Gwefan llywodraeth y DU

Cyfrif banc a chymdeithas adeiladu

Pan gaiff budd-daliadau a phensiynau eu talu drwy Daliad Uniongyrchol, cânt eu talu'n uniongyrchol i gyfrif banc neu gymdeithas adeiladu.

Manteision defnyddio cyfrif banc/cymdeithas adeiladu

• dewis – drwy ddefnyddio banc neu gymdeithas adeiladu, bydd gennych yr hyblygrwydd o godi arian o amrywiaeth o lefydd pan fydd ei angen arnoch. Mae hyn yn cynnwys amrywiaeth eang o fanciau a pheiriannau arian, a gellir defnyddio nifer o gyfrifon banc y stryd fawr yn Swyddfa'r Post®
• cyfleustra – bydd talu budd-daliadau ac unrhyw arian arall (megis cyflog, pensiynau galwedigaethol neu sieciau personol) i un cyfrif cyfleus yn helpu i gadw rheolaeth dros eich arian a'ch cyllidebau'n fwy effeithiol
• gostyngiadau – bydd talu biliau drwy ddebyd uniongyrchol yn golygu y gall cwsmeriaid fanteisio ar ostyngiadau a gynigir gan rai cwmnïau gwasanaethau megis cyflenwyr nwy a thrydan
• tawelwch meddwl – drwy drefnu unwaith i dalu biliau rheolaidd drwy ddebyd uniongyrchol, sy'n broses gyflym a rhwydd, ni fydd angen i chi byth boeni am fethu taliad eto
• diogelwch – cedwir arian mewn man diogel, sy'n rhoi ffordd syml a diogel i chi reoli eich arian
• bod yn barod i weithio – bydd nifer o gyflogwyr eisiau talu cyflog yn uniongyrchol i gyfrif banc

Cyfrif Cerdyn Swyddfa’r Post

Mae’n bosib eich bod wedi clywed bod y cyfrif cerdyn Swyddfa’r Post yn newid. Mae nawr wedi cael ei gadarnhau bod y cyfrif cerdyn Swyddfa’r Post yn parhau. Os oes gennych gyfrif cerdyn Swyddfa’r Post eisoes, bydd eich budd-daliadau a hawliau eraill yn parhau i gael eu talu yn y ffordd arferol, a gall cwsmeriaid newydd agor cyfrif cerdyn Swyddfa’r Post (os mae’r cyfrif yn addas i’w anghenion ac amgylchiadau.

Beth os bydd rhywun arall yn casglu'ch budd-dal?

Os oes angen cymorth arnoch i gasglu eich budd-dal neu daliad pensiwn, gallwch drefnu bod rhywun arall yn gwneud hynny drosoch.

• Enwebu cynorthwy-ydd i gasglu budd-daliadau neu bensiwn ar eich rhan (adran dros 50)
• Mwy o wybodaeth a chyngor i bobl anabl (adran pobl anabl)

Mwy o ddolenni defnyddiol

• Sut mae gwybod a ydych chi'n gymwys ar gyfer cael budd-daliadau
• Sut i hawlio budd-dal