Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Cynhaliaeth Plant

Caiff y Taliad Cynhaliaeth Plant ei dalu gan riant nad yw'n byw gyda'r teulu er mwyn eich helpu chi i fagu eu plentyn. Felly os yw rhiant arall y plentyn yr ydych yn gofalu amdano yn byw yn rhywle arall - dylai'r rhiant hwnnw roi arian i chi. Gall Yr Asiantaeth Cynnal Plant gyfrifo a chasglu'r Cynhaliaeth Plant i chi.

Pwy all wneud cais am Gynhaliaeth Plant

Gallwch ofyn i'r Gynhaliaeth Plant gael ei chyfrifo a'i gasglu os yw un o'r canlynol yn berthnasol:

  • os ydych chi'n derbyn Budd-dal Plant
  • os ydych chi'n rhiant sy'n gofalu am eich plentyn
  • os ydych chi'n rhiant ond nad ydych chi'n byw gyda'ch plentyn
  • os ydych chi'n rhywun arall sy'n gofalu am blentyn

Mae rheolau arbennig yn gymwys os yw unrhyw un o'r canlynol yn berthnasol:

  • os ydych chi'n gofalu am eich plentyn a'ch bod yn derbyn Cymhorthdal Incwm neu Lwfans Ceisio Gwaith yn seiliedig ar incwm
  • os oes trefniadau cynhaliaeth eraill ar gyfer eich plentyn
  • os ydych chi neu'r rhiant arall yn byw y tu allan i'r DU

Yn yr Alban, gall yr Asiantaeth hefyd dderbyn ceisiadau gan blentyn 12 oed neu drosodd - sy'n cael gwneud cais drostynt eu hunain.

Pwy sydd ddim yn gallu derbyn Cynhaliaeth Plant?

Ni chewch Gynhaliaeth Plant gan riant sydd:

  • yn fyfyriwr mewn addysg amser llawn (ar gwrs cydnabyddedig sy'n golygu o leiaf 12 awr o hyfforddiant yr wythnos)
  • rhwng 16 ac 19 oed ac mewn addysg amser llawn 'nad yw'n addysg uwch' (hyd at safon Uwch, lefel 3 NVQ neu safon gyfatebol)
  • yn y carchar
  • yn byw mewn cartref gofal preswyl neu nyrsio ac yn cael help gyda'r ffioedd

Fel arfer, ni fydd yr Asiantaeth yn barod i fwrw ymlaen â'ch cais am Gynhaliaeth Plant os yw'r rhiant dan sylw yn byw y tu allan i'r DU - oni bai eu bod yn gweithio i gyflogwr sydd â'i ganolfan yn y DU neu eu bod yn gwasanaethu gyda Lluoedd Arfog EM.

Faint fyddwch chi'n ei gael?

Mae swm taliad y Cynhaliaeth Plant y mae'n rhaid i riant nad yw'n byw gyda'r teulu ei dalu fel arfer yn dibynnu ar y canlynol:

  • incwm y rhiant nad yw'n byw gyda'r teulu (ar ôl tynnu treth)
  • faint o blant sy'n gymwys i gael cynhaliaeth
  • faint o blant eraill sy'n byw gyda'r rhiant nad yw'n byw gyda'r teulu

Gallwch ddefnyddio 'cyfrifiannell cynhaliaeth' yr Asiantaeth i weld faint rydych chi'n debygol o'i gael.

Sut mae'n cael ei dalu

Bydd y Cynhaliaeth Plant yn cael ei thalu'n syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliadau Uniongyrchol

Neu gall y rhiant nad yw'n byw gyda'r teulu ei dalu'n uniongyrchol i'r rhiant sy'n gofalu am y plentyn.

Yr effaith ar fudd-daliadau eraill neu gredydau treth

Ni fydd Cynhaliaeth Plant yn effeithio ar gredydau treth.

Os ydych chi'n cael Cymhorthdal Incwm neu Lwfans Ceisio Gwaith, bydd yr Asiantaeth Cynnal Plant yn gwneud cais am Gynhaliaeth Plant ar eich rhan, oni bai eich bod yn gofyn iddyn nhw beidio â gwneud hynny (gelwir hyn yn 'dewis peidio').

Efallai y byddwch chi'n meddwl y byddai'r risg o niwed neu boen meddwl diangen i chi neu'ch plant petai'r Asiantaeth yn ceisio trefnu Cynhaliaeth Plant yn 'rheswm da' dros ddewis peidio.

Heb 'reswm da', gallai dewis peidio olygu:

  • na allwch chi gael y Premiwm Cynhaliaeth Plant, sy'n rhoi i fyny at £10 ychwanegol i deuluoedd ar ben Cynhaliaeth Plant
  • bod eich budd-dal yn llai, ar ôl 'penderfyniad lleihau budd-dal'

Os ydych chi'n meddwl y gallai hyn fod yn berthnasol i chi, soniwch wrth eich swyddfa Canolfan Byd Gwaith leol.

Sut i wneud cais

I wneud cais am Gynhaliaeth Plant gallwch wneud un o'r canlynol:

  • wneud cais ar-lein, isod
  • cofrestru ar wefan yr Asiantaeth Cynnal Plant
  • llwytho ffurflen gais oddi ar y we, isod

Beth i'w wneud os bydd eich amgylchiadau'n newid

Mae'n bwysig sôn wrth yr Asiantaeth ar unwaith os bydd un o'r canlynol yn newid:

  • faint o blant cymwys sydd dan eich gofal
  • faint o blant eraill sy'n byw gyda'r rhiant nad yw'n byw gyda'r teulu

Gallwch ofyn am newid ffigyrau'r Gynhaliaeth Plant:

  • os bydd incwm wythnosol net y rhiant nad yw'n byw gyda'r teulu'n newid o bump y cant neu fwy
  • os oes rhywbeth arall yn effeithio ar y ffigyrau, er enghraifft os byddwch yn dechrau rhannu gofal am y plentyn gyda'r rhiant arall

Sut i apelio

Bydd yr Asiantaeth Cynnal Plant yn gwneud penderfyniadau am daliadau Cynhaliaeth Plant.

Os ydych chi'n meddwl bod penderfyniad am Gynhaliaeth Plant yn anghywir, fe gewch apelio.

Gallwch ffonio Llinell Gymorth Genedlaethol yr Asiantaeth Cynnal Plant ar 08457 133 133, ffôn testun 08457 138 924 (rhwng 8.00 am a 8.00 pm o ddydd Llun i ddydd Gwener, a rhwng 9.00 am a 5.00 pm ar ddydd Sadwrn).

Os ydych chi eisoes yn derbyn cynhaliaeth, a'ch bod eisiau holi am eich achos, rhaid i chi gysylltu â chanolfan yr Asiantaeth Cynnal Plant sydd wedi bod yn delio â chi.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU