Gwefan llywodraeth y DU

Beth sy'n cael ei gynnwys?

Mae'n bosib y cewch chi help gyda chostau iechyd megis:

Pwy sy'n gymwys?

Mae'n bosib y cewch chi help gyda chostau os oes o leiaf un o'r canlynol yn berthnasol i chi.

Os ydych chi'n cael, neu wedi eich cynnwys, yn un o'r canlynol:

Mae'n bosibl y cewch hefyd help gyda chostau:

• os ydych wedi'ch enwi ar Dystysgrif Eithrio ddilys y GIG (HC2 i gael help llawn, HC3 i gael help rhannol gyda'r gost ac eithrio presgripsiynau)
• os ydych chi'n 60 oed neu'n hŷn (ar gyfer presgripsiynau'r GIG a phrofion llygaid y GIG)
• os ydych chi dan 16 oed, neu o dan 18 oed ar gyfer triniaeth ddeintyddol gan y GIG
• os ydych chi dan 19 oed ac yn dal mewn addysg amser llawn
• os ydych chi'n dioddef o gyflwr meddygol penodedig (ar gyfer presgripsiynau am ddim gan y GIG yn unig). I gael mwy o wybodaeth ffoniwch llinell gymorth Costau Iechyd ar 0845 850 1166
• os oes gennych dystysgrif eithrio adeg mamolaeth (ar gyfer triniaeth ddeintyddol dan y GIG a thaliadau presgripsiwn y GIG)
• os ydych chi'n cael pensiwn anabledd rhyfel neu fod angen presgripsiynau neu driniaeth dan y GIG arnoch ar gyfer eich anabledd cydnabyddedig
• os ydych chi'n garcharor yn Lloegr

• Cymhorthdal Incwm
• Lwfans Ceisio Gwaith

Help os ydych chi ar incwm isel

Cynllun Incwm Isel y GIG

Os nad oes dim un o'r uchod yn berthnasol a'ch bod ar incwm isel, efallai y gallwch gael help gyda chostau drwy Gynllun Incwm Isel y GIG.

Bydd faint o help gewch chi'n dibynnu ar faint o incwm sydd gennych, ond efallai na fyddwch yn gymwys i gael help os yw'ch cynilion yn uwch na'r terfyniadau a ddangosir isod.

Ni allwch gael help:

• os ydych chi'n byw yn barhaol mewn cartref gofal a bod gennych werth £22,250 mewn eiddo, cynilion neu arian arall
• os oes gennych chi, neu'ch partner, neu'ch partner sifil, gyda'ch gilydd werth £16,000 mewn eiddo (gan eithrio ble rydych yn byw), cynilion neu arian arall

Sut i hawlio

Bydd angen i chi lenwi ffurflen HC1 gan swyddfa'r Ganolfan Byd Gwaith neu eich ysbyty GIG lleol. Mae'n bosibl y gallech gael ffurflen HC1 gan eich meddyg, eich deintydd neu'ch optegydd hefyd.

Gallwch gael ffurflen HC1 hefyd drwy gysylltu â llinell archebu Ffurflenni'r GIG ar 0845 610 1112 neu drwy anfon e-bost ar y cyfeiriad canlynol:

nhsforms@spsl.uk.com

I gael gwybod mwy am sut i hawlio, cysylltwch â llinell gyngor Costau Iechyd ar 0845 850 1166.

Beth os bydd eich amgylchiadau'n newid?

Os bydd eich amgylchiadau'n newid, er enghraifft eich bod bellach yn 19 oed neu os nad ydych yn cael dim o'r budd-daliadau penodedig mwyach, mae'n bosibl na fydd gennych hawl i fudd-daliadau iechyd ychwaith.

Cysylltwch â llinell gyngor Costau Iechyd ar 0845 850 1166 i holi a ydych yn gymwys.

Os oes angen llawer o bresgripsiynau arnoch

Os nad oes gennych hawl i bresgripsiynau am ddim a'ch bod yn meddwl y bydd yn rhaid i chi dalu am fwy na 3 eitem mewn 3 mis, neu 14 eitem mewn 12 mis, efallai y bydd yn rhatach i chi brynu tystysgrif i dalu am bresgripsiynau ymlaen llaw (PPC).

I gael mwy o wybodaeth, i wneud cais neu i wybod beth yw costau PPC, ewch i wefan Awdurdod Gwasanaethau Busnes y GIG neu ffoniwch llinell gyngor PPC ar 0845 850 0030.

• Awdurdod Gwasanaethau Busnes y GIG Opens new window

Beth arall y mae angen i chi ei wybod

I gael rhagor o wybodaeth am gostau'r GIG yng Nghymru, Lloegr a'r Alban, gallwch lwytho llyfryn HC11 oddi ar wefan yr Adran Iechyd.

I gael rhagor o gyngor ynghylch cael help gyda chostau iechyd, ffoniwch llinell gyngor Costau Iechyd ar 0845 850 1166 neu cysylltwch â'ch canolfan Cyngor Ar Bopeth (CAB) leol.

• Llwytho llyfryn HC11 y GIG 'Help gyda chostau iechyd (dogfen PDF, 148K) Opens new window
• Dod o hyd i’ch swyddfa Cyngor Ar Bopeth leol Opens new window
• Cymorth gyda ffeiliau PDF

Mwy o ddolenni defnyddiol

• Cynllun costau teithio i'r ysbyty
• Cymorth gyda ffioedd y GIG - yr Adran Iechyd Opens new window
• Canllaw cymorth ariannol ar gyfer pobl anabl (adran pobl anabl)
• Benthyciadau Argyfwng – arian ar frys
• Arweiniad i gefnogaeth a'ch iechyd beunyddiol (adran Dros 50)