Gwefan llywodraeth y DU

Pwy sy’n gymwys?

Efallai y byddwch yn gymwys i gael Lwfans Enillion Is os ydych chi'n dioddef o salwch neu anabledd a achoswyd gan ddamwain neu salwch yn y gwaith cyn 1 Hydref 1990.

Faint fyddwch chi'n ei gael?

£54.72 yr wythnos yw'r gyfradd uchaf.

Gall eich amgylchiadau personol chi, er enghraifft, a ydych chi'n gweithio ai peidio, effeithio ar y swm a gewch chi. I gael mwy o fanylion, cysylltwch â'ch swyddfa Canolfan Byd Gwaith leol.

• Cysylltu â Chanolfan Byd Gwaith Opens new window

Sut mae'n cael ei dalu

Mae'r Lwfans Enillion Is yn cael ei dalu'n syth i'ch cyfrif banc, i gymdeithas adeiladu, i Swyddfa'r Post® neu i gyfrif Cynilion Cenedlaethol sy'n derbyn Taliadau Uniongyrchol.

Os ydych chi'n ddall, neu os oes angen i'r sawl sy'n gofalu amdanoch gasglu'ch arian, anfonir siec atoch i'w chyfnewid am arian yn Swyddfa'r Post®

• Y gwahaniaeth rhwng Taliad Uniongyrchol a 'thaliadau uniongyrchol'

Yr effaith ar fudd-daliadau

Mae'n bosib yr effeithir ar y budd-daliadau canlynol os dechreuwch chi dderbyn Lwfans Enillion Is:

I gael mwy o fanylion, cysylltwch â'ch swyddfa Canolfan Byd Gwaith leol.

• Cysylltu â'ch Canolfan Byd Gwaith leol Opens new window
• Cymhorthdal Incwm
• Budd-dal Tai

Sut i hawlio

Mae'n bwysig hawlio ar unwaith neu fe allech chi golli'r budd-dal. Gofynnwch am ffurflen hawlio yn eich swyddfa Canolfan Byd Gwaith leol.

Bydd rhaid i chi brofi pwy ydych chi wrth wneud cais. Bydd yn rhaid i chi hefyd ateb cwestiynau am eich amgylchiadau a'ch cefndir a dangos dogfennau swyddogol i brofi'r wybodaeth honno.

• Cysylltu â Chanolfan Byd Gwaith Opens new window

Beth i'w wneud os bydd eich amgylchiadau'n newid

Soniwch wrth eich swyddfa Canolfan Byd Gwaith leol os bydd eich amgylchiadau'n newid. Er hynny, gan amlaf, ni fydd hyn yn effeithio ar daliadau'r Lwfans Enillion Is.

Dyma rai newidiadau na fydd yn cael effaith ar y taliad:

Os byddwch chi'n gadael y DU i fyw'n barhaol y tu allan i Ardal Economaidd Ewrop (AEE), chewch chi ddim hawlio'r Lwfans Enillion Is.

Ond, os dros dro y byddwch chi'n ymweld, fel arfer, cewch ei hawlio am dri mis cyntaf eich ymweliad. Gall hyn fod yn hwy dan amgylchiadau arbennig, ond bydd angen i chi holi'r Ganolfan Bensiynau Ryngwladol i weld a ydych chi'n gymwys ai peidio.

• Y Ganolfan Bensiynau Ryngwladol Opens new window
• Cysylltu â Chanolfan Byd Gwaith Opens new window

Beth arall y mae angen i chi ei wybod

Os byddwch yn derbyn mwy na £2 yr wythnos o Lwfans Enillion Is pan fyddwch yn cyrraedd oedran Pensiwn y Wladwriaeth (sef 60 i fenywod a 65 i ddynion ar hyn o bryd) ac nad ydych chi mewn gwaith rheolaidd, fe gewch fudd-dal arall yn lle'r lwfans hwn, sef y Lwfans Ymddeol.

Mae math arall o fudd-dal, y Budd-dal Anabledd Anafiadau Diwydiannol, ar gael i bobl sydd wedi mynd yn anabl o ganlyniad i ddamwain neu glefyd yn y gwaith.

• Budd-dal Anabledd Anafiadau Diwydiannol – damweiniau (adran pobl anabl)
• Budd-dal Anabledd Anafiadau Diwydiannol - clefydau a byddardod (adran pobl anabl)

I gael cyngor cyffredinol, ffoniwch y Llinell Ymholiadau am Fudd-daliadau ar 0800 882 200 (rhwng 8.30 am a 6.30 pm o ddydd Llun i ddydd Gwener a rhwng 9.00 am ac 1.00 pm ar ddydd Sadwrn). Neu ffôn testun 0800 243 355

Os hoffech gael rhagor o help gyda'ch budd-daliadau, ffoniwch y Llinell Ymholiadau am Fudd-daliadau ar 0800 882 200 (ffôn testun 0800 243 355). Gwasanaeth cynghori cyfrinachol yw hwn i bobl anabl a'r bobl sy'n gofalu amdanynt.

Mwy o ddolenni defnyddiol

• Canllaw cymorth ariannol ar gyfer pobl anabl (adran pobl anabl)
• Canllaw cymorth ariannol ar gyfer gofalwyr (adran gofalu am rywun)
• Gofalu â’ch pensiwn (adran gofalu am rywun)
• Budd-dal Treth Gyngor
• Y Fargen Newydd ar gyfer Pobl Anabl (adran pobl anabl)
• Sut mae gwneud iawn os nad oes gennych chi lawer o bensiwn neu ddim un o gwbl