Gwefan llywodraeth y DU

Gofyn am luniau Camerâu Cylch Cyfun

Dim ond dan rai amgylchiadau penodol y gallwch wneud cais am gael gweld gwybodaeth a gedwir ar Gamerâu Cylch Cyfun. Fel arfer, dim ond yr Heddlu gaiff weld y lluniau a hynny ar gyfer tystiolaeth neu i helpu i fynd i'r afael â throseddu.

Serch hynny, gallwch ofyn am gael gweld lluniau o'ch hun ar Gamerâu Cylch Cyfun os ydych yn gwneud cais ysgrifenedig a bod digon o fanylion yn y cais i bennu a oes lluniau ohonoch chi wedi'u cadw ar Gamerâu Cylch Cyfun ai peidio. Mae hyn yn bosib oherwydd bod Deddf Diogelu Data 1998 a Deddf Rhyddid Gwybodaeth 2000 yn mynnu bod rhaid i awdurdodau cyhoeddus ryddhau unrhyw ddata personol a gedwir am aelod o'r cyhoedd i'r person hwnnw.

Os oes lluniau ohonoch chi ar gadw, yna dangosir copi wedi'i olygu i chi. Caiff y lluniau eu golygu i sicrhau nad oes neb arall heblaw chi yn ymddangos ar y sgrîn ac nad oes data sy'n amherthnasol i chi yn cael ei ddangos, er enghraifft rhif cofrestru cerbyd rhywun arall.

Cysylltwch â'ch cyngor lleol i gael rhagor o fanylion.

• Dod o hyd i’ch cyngor lleol

Lluniau Camerâu Cylch Cyfun fel tystiolaeth

Gall Camerâu Cylch Cyfun fod yn arf ar gyfer helpu i fynd i'r afael â throsedd ac anrhefn. O bryd i'w gilydd, defnyddir lluniau yn y llys fel tystiolaeth bod rhywun wedi bod mewn lle penodol neu wedi gwneud rhywbeth penodol.

Gall Camerâu Cylch Cyfun hefyd helpu i ddiogelu cymunedau drwy atal pobl rhag cyflawni trosedd, er enghraifft, ni fyddai rhywun mor barod i ladrata os ydynt yn gwybod bod yna Gamerâu Cylch Cyfun yn recordio'r hyn a wnânt.

• Mwy o wybodaeth am Gamerâu Cylch Cyfun ar wefan Heddlu Llundain Opens new window