Gwefan llywodraeth y DU

Pwy sy’n gymwys i gael y grant?

Os ydych chi'n gweithio fel un o Weision y Goron dramor, er mwyn cael y grant mae'n rhaid i chi fodloni'r amodau arferol ynglŷn â bod yn feichiog ers o leiaf 25 wythnos, a chael cyngor iechyd gan eich bydwraig neu'ch meddyg.

Yn ogystal â hynny, rhaid i un o'r canlynol fod wedi bod yn berthnasol yn union cyn i chi gael eich lleoli dramor:

• roeddech chi'n byw fel arfer – yn ‘preswylio fel arfer’ - yn y DU
• roeddech yn y DU am resymau’n ymwneud â’ch lleoli, nid yn y DU ar ymweliad yn unig cyn eich lleoli

Os yw’ch partner neu’ch rhiant yn un o Weision y Goron wedi’i leoli dramor

Gallwch hefyd gael y grant os yw un o’r canlynol yn berthnasol:

• mae eich partner yn un o Weision y Goron sy’n gweithio dramor ac rydych wedi mynd i fyw ag ef/hi tra mae’n gweithio dramor
• mae eich rhiant yn un o Weision y Goron sy’n gweithio dramor ac rydych wedi mynd i fyw ag ef/hi tra mae’n gweithio dramor – ond mae’n rhaid eu bod yn cael Budd-dal Plant ar eich cyfer yr un pryd ag y byddwch chi’n gwneud hawliad am y grant

Ble i gael y ffurflen hawlio

• ar gyfer Lluoedd Arfog EM - gallwch gael y ffurflen hawlio o ganolfan feddygol y Lluoedd Arfog, neu cysylltwch â Swyddog Gweinyddol y Lluoedd i gael rhagor o wybodaeth
• ar gyfer gweision sifil – gallwch gael rhagor o wybodaeth am sut mae hawlio drwy ffonio Llinell Gymorth y Grant Iechyd yn ystod Beichiogrwydd (gweler isod)

Oes angen rhagor o help arnoch?

Gallwch gysylltu â Swyddfa'r Grant Iechyd yn ystod Beichiogrwydd drwy sawl ffordd.

Gallwch e-bostio ymholiadau cyffredinol drwy ddilyn y ddolen isod, neu gallwch gysylltu â Llinell Gymorth y Grant Iechyd yn ystod Beichiogrwydd. Mae'r llinell gymorth ar agor o 8.00 am tan 8.00 pm bob dydd ac eithrio Dydd Nadolig, Gŵyl San Steffan a Dydd Calan.

Gallwch ffonio 0845 366 7885, neu'r ffôn testun ar 0845 366 7886 - os ydych chi'n fyddar neu fod gennych nam ar eich lleferydd

Os byddai’n well gennych siarad Cymraeg gallwch ffonio 0845 302 1489.

Os ydych yn ffonio o dramor gallwch hefyd gysylltu â'r llinell gymorth ar + 44 292 050 1178.

• Cael gwybod mwy am e-bostio Swyddfa'r Grant Iechyd yn ystod Beichiogrwydd ar wefan Cyllid a Thollau EM Yn agor ffenestr newydd Opens new window

Mwy o ddolenni defnyddiol

• Cost cysylltu â rhifau ffôn 08 a 03