Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Newidiadau i reoliadau cynllunio i berchnogion tai
O fis Hydref 2008 ymlaen ni fydd yn rhaid i'r rhan fwyaf o berchnogion tai gael caniatâd cynllunio pan fyddant yn ehangu eu tai presennol. Yn dilyn newidiadau i reoliadau cynllunio, mae hefyd yn haws ymgymryd â phrosiectau adeiladu cyffredin eraill - fel gosod paneli solar neu drosi garej.
Sut y bydd y newidiadau o fudd i chi?
Bydd y newidiadau'n gadael i chi wneud rhai mathau o waith adeiladu heb i chi orfod talu hyd at £1000 am ganiatâd cynllunio.
Os ydych chi'n berchennog ar dŷ, a bod y prosiect adeiladu yr ydych am ymgymryd ag ef yn bodloni amodau penodol, gallech arbed amser ac arian.
Beth yw'r newidiadau i 'hawliau datblygu a ganiateir'?
Mân newidiadau i'ch cartref yw hawliau datblygu a ganiateir - gallai'r rhain gynnwys gosod blwch larwm, er enghraifft. Nid oes angen i chi gael caniatâd cynllunio i'w gwneud. Mae'r hawliau hyn wedi cael eu gwneud yn gliriach ac wedi cael eu hymestyn i gynnwys mwy o brosiectau adeiladu.
Estyniadau
Does dim angen caniatâd cynllunio arnoch i godi estyniad (neu i adeiladu ystafell haul) cyn belled â'i fod yn bodloni rhai amodau. I gael mwy o wybodaeth, dilynwch y dolenni isod.
Trawsnewid atig
Does dim angen caniatâd cynllunio arnoch i drawsnewid atig cyn belled â'i fod yn bodloni rhai amodau. I gael mwy o wybodaeth, dilynwch y ddolen isod.
Palmantu gerddi blaen
Os byddwch yn palmantu eich gardd flaen, a bod y gwaith yn cael ei wneud drwy ddefnyddio deunydd sy'n gadael i ddŵr gael ei amsugno i'r ddaear, ni fydd angen caniatâd cynllunio arnoch. Bydd angen caniatâd cynllunio arnoch i greu dreif anhydraidd traddodiadol mwy na phum metr sgwâr a fyddai'n gadael i ddŵr glaw lifo ar y ffyrdd ac a allai gyfrannu at orlifo.
Trawsnewid garej
Ni fydd angen caniatâd cynllunio fel arfer, cyn belled mai mewnol yw'r gwaith ac nad yw'n golygu gwneud yr adeilad yn fwy.
Newidiadau i brosiectau adeiladu cyffredin eraill
Mae newidiadau i reoliadau datblygu yn effeithio ar brosiectau adeiladu eraill megis:
- ystafelloedd haul
- paneli solar
- tai allan - fel tai gwydr a siediau
- addasiadau i do
I gael gwybodaeth am y prosiectau adeiladu hyn ac i ddefnyddio canllaw rhyngweithiol, gweledol ar reoliadau adeiladu a chynllunio, dilynwch y dolenni isod.
Os nad ydych yn siŵr a oes angen caniatâd cynllunio ai peidio
Os byddwch yn adeiladu rhywbeth y mae angen caniatâd cynllunio ar ei gyfer heb gael caniatâd yn gyntaf, efallai y bydd yn rhaid i chi unioni pethau yn ddiweddarach, a allai fod yn gostus. Os oes gennych unrhyw amheuaeth, cysylltwch ag adran gynllunio eich awdurdod lleol.
