Gwefan llywodraeth y DU

Sut y mae'n gweithio

Gwasanaeth cyfrinachol a di-dâl a ariennir gan y Comisiwn Gwasanaethau Cyfreithiol yw'r gwasanaeth Cyngor Cyfreithiol Cymunedol. Mae'n cynnig cymorth a chyngor mewn perthynas â’r materion canlynol:

Pwy sy'n gymwys?

Os oes angen help arbenigol arnoch, gallwch ddefnyddio'r cyfrifiannell ar-lein ar wefan y gwasanaeth Cyngor Cyfreithiol Cymunedol i gyfrifo a ydych chi'n debygol o fod yn ariannol gymwys i gael cymorth cyfreithiol.

Hyd yn oed os na fyddwch chi'n gymwys i gael cymorth ariannol, gallwch gael gwybodaeth gyffredinol, gan gynnwys taflenni sy'n rhoi cyngor, am ddim ar y wefan.

Pan fyddwch yn gwneud cais am Gymorth Cyfreithiol, bydd yn rhaid i chi hefyd gymryd prawf sy'n edrych ar deilyngdod eich achos. Gall twrneiod neu gynghorwyr sydd â nod ansawdd y gwasanaeth Cyngor Cyfreithiol Cymunedol (sydd hefyd wedi'u rhestru ar y wefan) gadarnhau hyn i chi.

• Cyfrifiannell Cymorth Cyfreithiol (yn agor ffenestr newydd)
• Cymorth cyfreithiol am ddim - gwefan y Gwasanaeth Cyfreithiol Cymunedol (yn agor ffenestr newydd)

Achosion anafiadau personol

Allwch chi ddim cael arian cyhoeddus rhagor ar gyfer y rhan fwyaf o achosion sy'n ymwneud ag anafiadau personol. Os ydych chi am ddechrau achos anaf personol, fel arfer bydd yn rhaid i chi wneud hynny ar sail amodol ('dim ennill, dim ffi').

Ond mae arian cyhoeddus yn dal ar gael ar gyfer rhai achosion anafiadau personol sy'n gymhleth ac yn ddrud.

• Taflen Achosion Dim-Ennill, Dim-Ffi (dogfen PDF 124K) (yn agor ffenestr newydd)
• Cymorth gyda ffeiliau PDF

Sut mae gwneud cais

Er mwyn gwneud cais am help gan y gwasanaeth Cyngor Cyfreithiol Cymunedol, bydd angen i chi ymweld â thwrnai neu gynghorydd sydd â nod ansawdd y gwasanaeth.

Fe welwch restr o'r twrneiod a'r cynghorwyr hyn sydd yn eich ardal yn y cyfeiriadur ar wefan y gwasanaeth Cyngor Cyfreithiol Cymunedol. Neu gallwch gysylltu â llinell gymorth Cyngor Cyfreithiol Cymunedol ar 0845 345 4 345, Typetalk 180 010 8453 454 345.

• Dod o hyd i gynghorydd cyfreithiol (yn agor ffenestr newydd)

Cyhuddiadau troseddol

Os yw'r heddlu'n ymchwilio i rywbeth a wnaethoch neu os ydych chi'n wynebu cyhuddiadau troseddol, mae gennych hawl i gael cyngor cyfreithiol a gwrandawiad teg ac fe allwch gael help gan y Gwasanaeth Amddiffyn Troseddol.

Yn dibynnu ar eich adnoddau, efallai y gofynnir i chi gyfrannu at gost eich achos. Bydd disgwyl i chi hefyd ddefnyddio unrhyw eiddo a enillwch neu a gadwch o ganlyniad i'r cymorth a gewch i dalu am eich achos.

• Y Gwasanaeth Amddiffyn Troseddol (yn agor ffenestr newydd)

Mwy o ddolenni defnyddiol

• Gwybodaeth budd-daliadau - ar incwm isel
• Gwybodaeth - Benthyciadau Argyfwng
• Dioddefwyr troseddau (adran troseddau, cyfiawnder a'r gyfraith)
• Ymateb i hawliad Llys Sirol
• Dysgu mwy am eich AS lleol (yn agor ffenestr newydd)
• Diswyddo annheg (adran cyflogaeth)