Gwefan llywodraeth y DU

Pwy all gael Tâl Salwch Statudol

Os ydych yn gweithio i gyflogwr o dan gytundeb gwasanaeth (hyd yn oed os ydych ond newydd ddechrau), mae gennych hawl i gael Tâl Salwch Statudol (SSP) os yw’r canlynol yn berthnasol:

• rydych yn sâl am o leiaf pedwar diwrnod yn olynol (yn cynnwys penwythnosau a gwyliau’r banc a dyddiau nad ydych fel arfer yn eu gweithio)
• rydych yn ennill o leiaf £95 yr wythnos

Os oes gennych fwy nag un swydd, efallai y byddwch yn cael SSP gan bob cyflogwr.

Darllenwch 'SSP - hawl a pa ddyddiau byddwch yn cael eich talu amdanynt' am fwy o wybodaeth.

• Tal Salwch Statudol - hawl a pha ddyddiau byddwch yn cael eich talu amdanynt

Sut i gael Tâl Salwch Statudol

I gael SSP mae’n rhaid i chi:

• ddweud wrth eich cyflogwr eich bod yn sâl
• darparu rhyw fath o dystiolaeth feddygol i’ch cyflogwr

Darllenwch 'SSP - dweud wrth eich cyflogwr eich bod yn sâl a darparu tystiolaeth' am fwy o wybodaeth.

• Tâl Salwch Statudol - dweud wrth eich cyflogwr eich bod yn sâl a darparu tystiolaeth

Faint fyddwch yn ei gael

Y gyfradd sylfaenol ar gyfer SSP yw £79.15 yr wythnos Bydd eich cyflogwr yn cyfrifo’r gyfradd ddyddiol o SSP os bydd angen drwy rannu’r gyfradd wythnosol gyda’r nifer o ddyddiau y buasech yn eu gweithio fel arfer yn yr wythnos honno. Ar gyfer cyfrifo SSP mae wythnos yn dechrau ar ddydd Sul.

Sut mae’n cael ei dalu

Fel arfer bydd SSP yn cael ei dalu ar eich diwrnod talu arferol yn yr un ffordd a’ch enillion arferol.

Mae SSP yn destun i dreth a chyfraniadau Yswiriant Gwladol. Fodd bynnag os ydych ond yn cael SSP efallai na fydd eich enillion yn ddigon uchel i dalu treth oni bai eich bod yn cael taliadau eraill ar ben eich SSP.

Beth sy’n digwydd os nad yw SSP yn daladwy neu ei fod yn dod i ben?

Os na allwch gael SSP neu mae SSP wedi dod i ben mae’n rhaid i’ch cyflogwr lenwi ffurflen SSP1W a rhoi hon i chi. Ar y ffurflen, mae’n rhaid i’ch cyflogwr ddweud pam nad yw SSP wedi cael ei dalu neu pam ei fod yn dod i ben a dyddiad y taliad diwethaf. Mae ffurflen SSP1W yn cael ei defnyddio i gefnogi cais am Lwfans Cyflogaeth a Chymorth.

• Lwfans Cyflogaeth a Chymorth - cyflwyniad (adran pobl anabl)

Cynlluniau tâl salwch galwedigaethol

Os oes gan eich cyflogwr gynllun tâl salwch, sydd yn gyfartal gyda, neu’n fwy na SSP, nid oes yn rhaid iddynt weithredu’r cynllun SSP. Efallai y bydd ganddynt hefyd reolau gwahanol y bydd yn rhaid cadw atynt i gael taliad.

Darllenwch 'hawl i dâl salwch' am fwy o wybodaeth am gynlluniau tâl salwch galwedigaethol.

• Hawl i dâl salwch (adran cyflogaeth)

Os ydych yn sâl ar ôl 28 wythnos o dâl salwch galwedigaethol, neu os yw hyn yn dod i ben yn gynharach ac nid oes gennych hawl i gael SSP, mae’n rhaid i’ch cyflogwr roi ffurflen SSP1W i chi wneud cais am Lwfans Cyflogaeth a Chymorth.

• Lwfans Cyflogaeth a Chymorth - cyflwyniad (adran pobl anabl)

Gwybodaeth i weithwyr asiantaeth

Mae SSP yn daladwy i chi yn yr union yr un ffordd ac y mae’n daladwy i eraill sy’n cael eu cydnabod fel cyflogai, os ydych yn cwrdd ar amodau cymhwyso ar gyfer taliad.

Mae’n parhau i fod yn daladwy tra rydych yn gweithio ar ddyletswydd neu o dan gytundeb gyda’ch asiantaeth. Ni all eich cyflogwr ddod a’ch cytundeb o wasanaeth i ben er mwyn osgoi SSP i chi.

Sut mae budd-daliadau a Thaliadau Statudol yn effeithio SSP

Gall SSP effeithio rhai budd-daliadau a thaliadau eraill y gallech fod a hawl iddynt. Darllenwch 'SSP - yr effaith ar fudd-daliadau a thaliadau eraill' am fwy o wybodaeth.

• Tal Salwch Statudol - yr effaith ar fudd-daliadau a thaliadau eraill

Beth arall ddylech ei wybod

Ni effeithir ar SSP os byddwch yn mynd i’r ysbyty.

Os ydych yn gweithio dramor, efallai y byddwch yn gallu cael SSP os yw’ch cyflogwr yn talu cyfraniadau Yswiriant Gwladol ar eich rhan.

Os ydych yn mynd dramor i ymweld, efallai y gallech ddal i wneud cais am SSP os gallwch brofi eich bod yn parhau i fod yn sâl.

Ni all aelodau sy’n gwasanaethu yn y Lluoedd Arfog gael SSP, ond efallai y bydd aelodau o’u teulu yn gallu ei gael.

Darllenwch 'Gwneud cais am fudd-daliadau yn Ewrop' am fwy o wybodaeth.

• Gwneud cais am fudd-daliadau yn Ewrop

Sut i apelio

Os nad yw’ch cyflogwr yn talu SSP i chi, neu yn talu llai nad ydych yn credu y dylent, gofynnwch iddynt roi’r rheswm yn ysgrifenedig. Os ydych yn anghytuno gyda’u penderfyniad dylech geisio datrys y mater gyda’ch cyflogwr.

Os ydych yn parhau i anghytuno gyda’u penderfyniad, gallwch gysylltu â llinell gymorth Cyflogaeon Cyllid a Thollau EM ar 0845 302 1479 am gyngor a gwybodaeth.

• Gwybodaeth bellach am y broses anghydfodau Opens new window

Mwy o ddolenni defnyddiol

• Yn gyflogedig neu'n chwilio am waith
• Os ydych chi'n gweithio ac yn dod yn anabl (adran pobl anabl)