Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Talu eich rhent cyngor
Mae'n bwysig talu'ch rhent yn rheolaidd pan fydd yn ddyledus a cheisio help ar unwaith os digwydd i chi gael trafferthion. Yma, cewch wybod sut y gall eich cyngor eich helpu i dalu'ch rhent os cewch chi drafferthion.
Dulliau talu
Mae sawl ffordd o dalu'ch rhent megis yn eich Swyddfa Bost leol, drwy Ddebyd Uniongyrchol, drwy siec, cerdyn Switch neu ddebyd. Efallai bod eich cyngor yn cynnig dulliau eraill o dalu hefyd.
Mae Debyd Uniongyrchol yn ffordd hawdd i chi dalu'ch rhent oherwydd bydd yr arian yn mynd o'ch cyfrif banc neu gymdeithas adeiladu yn awtomatig bob mis.
Mae manteision wrth dalu'ch rhent gyda Debyd Uniongyrchol. Er enghraifft,
- telir y taliadau yn awtomatig o'ch cyfrif banc, felly nid oes rhaid i chi gofio talu bob mis
- ni fydd rhaid i chi boeni am anghofio talu, oherwydd eich bod yn sâl efallai neu ar eich gwyliau
- os bydd credyd neu ddebyd ar eich cyfrif rhent, bydd eich taliad Debyd Uniongyrchol yn cael ei ailgyfrifo i ystyried unrhyw newidiadau i'ch cyfrif rhent am weddill y taliadau misol. Dylech gael gwybod am unrhyw newid i'ch Debyd Uniongyrchol er mwyn i chi sicrhau ei fod yn gywir
- pan fydd tenantiaeth yn dod i ben, bydd y Debyd Uniongyrchol yn dod i ben hefyd fel mater o drefn
- bydd y cyngor yn diweddaru eich Debyd Uniongyrchol bob blwyddyn ac yn eich hysbysu am unrhyw newid
Efallai y byddwch chi hefyd yn gallu talu eich rhent cyngor ar-lein.
Bydd y ddolen isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.
Cerdyn Talu Swyddfa'r Post
Gallwch dalu'ch rhent yn awr a'ch treth gyngor yn Swyddfa'r Post gan ddefnyddio cerdyn talu Swyddfa'r Post. Cewch ofyn am gerdyn talu gan eich cyngor lleol.
Help i dalu'ch rhent
Os oes angen help arnoch i dalu'ch rhent, mae'n bosib bod gennych hawl i Fudd-dal Tai. Gall eich Swyddog Tai roi cyngor a chymorth i chi ynglwn â thalu'ch rhent. Pan fydd tenantiaid ar ei hôl hi gyda'r rhent, fe allan nhw daro cytundeb â'r cyngor i leihau'r dyledion. Fodd bynnag, gall cynghorau gymryd camau cyfreithiol os bydd tenantiaid yn methu â thalu eu rhent o hyd ac o hyd.
Gwybodaeth am ad-dalu eich rhent
Os ydych chi ar ei hôl hi gyda'ch rhent, bydd y cyngor yn ceisio taro cytundeb realistig i chi ad-dalu'r swm sy'n ddyledus dros gyfnod o amser.
Bydd y ddolen isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.
Yn yr adran hon...
Additional links
Allweddumynediad llywodraeth y DU
