Gwefan llywodraeth y DU

Cyn gwneud unrhyw welliannau neu newidiadau i'ch eiddo, rhaid i chi ofyn am ganiatâd eich cyngor lleol (os rhoddir y caniatâd hwnnw, fe'i cewch trwy lythyr). Ni fydd y caniatâd yn cael ei wrthod heb reswm - dim ond petai'r gwaith y bwriedir ei wneud yn golygu cost iddyn nhw, neu'n ei gwneud hi'n anodd gosod yr eiddo yn y dyfodol, neu'n arwain at gwynion gan breswylwyr eraill.

Fodd bynnag, mae'n bosib y bydd y caniatâd yn dibynnu ar amodau penodol a bydd rhaid i chi gadw at y rheiny.

Bydd y dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.

Os byddwch chi'n gwella'ch cartref heb ganiatâd eich cyngor, fe allan nhw'ch gorfodi i newid yr eiddo yn ôl i fel yr oedd, neu i wneud mwy o waith i fodloni eu safonau. Os na wnewch chi'r gwaith hwnnw, mae'n bosib y bydd y cyngor yn penderfynu ei wneud ei hun ac yn codi arnoch chi am gost hynny.

Cyn dechrau gwneud unrhyw waith rydych chi'n gyfrifol am gael unrhyw gymeradwyaeth cynllunio a rheoliadau adeiladu sy'n ofynnol. Rydych hefyd yn gyfrifol am unrhyw gostau sy'n berthnasol i hyn. Cofiwch fod rhaid gwneud pob gwaith bob amser gan berson cymwys sydd â'r cymwysterau iawn; er enghraifft, rhaid i weithiwr sydd wedi'i gofrestru dan y drefn CORGI wneud unrhyw waith gosod nwy. Fel arfer, rhaid i chi atgyweirio a chynnal a chadw unrhyw beth rydych chi'ch hun wedi'i osod a bydd rhaid i berson cymwys wneud y gwaith hwn hefyd. Yn ogystal â hyn, bydd gan eich cyngor yr hawl i archwilio unrhyw waith rydych chi wedi'i wneud.

Dyma ambell enghraifft o'r gwelliannau y gallech chi eu gwneud gyda chaniatâd:

Er mwyn gofyn am ganiatâd i wneud gwaith addasu eich hun, cysylltwch â'ch cyngor lleol.