Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Y cartref a’r gymuned
Oriau agor 24/7 a chyfreithiau trwyddedu
Mae Deddf Trwyddedu 2003 yn cyflwyno mathau newydd o drwydded ac yn newid y ffordd y rheolir trwyddedau alcohol. Bwriad y Ddeddf Trwyddedu newydd yw atal mwy ar droseddu ac anrhefn, gwella diogelwch y cyhoedd, atal niwsans cyhoeddus ac amddiffyn plant rhag niwed.
Trwyddedau Gwirodydd
Un newid mawr yw'r drwydded bersonol newydd. Cyn y gellir cyflenwi alcohol, mae'n rhaid i'r sawl sy'n gwerthu neu'n cyflenwi'r alcohol feddu ar drwydded bersonol neu wedi'i awdurdodi i gyflenwi'r alcohol gan berson â thrwydded bersonol.
Bydd y ddolen/dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth am drwyddedau gwirodydd.
Trwyddedau Eiddo
Rhaid i bob eiddo a ddefnyddir i gyflenwi alcohol gael ei drwyddedu hefyd. Rhaid i geisiadau gynnwys manylion yr ymgeiswyr a manylion"goruchwyliwr dynodedig yr eiddo"
, ac mae'n rhaid iddo feddu ar drwydded bersonol.
Mae goruchwyliwr dynodedig yr eiddo'n gyfrifol am sicrhau bod yr eiddo'n gweithredu'n gyfreithlon ac yn cydymffurfio ag unrhyw amodau sydd ynghlwm wrth y drwydded. Rhaid i geisiadau gynnwys cynllun manwl o'r eiddo a threfn weithredu. Bydd angen trwydded eiddo ar gyfer un neu fwy o'r gweithgareddau canlynol:
- gwerthu alcohol
- cyflenwi alcohol i neu ar ran clwb neu pan gaiff ei archebu gan aelod o glwb
- darparu bwyd neu ddiod poeth rhwng 11pm a 5am y bore canlynol
- darparu adloniant am elw, gan gynnwys elusen, os yw'r adloniant yn cynnwys:
- perfformiad theatrig
- arddangosfa ffilm
- digwyddiad chwaraeon dan do
- paffio neu wreslo (dan do neu yn yr awyr agored)
- cerddoriaeth fyw
- cerddoriaeth wedi'i recordio
- dawns
- darparu cyfleusterau ar gyfer cyfansoddi cerddoriaeth
- darparu cyfleusterau dawnsio
Tystysgrifau eiddo clwb
Mae'r rhain yn berthnasol i glybiau aelodau ac maent yn debyg i drwyddedau eiddo. Y prif wahaniaeth yw nad oes angen goruchwyliwr eiddo dynodedig. Bydd hyn yn dod o dan bwyllgor rheoli'r clwb.
Mae'r Ddeddf yn rhoi terfyn ar yr 'oriau a ganiateir' safonol ar gyfer gwerthu alcohol. Fel hyn mae tafarndai, clybiau, bwytai a mannau tebyg yn gallu gwneud cais am yr oriau a fydd fwyaf addas ar gyfer eu hanghenion hwy.
Rhaid hysbysebu cais am drwydded eiddo neu newid i drwydded eiddo mewn papur newydd lleol a thrwy arddangos hysbysiad ar yr adeilad. Gall unrhyw un sy'n byw neu'n berchen ar fusnes ger yr adeilad gysylltu â'r awdurdod lleol i wrthwynebu neu gefnogi'r cais.
Bydd unrhyw un na newidiodd ei hen drwydded cyn 6 Awst 2005 yn gorfod gwneud cais am drwydded newydd. Bydd rhaid i leoliadau sy'n cyflenwi alcohol, adloniant neu brydau poeth rhwng 11pm a 5am na chawsant drwydded eiddo erbyn 24 Tachwedd roi'r gorau i fasnachu.
Additional links
Allweddumynediad llywodraeth y DU
