Gwefan llywodraeth y DU

Pwy sy'n gymwys?

Os ydych chi'n derbyn Cynhaliaeth Cynnal Plant (a'r swm wedi'i gyfrifo cyn 3 Mawrth 2003) a'ch bod yn hawlio Cymhorthdal Incwm neu Lwfans Ceisio Gwaith yn seiliedig ar incwm, mae'n bosibl eich bod yn gymwys i gael y Bonws Cynnal Plant dan yr amodau canlynol:

• Cymhorthdal Incwm
• Lwfans Ceisio Gwaith

Pwy sydd ddim yn gymwys?

Os cyfrifwyd eich Cynhaliaeth Cynnal Plant ar ôl 3 Mawrth 2003, fyddwch chi ddim yn gallu cael y Bonws Cynnal Plant.

Ond, mae'n bosibl eich bod yn gymwys i gael y Premiwm Cynnal Plant neu'r Credyd Treth Plant a'r Credyd Treth Gwaith - bydd eich swyddfa Canolfan Byd Gwaith leol yn gallu esbonio hyn i chi.

• Premiwm Cynnal Plant
• Cysylltu â Chanolfan Byd Gwaith (yn agor ffenestr newydd)

Faint fyddwch chi'n ei gael?

Gall y Bonws Cynnal Plant fod yn werth hyd at £5 yr wythnos, gan ddibynnu ar faint o Gynhaliaeth Cynnal Plant a delid pan oeddech yn derbyn budd-dal. Y swm mwyaf sydd ar gael yw £1,000 yr wythnos.

• Cynhaliaeth Plant

Sut mae'n cael ei dalu

Taliad untro yw'r Bonws Cynnal Plant ac fe'i telir i gyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol. Os oes gennych unrhyw gwestiwn am sut mae'n cael ei dalu, cysylltwch â'ch swyddfa Canolfan Byd Gwaith leol.

• Cysylltu â Chanolfan Byd Gwaith (yn agor ffenestr newydd)

Yr effaith ar fudd-daliadau neu gredydau treth

Chaiff y Bonws Cynnal Plant ddim effaith ar eich budd-daliadau eraill na'ch credydau treth.

Sut i hawlio

Rhaid i chi hawlio'r Bonws Cynnal Plant o fewn 28 diwrnod ar ôl i'ch budd-dal ddod i ben.

Er mwyn hawlio, gofynnwch i'ch Canolfan Byd Gwaith leol am ffurflen hawlio Bonws Cynnal Plant CMB1, neu ei llwytho oddi ar wefan yr Adran Gwaith a Phensiynau (AGPh).

• Cysylltu â Chanolfan Byd Gwaith (yn agor ffenestr newydd)
• Llwytho ffurflen hawlio Bonws Cynnal (PDF, 43K) (dolen allanol) (yn agor ffenestr newydd)
• Cymorth gyda ffeiliau PDF

Sut i apelio

Os na fydd eich cais am Fonws Cynnal Plant yn llwyddiannus, neu os oes gennych gwestiynau am eich hawliad, gallwch ofyn i'r swyddfa Canolfan Byd Gwaith a fu'n delio gydag ef edrych eto ar eu penderfyniad.

Os ydych chi'n dal i fod yn anhapus am y canlyniad, gallwch apelio.

• Sut i apelio yn erbyn penderfyniad budd-dal

Beth arall y mae angen i chi ei wybod

Mae'r Bonws Cynnal Plant yn cael ei ddirwyn i ben yn raddol, ac yn ei le, fe geir y Premiwm Cynnal Plant.

I gael rhagor o wybodaeth am sut y bydd y newidiadau'n effeithio arnoch chi, cysylltwch â llinell gymorth genedlaethol yr Asiantaeth Cynnal Plant ar 08457 133 133 (rhwng 8.00 am ac 8.00 pm o ddydd Llun i ddydd Gwener, a rhwng 9.00 am a 5.00 pm ar ddydd Sadwrn) neu â'ch swyddfa Canolfan Byd Gwaith.

• Cysylltu â'r Asiantaeth Cynnal Plant (dolen allanol) (yn agor ffenestr newydd)
• Cysylltu â Chanolfan Byd Gwaith (yn agor ffenestr newydd)

Mwy o ddolenni defnyddiol

• Grant Swydd - cymorth ariannol i ddychwelyd i'r gwaith
• Gwybodaeth budd-daliadau - yn disgwyl neu'n magu plant
• Cronfa Ymddiriedolaeth Plant - sut i gynilo arian eich plentyn
• Ydych chi wedi talu gormod o dreth drwy Dalu Wrth Ennill?
• Brechu plant (adran rhieni)