Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Arian, treth a budd-daliadau
Y Dreth Gyngor - pwy sy'n talu a faint a delir
Treth leol yw'r Dreth Gyngor a osodir gan gynghorau lleol er mwyn helpu i dalu am wasanaethau lleol megis yr heddlu a'r gwasanaeth casglu sbwriel. Mae'n berthnasol i bob eiddo domestig, gan gynnwys tai, byngalos, fflatiau, maisonettes, cartrefi symudol neu gychod preswyl, pa un a yw'r preswylydd yn berchen ar yr eiddo neu'n ei rentu.
Sut y cyfrifir Treth Gyngor
Pan gyflwynwyd y system Dreth Gyngor, cafodd pob eiddo ei brisio a'u rhoi mewn 'band prisio'. Mae'r bandiau prisio ar gyfer cartrefi yn Lloegr yn seiliedig ar eu gwerth ar 1 Ebrill 1991, nid ar eu gwerth cyfredol. Mae'r band prisio'n pennu faint o Dreth Gyngor y bydd rhaid i chi ei thalu.
Mae'r tabl isod yn dangos y gwahanol fandiau. Oddi tano gallwch ddod o hyd i fand unrhyw eiddo unigol ar-lein.
Bandiau Prisio
| Band prisio Treth Gyngor | Amrediad gwerthoedd yn Lloegr |
|---|---|
| A | hyd at £40,000 |
| B | dros £40,000 a hyd at £52,000 |
| C | dros £52,000 a hyd at £68,000 |
| D | dros £68,000 a hyd at £88,000 |
| E | dros £88,000 a hyd at £120,000 |
| F | dros £120,000 a hyd at £160,000 |
| G | dros £160,000 a hyd at £320,000 |
| H | dros £320,000 |
Faint fyddwch chi'n ei dalu mewn gwirionedd
Bydd faint o Dreth Gyngor y byddwch chi'n ei dalu'n amrywio o un band prisio i'r llall a hefyd yn ôl pob cyngor gwahanol - bydd pob un yn gosod ei gyfraddau Treth Gyngor ei hun.
Gall eich cyngor ddweud wrthych beth yw'r cyfraddau yn eich ardal chi.
Pwy sy'n gyfrifol am dalu'r bil?
Ceir un bil Treth Gyngor ar gyfer pob cartref. Fel arfer y sawl sy'n berchen ar yr eiddo ac yn byw ynddo, neu'r tenant sy'n byw yn yr eiddo, sy'n gorfod talu'r bil. Bydd cyplau priod a phartneriaid sy'n byw gyda'i gilydd ill dau'n gyfrifol am dalu'r bil.
Yn dechnegol, gelwir y sawl sy'n gorfod talu'r Dreth Gyngor yn 'berson atebol'. Y person ar frig neu agosaf at frig y rhestr ganlynol yw'r person atebol:
- person sy'n byw yn yr eiddo ac yn berchen arno
- person sy'n byw yn yr eiddo a chyda phrydles (mae hyn yn cynnwys 'tenantiaid sicr' dan Ddeddf Tai 1988)
- person sy'n byw yn yr eiddo ac yn denant 'statudol' neu 'sicr'
- person sy'n byw yn yr eiddo nad yw'n denant ond wedi cael caniatâd i fyw yno
- person sy'n byw yn yr eiddo (sgwatiwr er enghraifft)
- person sydd â phrydles o chwe mis neu fwy ar yr eiddo ond nad yw'n byw yno
- person sy'n berchen ar yr eiddo ond heb fod yn byw yno
Allwch chi ddim bod yn 'berson atebol' os ydych o dan 18 oed.
Os ydych chi'n dal i fod yn ansicr pwy sy'n gyfrifol am dalu'r bil, gallwch gysylltu â'ch cyngor lleol i gael cymorth.
Pan fydd eiddo'n wag
Os yw eiddo'n wag, efallai y bydd y person sydd fel arfer yn gyfrifol am dalu yn cael gostyngiad neu'n cael ei eithrio rhag talu'r dreth. Gallwch ddarllen y manylion am ostyngiadau ac eithriadau yn adran 10 i 13 y daflen 'y Dreth Gyngor - arweiniad i'ch bil' (mae hon i'w gweld yn yr adran 'Mwy o ddolenni defnyddiol' ar ddiwedd yr erthygl).
Bydd y dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth a gwneud cais ar-lein.
Y Dreth Gyngor a symud tŷ
Os ydych yn symud tw, rhaid i chi roi gwybod i'ch cyngor. Rhaid i chi wneud hyn fel nad ydych yn talu gormod o Dreth Gyngor ar eich hen dw ac yn talu'r swm iawn ar y tw newydd. Pan fyddwch yn symud:
- dywedwch wrth eich cyngor ar ba ddyddiad y byddwch yn symud er mwyn iddynt addasu'r bil ar gyfer eich hen gartref (efallai y cewch ad-daliad)
- dywedwch wrth eich cyngor (neu eich cyngor newydd os ydych yn symud i ardal newydd) pryd y byddwch yn symud i mewn i'r tw newydd er mwyn iddynt allu dechrau'r bil ar gyfer eich tw newydd o'r dyddiad cywir
Mwy o ddolenni defnyddiol
Additional links
Ei wneud ar y we
Cysylltiadau defnyddiol
Allweddumynediad llywodraeth y DU
