Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Ymdrin â dadl ynghylch gwrych uchel
Fe all gwrych da fod yn ffin ddelfrydol i'ch gardd, ond fe all dewis yr un anghywir beri problemau. Yma, fe gewch wybod beth y gallwch ei wneud os tybiwch chi fod gwrych ar ffin gardd yn rhy uchel.
Cyn i chi gysylltu â'r cyngor
Cyn cysylltu â'r cyngor, dylech roi cynnig ar y canlynol:
- mynnwch sgwrs â'ch cymydog am y broblem
- ceisiwch ddeall safbwynt eich gilydd yn well a cheisio gweld a oes modd datrys y broblem
- os nad yw hyn yn gweithio, gwahoddwch nhw i gael sgwrs gyda chyfryngwyr annibynnol a allai o bosib eich helpu i ganfod ateb
- os nad yw eich cymydog yn fodlon siarad neu os ydych chi'n teimlo'n nerfus wrth siarad â nhw, anfonwch lythyr cwrtais atyn nhw'n amlinellu'r problemau
Cofiwch gadw cofnod o'r hyn rydych wedi'i wneud, er enghraifft copïau o lythyrau neu gadw dyddiadur.
Mae taflen yr Adran Cymunedau a Llywodraeth Leol 'Over the garden hedge' yn cynghori pobl sut mae mynd at eu cymydog i ddatrys anghydfod ynghylch gwrych. Gallwch lwytho'r daflen oddi ar y we drwy glicio ar y ddolen isod.
Cwyno i'ch cyngor
Os nad yw hyn yn gweithio, rhowch wybod i'ch cymdogion eich bod yn bwriadu cwyno'n ffurfiol wrth y cyngor. Mynd at y cyngor yw'r cam olaf pan fydd pethau wedi mynd i'r pen os na allwch chi gytuno ar ateb â pherchennog y gwrych.
Ni all y cyngor gamu i mewn os ydych yn dadlau am wrychoedd neu goed collddail. I gael gwybod pa fath o gwynion y gall y cyngor eu hystyried, darllenwch daflen yr Adran Cymunedau a Llywodraeth Leol - 'High Hedges: complaining to the Council'. Gallwch lwytho'r daflen oddi ar y we drwy glicio ar y ddolen isod.
Ffioedd ar gyfer y gwasanaeth
Rhaid i chi dalu i'r cyngor am y gwasanaeth hwn ac fel arfer, chewch chi mo'r arian yn ôl. Bydd eich cyngor yn gallu dweud wrthych faint yw'r ffi ac a oes unrhyw ostyngiad i bobl ar incwm isel.
Rhaid talu ffi oherwydd:
- bod y gwasanaeth o fudd i unigolyn yn unig ac nid y gymuned yn gyffredinol
- mae ffi hefyd yn help i sicrhau bod y cwynion yn rhai dilys
- tâl am wasanaeth yw'r ffi - nid cosb
- os oes rhaid talu ffi, yn aml mae hyn yn ysgogi pobl i geisio datrys anghydfod mewn ffordd gyfeillgar
- pan ymgynghorwyd â phobl am wrychoedd uchel, roedd y rhan fwyaf o'r bobl a ymatebodd yn meddwl ei bod yn deg i'r sawl sy'n cwyno dalu rhywbeth am ymyriad gan y cyngor lleol yn eu hanghydfod
Mwy o ddolenni defnyddiol
Yn yr adran hon...
Additional links
Allweddumynediad llywodraeth y DU
