Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Cael help gyda chynllunio
Mae amrywiaeth eang o gyngor ar gael i'ch helpu chi ddod yn gysylltiedig â'r drefn gynllunio.
Cael cyngor gan eich Awdurdod Cynllunio Lleol
Eich Awdurdod Cynllunio Lleol sy'n gyfrifol am ddelio â cheisiadau am ganiatâd cynllunio yn eich ardal.
Mae Awdurdodau Cynllunio Lleol yn cyflogi cynllunwyr proffesiynol i'w cynghori wrth baratoi Cynlluniau Datblygu ar gyfer ardal ac wrth wneud penderfyniadau ar geisiadau cynllunio unigol. Mae'r swyddogion hyn yn ffynhonnell bwysig o wybodaeth a chyngor lleol, a'r rhain ddylai fod eich pwynt cyswllt cyntaf.
Os oes gennych ymholiad yn ymwneud â Chynllun Datblygu'r Awdurdod Cynllunio Lleol, gall swyddogion roi cyngor i chi fel arfer ar y canlynol:
- strategaeth y cynllun datblygu
- sut y paratoir y cynllun
- ble maent wedi cyrraedd o ran paratoi'r cynllun
- sut y gallwch wneud sylwadau
Gallwch gysylltu â'ch Awdurdod Cynllunio Lleol naill ai'n ysgrifenedig neu dros y ffôn, ac mewn rhai achosion drwy anfon e-bost - ceir manylion cyswllt yn y llyfr ffôn neu yn eich llyfrgell leol.
Cael cyngor am reoli datblygu
Fel arfer, gall swyddogion roi cyngor am faterion rheoli datblygu megis:
- y wybodaeth sy'n ofynnol er mwyn cyflwyno cais cynllunio
- deall beth sy'n cael ei gynnig a sut y bydd hyn yn effeithio arnoch chi
- sut y bydd yr awdurdod yn delio â'r cais
- sut y gallwch wneud sylwadau
Mae llythyrau a chyhoeddusrwydd a anfonir gan yr Awdurdod Cynllunio Lleol fel arfer yn cynnwys enw swyddog penodol i gysylltu ag ef/hi yn y lle cyntaf.
Dylech gofio bob amser fod swyddogion cynllunio'n cael eu cyflogi gan yr Awdurdod Cynllunio Lleol a gall hyn gyfyngu ar faint o gymorth y gallant ei ddarparu.
Porth Cynllunio
Gwefan y llywodraeth i ddinasyddion yw'r Porth Cynllunio ar gyfer materion cynllunio yng Nghymru a Lloegr. Gallwch ddefnyddio'r Porth Cynllunio i wneud y canlynol:
- cael gwybod am gynllunio yn eich ardal
- dysgu am ganiatâd cynllunio a sut mae'n cael ei roi
- gwneud cais am ganiatâd cynllunio ar-lein
- gwneud apêl ar-lein yn erbyn penderfyniad
Gwasanaethau ymgynghorwyr cynllunio
Mae gan y Sefydliad Cynllunio Trefol Brenhinol gyfeiriadur o dros 1,000 o ymgynghorwyr cynllunio sy'n cynnig gwasanaeth Cynllunydd Tref Siartredig. Mae'r rhain yn darparu amrediad o wasanaethau sy'n gysylltiedig â chynllunio y telir amdanynt megis:
- cyflwyno ceisiadau cynllunio
- apeliadau yn erbyn gwrthod caniatâd
- rhoi sylwadau ar y Cynllun Datblygu mewn Ymchwiliadau neu Archwiliadau Cyhoeddus ar y Cynllun Lleol
- gwerthuso safleoedd ac astudiaethau dichonoldeb
- paratoi Prif Gynlluniau Briffiau Datblygu
- gwaith ymchwil ac ysgrifennu adroddiadau
Gall ymgynghorwyr cynllunio gynnig ystod eang o sgiliau arbenigol a chyngor diduedd a gallant ddarparu esboniadau syml ac effeithiol ynghylch sefyllfaoedd cynllunio. Gallant hefyd weithredu fel pont rhwng partïon â diddordeb, gan helpu i egluro'r pryderon.
Mae cyfeiriadur o ymgynghorwyr cynllunio ar gael ar wefan y Sefydliad Cynllunio Tref Brenhinol ynghyd ag arweiniad ar ddefnyddio ymgynghorwyr.
Gwasanaethau Planning Aid
Elusen gofrestredig yw Planning Aid sy'n darparu cyngor a chymorth proffesiynol, annibynnol a di-dâl ar faterion cynllunio i grwpiau cymunedol ac unigolion nad ydynt yn gallu fforddio cyflogi ymgynghorydd cynllunio.
Additional links
Allweddumynediad llywodraeth y DU
