle'r hen un, dylech ystyried prynu boeler cyddwyso. Mae hyn yn un o ofynion Rhan L1 y Rheoliadau Adeiladu sy'n ymwneud ag arbed tanwydd a phŵer.
Pam gosod boeler cyddwyso?
Rhaid i unrhyw foeler nwy a osodir ar ôl 1 Ebrill 2005, a boeleri olew a osodir ar ôl 1 Ebrill 2007, fod yn foeleri cyddwyso, boed y rheiny'n cael eu gosod yn lle hen foeleri ynteu'n rhai o'r newydd.
Mae boeleri cyddwyso'n fwy effeithlon na boeleri cyffredin oherwydd:
- eu bod yn cynhyrchu llai o garbon deuocsid ond yn dal i ateb y gofynion gwresogi
- eu bod yn lleihau faint o wres a gollir drwy'r ffliw, o'i gymharu â boeleri cyffredin
- eu bod yn trosi 86 y cant o'r tanwydd y maen nhw'n ei ddefnyddio'n wres defnyddiol (mae'r mathau hwn o foeleri cyffredin yn aml yn trosi cyn lleied â 60 y cant o'r tanwydd yn wres defnyddiol)
Dim ond os penderfynwch chi newid eich boeler dwr poeth gwres canolog presennol neu os penderfynwch chi newid i un o'r mathau hyn o foeleri o ffurf arall o system wresogi y bydd y safonau newydd yn berthnasol.
Wrth i symiau cynyddol o garbon deuocsid gael eu gollwng i'r atmosffer, mae'r hinsawdd wedi newid. Mae oddeutu 16 y cant o'r carbon deuocsid a gynhyrchir gan y DU yn dod o'r boeleri nwy ac olew a ddefnyddir gennym i gynhesu ein cartrefi.
Sut bydd boeler cyddwyso o fudd i chi?
Efallai byddant yn ddrutach i’w gosod, ond:
- byddwch yn arbed arian ar eich biliau gwresogi
- byddwch yn helpu i fynd i'r afael â newid yn yr hinsawdd
Oes raid ichi gael boeler cyddwyso?
Nac oes. Dylech osod boeler cyddwyso os yw'n rhesymol gwneud hynny, ond mae'r gyfraith yn cydnabod bod boeleri eraill yn dderbyniol petai'n rhy anodd i chi osod boeler cyddwyso yn eich cartref. Bydd y gweithiwr sy'n gosod eich boeler yn dweud wrthych a yw'r amgylchiadau'n rhy anodd ai peidio.
Pwy ddylai osod eich boeler?
Ar gyfer boeleri nwy, rhaid i'r gosodwyr fod wedi'u cofrestru gyda'r Cyngor Gosodwyr Nwy Cofrestredig (CORGI) er mwyn sicrhau diogelwch ac er mwyn cydymffurfio â'r gyfraith, a dylen nhw hefyd fod yn gallu gosod boeleri cyddwyso.
Ar gyfer boeleri nwy, gallwch gyflogi un o osodwyr cofrestredig y Gymdeithas Dechnegol Gosodiadau Nwy, neu osodwr arall ag enw da sy'n gallu gosod boeleri cyddwyso. Mae aelodau OFTEC yn gymwys i dystio bod eu gwaith yn bodloni'r rheoliadau adeiladu. Os byddwch yn cyflogi gosodwr sydd heb ei gofrestru gydag OFTEC, rhaid i chi roi gwybod i adran rheoli adeiladu eich awdurdod lleol cyn dechrau'r gwaith gosod.
Ym mhob achos, cofiwch sicrhau fod gan y gosodwr gymwysterau diweddar ym maes effeithlonrwydd ynni. Gall CORGI neu OFTEC gadarnhau hyn. Os mai gosod boeler nwy ydych chi, dewis arall fyddai gofyn i'ch gosodwr a oes ganddyn nhw Dystysgrif Effeithlonrwydd Ynni ar gyfer Gwres Domestig, neu gymhwyster cyfatebol.
Mwy o ddolenni defnyddiol
Additional links
Allweddumynediad llywodraeth y DU
