Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Arian, treth a budd-daliadau
Problemau talu eich bil Treth Gyngor
Os ydych yn ei chael yn anodd talu eich bil Treth Gyngor, mae'n bwysig iawn peidio ag anwybyddu'r broblem. Efallai y gall y cyngor eich helpu.
Beth i'w wneud os na allwch chi dalu
Rhowch wybod i'ch cyngor cyn gynted ag y tybiwch y byddwch yn cael trafferth talu'ch bil. Efallai y gallant ostwng y swm y mae'n rhaid i chi ei dalu, er enghraifft os ydych yn gymwys i gael disgownt nad oeddech yn gwybod amdano neu os byddwch yn gymwys ar gyfer Budd-dal Treth Gyngor.
Neu efallai y gallant gytuno ar amserlen wahanol ar gyfer gwneud taliadau.
Os nad ydy'ch cyngor yn gwybod eich bod yn cael trafferthion talu, efallai y bydd yn cymryd camau i gael yr arian a gallech orfod talu mwy yn y pendraw.
Colli taliadau
Os na thalwch un o randaliadau'r dreth gyngor, cewch nodyn atgoffa yn rhoi saith niwrnod i chi wneud y taliad.
Oni thalwch o fewn yr amser hwn, neu os bydd eich taliadau ar ei hôl hi eto ar ôl ail nodyn atgoffa, bydd y cyngor yn gofyn i chi dalu gweddill eich bil treth gyngor yn llawn.
Oni thalwch y swm sy'n weddill, gall y cyngor gymryd camau i adennill yr arian.
Cael cyngor
I gael cymorth a chyngor am ddim os na allwch dalu'ch bil treth gyngor, cysylltwch â'ch canolfan Cyngor ar Bopeth yn lleol.
Os ydych chi ar incwm isel
Budd-dal Treth Gyngor ac Ad-daliad Ail Oedolyn
Os ydych ar incwm isel, neu'n byw gydag oedolyn arall (nid eich partner) sydd ar incwm isel, efallai y gallwch hawlio Budd-dal Treth Gyngor neu'r Ad-daliad Ail Oedolyn. Gyda'r rhain bydd rhywfaint neu'r cyfan o'ch Treth Gyngor yn cael ei thalu i chi.
Mae'n bosib y bydd modd i chi hawlio am gyfnod sydd wedi mynd heibio os oes rheswm dilys pam nad oeddech yn gallu ei hawlio'n gynt.
Mwy o ddolenni defnyddiol
Additional links
Ei wneud ar y we
Cysylltiadau defnyddiol
Allweddumynediad llywodraeth y DU
