Gwefan llywodraeth y DU

Pwy sy'n gymwys?

Efallai y gallwch gael grant Ffrynt Cynnes os yw un o'r canlynol yn berthnasol i chi:

1. Rydych chi'n derbyn un neu fwy o'r budd-daliadau canlynol:

• Credyd Treth Gwaith (gydag incwm llai na £15,460 a rhaid i hynny gynnwys elfen anabledd)
• Credyd Treth Plant (gydag incwm llai na £15,460)
• Lwfans Gweini
• Lwfans Byw i’r Anabl
• Cymhorthdal Incwm (rhaid i hynny gynnwys premiwm anabledd)
• Budd-dal Tai (rhaid i hynny gynnwys premiwm anabledd)
• Budd-dal Treth Gyngor (rhaid i hynny gynnwys premiwm anabledd)
• Pensiwn Anabledd Rhyfel (a rhaid i hynny gynnwys atodiad symudedd neu Lwfans Gweini Cyson)
• Budd-dal Anabledd Anafiadau Diwydiannol (a rhaid i hynny gynnwys Lwfans Gweini Cyson)

2. Bod gennych blentyn dan 16 neu eich bod yn feichiog a bod gennych dystysgrif mamolaeth MAT B1 a'ch bod yn derbyn unrhyw un o'r canlynol:

• Cymhorthdal Incwm
• Budd-dal Treth Gyngor
• Budd-dal Tai
• Lwfans Ceisio Gwaith yn seiliedig ar incwm
• Credyd Pensiwn

3. Eich bod yn 60 oed neu’n hŷn a'ch bod yn derbyn unrhyw un o'r canlynol:

• Credyd Pensiwn
• Budd-dal Treth Gyngor
• Budd-dal Tai
• Lwfans Ceisio Gwaith yn seiliedig ar incwm

4. Nad ydych chi'n derbyn unrhyw fudd-daliadau

Mae'n bosib bod gennych yr hawl i grant Ffrynt Cynnes hyd yn oed os nad ydych chi'n derbyn unrhyw fudd-dal sy'n eich gwneud yn gymwys. Edrychir i weld a ydych chi'n gymwys i gael budd-daliadau ac yn sgîl hynny i gael grant Ffrynt Cynnes.

• Cymhorthdal Incwm
• Budd-dal Treth Gyngor
• Deall Credyd Pensiwn

Faint fyddwch chi'n ei gael?

£2,700 neu hyd at £4,000 os oes angen gwres canolog olew yn eich cartref.

Sut mae'n gweithio

Bydd peiriannwr Ffrynt Cynnes yn cynnal arolwg technegol llawn ar y gwaith sydd ei angen ar y system gwres sydd yn eich eiddo ar hyn o bryd.

Er enghraifft, os bydd angen boeler newydd yn eich cartref bydd y gwaith yn cael ei wneud o fewn chwe i wyth mis ar ôl gwneud yr arolwg technegol.

Ni fydd rhaid i chi dalu dim ar yr amod nad yw'r gwaith yn costio mwy na'r grant.

Dan rai amgylchiadau, mae'n bosib y bydd rhaid i chi dalu tuag at gost y gwaith, ond lle bynnag y bo modd, bydd y cynllun yn ceisio talu'r costau hyn o gronfeydd eraill.

Beth allwch chi ei wneud gyda'r arian hwn

Mae'r grant Ffrynt Cynnes yn darparu ar gyfer gwella systemau insiwleiddio a gwresogi, gan ddibynnu ar eich anghenion a'r eiddo rydych chi'n byw ynddo. Mae'r pecyn yn cynnwys:

Insiwleiddio

• insiwleiddio'r atig
• atal drafft
• inswleiddio wal ddwbl
• siaced tanc dwr poeth

Systemau gwresogi

• gwresogyddion nwy gyda thermostat i'w rheoli
• gwres canolog nwy, trydan neu olew
• troi tân glo agored yn dân modern â wyneb gwydr - nwy, trydan neu olew
• amseryddion ar wresogyddion trydan i gynhesu ystafelloedd a dur

Camau eraill

• cyngor am ynni
• dau fylb ynni isel

Sut i wneud cais

Gallwch gael gwybod dros y ffôn a ydych chi'n gymwys i gael grant Ffrynt Cynnes.

Rhaid i chi lenwi ffurflen gais cyn i Gynghorydd Ynni Cartref ymweld â chi i wneud asesiad ac argymell pa waith sydd ei angen ar eich cartref.

Fe allwch chi ffonio Partneriaeth Eaga, Rheolwr y Cynllun Ffrynt Cynnes ar y rhif rhadffon 0800 316 6011, ffôn testun 0800 072 0156 (rhwng 8.00 am a 6.00 pm o ddydd Llun i ddydd Gwener).

• Y Grant Ffrynt Cynnes - Partneriaeth EAGA (yn agor ffenestr newydd)

Mwy o ddolenni defnyddiol

• Canllaw cymorth ariannol ar gyfer pobl anabl (adran pobl anabl)
• Budd-daliadau – ar incwm isel
• Llinell gymorth Gwres yn y Cartref: 0800 33 66 999 (yn agor ffenestr newydd)
• Dewis gweithwyr a darparwyr gwasanaethau (adran cartref a chymuned)