Gwefan llywodraeth y DU

Gwneud cais i ymuno â'r gofrestr dai

Gallwch wneud cais i ymuno â chofrestr tai'r cyngor hyd yn oed os nad ydych yn byw yn yr ardal. Ond mae gan gynghorau hawl i roi blaenoriaeth i bobl sydd eisoes yn byw yn yr ardal, felly cysylltwch ag adran dai'r cyngor perthnasol.

Bydd y dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.

• Cysylltiadau y cartref a’r gymuned
• Cysylltiadau y cartref a’r gymuned

Beth sy'n digwydd nesaf

Ar ôl derbyn eich cais, bydd y cyngor yn ei gydnabod a bydd eich anghenion yn cael eu hasesu yn unol â chynllun pwyntiau'r cyngor. Mae'r cynlluniau pwyntiau hyn yn amrywio o ardal i ardal, ond mae'r manylion ar gael ar gais.

Os oes gennych anghenion gofal neu iechyd arbennig, bydd y rhain yn cael eu hasesu a'u hystyried wrth flaenoriaethu eich cais. Gall hyn olygu y bydd y cyngor yn cysylltu â'r gwasanaethau cymdeithasol i sicrhau bod eich anghenion penodol yn cael sylw, os oes modd.

• Tai gwarchod (adran pobl anabl)

Pa mor hir bydd yn rhaid i mi aros?

Mae gwahanol ardaloedd yn amrywio o ran poblogrwydd a faint o dai o'r math yr ydych chi'n chwilio amdano sydd ar gael. Bydd y cyngor yn gwerthuso'ch anghenion o'ch ffurflen gais a chewch wybod faint o bwyntiau y mae eich cais wedi'i gael. Cewch wybod wedyn faint y bydd yn rhaid i chi ei ddisgwyl cyn i chi gael eich ailgartrefu gan y cyngor.

Unwaith y bydd eich cais yn cyrraedd brig y rhestr, byddwch yn cael cynnig yr eiddo priodol nesaf yn yr ardal yr ydych wedi'i dewis. Byddwch yn cael nifer benodol o ddyddiau i benderfynu a ydych am dderbyn y cynnig. Os gwrthodwch y cynnig, efallai y cynigir cartref arall i chi yn nes ymlaen, ond mae polisïau'n amrywio o gyngor i gyngor.

Dim ond nifer gyfyngedig o gartrefi sydd gan rai cynghorau ac ar hyn o bryd mae'r galw'n fwy na'r nifer sydd ar gael. Felly, dim ond y rhai mwyaf anghenus sy'n debygol o gael cymorth.

Beth os ydw i'n dod o'r ardal ond wedi symud oddi yno dros dro?