Gwefan llywodraeth y DU

Lwfans Ceisio Gwaith

Budd-dal i bobl ddi-waith sy'n chwilio am waith yw'r Lwfans Ceisio Gwaith. Cewch hawlio hwn os yw'r canlynol i gyd yn berthnasol i chi:

• os ydych chi'n gallu gweithio
• os ydych chi ar gael i weithio
• os ydych chi'n chwilio am waith

Rhaid i chi hefyd:

• fod dan oedran Pensiwn y Wladwriaeth (60 i fenywod a 65 i ddynion)
• fod yn ddi-waith, neu'n gweithio llai na 16 awr yr wythnos ar gyfartaledd
• os ydych yn byw yn y DU

Ceir dau fath o Lwfans Ceisio Gwaith, y naill yn seiliedig ar gyfraniadau a'r llall yn seiliedig ar incwm. Bydd pa un gewch chi'n dibynnu ar faint o gyfraniadau Yswiriant Gwladol rydych chi wedi'u talu yn y gorffennol.

Lwfans Ceisio Gwaith yn seiliedig ar gyfraniadau

Byddwch chi'n adeiladu'ch hawl i Lwfans Ceisio Gwaith yn seiliedig ar gyfraniadau drwy dalu Cyfraniadau Yswiriant Gwladol tra'ch bod mewn gwaith. Os na wnaethoch chi ennill digon i dalu Cyfraniadau Yswiriant Gwladol, mae'n bosib y byddwch chi'n dal i gael Lwfans Ceisio Gwaith yn seiliedig ar gyfraniadau os cawsoch chi gredydau Cyfraniadau Yswiriant Gwladol. Byddai hyn wedi digwydd petaech chi'n ennill mwy na'r terfyn enillion isaf (£90 yr wythnos yn 2008-2009), petaech chi'n ddi-waith neu'n methu gweithio oherwydd salwch, a dan rai amgylchiadau eraill.

• Cael gwybod mwy am Gyfraniadau Yswiriant Gwladol
• Gweld cyfraddau Cyfraniadau Yswiriant gwladol ar wefan Cyllid a Thollau Ei Mawrhydi Opens new window

Lwfans Ceisio Gwaith yn seiliedig ar Incwm

Os ydych ar incwm isel, efallai y gallwch dderbyn Lwfans Ceisio Gwaith yn seiliedig ar incwm, hyd yn oed os nad ydych wedi talu Cyfraniadau Yswiriant Gwladol. Bydd faint gewch chi'n dibynnu ar bethau megis incwm eich partner, unrhyw gynilion sydd gennych ac a ydych chi'n gofalu am blant ai peidio.

Lwfans Ceisio Gwaith ar gyfer pobl ifanc 16 neu 17 oed

Os ydych yn ddi-waith ac yn 16 neu'n 17 oed, fel arfer, fyddwch chi ddim yn gallu cael y Lwfans Ceisio Gwaith, heblaw:

Os ydy unrhyw un o'r rhain yn berthnasol i chi, mae'n bosib y gallwch gael Lwfans Ceisio Gwaith yn seiliedig ar incwm.

Darllen mwy am y Lwfans Ceisio Gwaith

Cewch fwy o wybodaeth am y Lwfans Ceisio Gwaith ar wefan y Ganolfan Byd Gwaith. Os ydych chi am siarad â rhywun, cysylltwch â'ch swyddfa Canolfan Byd Gwaith, eich Canolfan Gwaith neu'ch swyddfa nawdd cymdeithasol leol. Gallwch ddod o hyd i'ch swyddfa agosaf yn y llyfr ffôn neu drwy ymweld â gwefan Y Ganolfan Byd Gwaith.

• Lwfans Ceisio Gwaith
• Cael gwybod mwy am y Lwfans Ceisio gwaith gan y Ganolfan Byd Gwaith Opens new window
• Cysylltu â Chanolfan Byd Gwaith Opens new window

Mwy am y Fargen Newydd

Gallwch hefyd ddarllen mwy am bob rhaglen y Fargen Newydd ar wefan y Ganolfan Byd Gwaith.

Cysylltu â'r Fargen Newydd

Os oes gennych unrhyw gwestiwn am y Fargen Newydd, ffoniwch linell gymorth y Fargen Newydd ar 0845 606 2626 (ffôn testun 0845 606 0680). Mae'r llinell ar agor saith niwrnod yr wythnos o 7.00 am tan 11.00 pm.

Gallwch hefyd ddarllen mwy am bob rhaglen a phenderfynu pa un sy'n iawn i chi ar wefan y Fargen Newydd.

• Dysgu mwy am gynllun y Fargen Newydd Opens new window

Budd-daliadau eraill y gall fod gennych hawl iddynt

Mae'n bosib y gallech chi gael budd-daliadau eraill wrth i chi chwilio am waith os ydych chi:

Mae cyngor ar gael am fudd-daliadau gan eich Canolfan Byd Gwaith, eich Canolfan Gwaith neu'ch swyddfa nawdd cymdeithasol leol. Gallwch ddod o hyd i'ch swyddfa agosaf yn y llyfr ffôn neu drwy ymweld â gwefan Y Ganolfan Byd Gwaith.

• Cysylltu â Chanolfan Byd Gwaith Opens new window
• Chwilio am waith (adran cyflogaeth)

Mwy o ddolenni defnyddiol

• Gwybodaeth budd-daliadau - 'Yn gyflogedig neu'n chwilio am waith'
• Help a chyngor wrth chwilio am waith (adran cyflogaeth)