Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Budd-dal Anabledd Anafiadau Diwydiannol (damweiniau)

Efallai y gallwch dderbyn Budd-dal Anabledd Anafiadau Diwydiannol oherwydd damweiniau os ydych yn wael neu'n anabl oherwydd damwain neu ddigwyddiad yn y gwaith neu mewn cysylltiad â'r gwaith.

Pwy sy'n gymwys?

Efallai y gallwch dderbyn Budd-dal Anabledd Anafiadau Diwydiannol oherwydd damweiniau:

  • os oeddech yn gyflogedig pan ddigwyddodd y ddamwain neu'r digwyddiad
  • os digwyddodd y ddamwain neu'r digwyddiad a achosodd eich salwch neu'ch anabledd yng Nghymru, Lloegr neu'r Alban (mae 'na rai eithriadau i hyn - holwch eich Canolfan Byd Gwaith leol)

Pwy sydd ddim yn gymwys?

Allwch chi ddim hawlio Budd-dal Anabledd Anafiadau Diwydiannol oherwydd damweiniau os oeddech yn hunangyflogedig yn y gwaith a achosodd eich damwain.

Faint fyddwch chi'n ei gael?

Bydd eich amgylchiadau unigol yn effeithio ar faint o fudd-dal a gewch chi. Bydd hyn yn dibynnu ar:

  • eich oedran
  • pa mor ddifrifol yw eich anabledd - a asesir gan feddyg ar raddfa o un i 100 y cant

Budd-dal Anabledd Anafiadau Diwydiannol (damweiniau)

Arweiniad yn unig yw'r holl symiau hyn:

Difrifoldeb yr anabledd, yn ôl yr asesiad

Dros 18 oed (swm wythnosol)

Dan 18 oed heb ddibynyddion (swm wythnosol)

100%

£136.80

£83.85

90%

£123.12

£75.47

80%

£109.44

£67.08

70%

£95.76

£58.70

60%

£82.08

£50.31

50%

£68.40

£41.93

40%

£54.72

£33.54

30%

£41.04

£25.16

20%

£27.36

£16.77

Sut mae'n cael ei dalu

Bydd Budd-dal Anabledd Anafiadau Diwydiannol oherwydd damweiniau a budd-daliadau cysylltiedig yn cael eu talu i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Ond, os ydych wedi'ch cofrestru'n ddall, neu os oes angen i'r sawl sy'n gofalu amdanoch gasglu'r taliad, gellir anfon siec atoch i'w chyfnewid am arian yn Swyddfa'r Post®.

Yr effaith ar fudd-daliadau eraill

Os ydych yn anabl yn sgîl afiechyd neu fyddardod a achoswyd yn y gwaith, efallai y gallwch gael budd-daliadau eraill - er y gellir cyfrif rhai o'r rhain fel incwm ar gyfer budd-daliadau sy'n seiliedig ar brawf modd.

Mwy o fudd-daliadau anafiadau diwydiannol

Lwfans Gweini Cyson

Gallwch hawlio am ddamweiniau os asesir bod gennych anabledd 100 y cant a bod angen gofal a sylw dyddiol arnoch.

Mae'r gyfradd Lwfans Gweini Cyson y byddwch yn ei derbyn yn seiliedig ar asesiad meddyg o'ch anghenion.

Cyfradd eithriadol

£109.60

Cyfradd ganolradd

£82.20

Cyfradd uchaf arferol

£54.80

Cyfradd ran amser

£27.40

Lwfans Anabledd Difrifol Eithriadol

Gallwch hawlio £54.80 a delir ar ben y cyfraddau Lwfans Gweini Cyson, os ydych chi’n cael eich asesu at y gyfradd ganolradd neu eithriadol o Lwfans Gweini Cyson ac angen gofal a sylw parhaol a chyson.

Lwfans Enillion Is

Mae’n bosibl y gallwch gael Lwfans Enillion Is os mae eich cynilion presennol, neu gynilion mewn swydd a gredir y gallwch wneud, yn is na’r cynilion presennol yn eich cyflog rheolaidd diwethaf. Gallwch ond derbyn Lwfans Enillion Is os ddigwyddodd eich damwain cyn 1 Hydref 1990. Y gyfradd wythnosol uchaf yw £54.72.

Lwfans Ymddeol

Y gyfradd wythnosol uchaf yw £13.68 (mae'n disodli'r Lwfans Enillion Is pan fyddwch yn cyrraedd oed Pensiwn y Wladwriaeth).

Os byddwch yn derbyn y Budd-dal Anabledd Anafiadau Diwydiannol oherwydd damweiniau a'i fudd-daliadau cysylltiedig, mae'n bosibl y cewch chi lai o Gymhorthdal Incwm, Budd-dal Tai a Budd-dal Treth Gyngor. Rhowch wybod i'ch swyddfa budd-daliadau os ydych yn derbyn y Budd-dal Anabledd Anafiadau Diwydiannol a'r budd-daliadau cysylltiedig.

Sut i hawlio

Gallwch hawlio'r Budd-dal Anabledd Anafiadau Diwydiannol yn syth drwy lenwi ffurflen yn eich swyddfa Canolfan Byd Gwaith leol, neu wrth lwytho ffurflen hawlio o’r ddolen isod.

Neu gallwch gael copïau drwy'r post drwy gysylltu â'r Llinell Ymholiadau am Fudd-daliadau, gwasanaeth cyngor cyfrinachol i bobl ag anableddau a'u gofalwyr:

Ffôn: 0800 882 200

Ffôn testun: 0800 243 355

Gallwch hefyd ddefnyddio’r gwasanaeth RNID Typetalk.

Mae’r Llinell Ymholiadau am Fudd-daliadau ar agor o ddydd Llun i ddydd Gwener rhwng 8.30am a 6.30pm a dydd Sadwrn o 9.00am a 1.00pm.

Rhoi gwybod ynghylch damwain yn y gweithle – os nad oes angen i chi hawlio yn syth

Gallwch wneud cais am ddatganiad eich bod wedi cael damwain diwydiannol, hyd yn oed os nad ydych am hawlio yn syth. Gallwch wneud hyn ar y ffurflen sydd ar gael i’w llwytho isod.

Mae’n syniad da i wneud cais am ddatganiad os nad ydych wedi eich anablu’n syth wedi’r damwain, ond eich bod yn meddwl efallai byddwch yn profi rhai problemau yn y dyfodol o ganlyniad.

Beth i'w wneud os bydd eich amgylchiadau'n newid

Mae'n bwysig eich bod yn cysylltu â'r swyddfa sy'n delio gyda'ch taliadau os byddwch chi neu rywun yr ydych yn hawlio drostynt:

  • yn mynd i’r ysbyty neu’n ei adael
  • yn mynd i gartref gofal neu'n ei adael
  • yn mynd i fyw dramor neu i ymweld â gwlad dramor
  • yn mynd i'r carchar

Mae'n debyg y byddwch chi neu'r person yr ydych yn gofalu amdano yn dal i gael y Budd-dal Anabledd Anafiadau Difrifol oherwydd damweiniau - hyd yn oed os byddwch yn mynd dramor am byth.

Ond os mai mynd dramor dros dro yr ydych chi, fel arfer, dim ond am y tri mis cyntaf y cewch chi'r taliadau. Cewch ragor o wybodaeth gan y swyddfa sy'n delio gyda'r taliad.

Mwy o ddolenni defnyddiol

Additional links

Allweddumynediad llywodraeth y DU