Gwefan llywodraeth y DU

Pwy sy’n gymwys?

Mae'n bosib y gallwch chi bellach hawlio'r Budd-dal Tai am gyfnod Estynedig os nad ydych chi neu eich partner neu'ch partner sifil (neu'ch partner neu'ch partner sifil sy’n parhau yn bartner drwy gydol y cais) yn derbyn Lwfans Ceisio Gwaith yn seiliedig ar incwm, Cymhorthdal Incwm, neu Budd-dal Analluogrwydd neu Lwfans Anabledd Difrifol oherwydd bod un ohonoch yn disgwyl gwneud un o'r canlynol am bum wythnos neu ragor:

• dychwelyd i waith amser llawn
• gweithio mwy o oriau
• ennill mwy o arian

a'ch bod wedi bod yn cael un o'r canlynol:

• Lwfans Ceisio Gwaith neu Gymhorthdal Incwm neu'r ddau yn barhaus am o leiaf 26 wythnos

neu

• Budd-dal Analluogrwydd neu Lwfans Anabledd Difrifol yn barhaus am o leiaf 26 wythnos

ac

• eich bod yn disgwyl y bydd y gwaith, yr oriau ychwanegol neu'r enillion yn para am bum wythnos neu ragor ac nad ydych wedi bod yn cael Cymhorthdal Incwm yn yr wythnos cyn mae eich Budd-dal Anabledd neu Lwfans Anabledd Difrifol yn darfod

• Lwfans Ceisio Gwaith
• Cymhorthdal Incwm
• Budd-dal Analluogrwydd

Faint fyddwch chi'n ei gael?

Fel arfer, fe gewch chi'r un faint o Fudd-dal Tai ag yr oeddech chi'n ei gael cyn i'ch Lwfans Ceisio Gwaith yn seiliedig ar incwm, eich Cymhorthdal Incwm, eich Budd-dal Analluogrwydd neu'ch Lwfans Anabledd Difrifol ddod i ben.

• Budd-dal Tai
• Lwfans Anabledd Difrifol

Sut mae'n cael ei dalu

Fe'i telir gan eich cyngor lleol, yn yr un ffordd ag y byddwch chi fel arfer yn cael eich Budd-dal Tai.

Sut i wneud cais

Rhaid i chi ddweud wrth eich cyngor lleol ac wrth swyddfa'r Ganolfan Byd Gwaith eich bod chi neu'ch partner neu bartner sifil (os oes gennych bartner) ar fin dechrau gwaith neu wedi gwneud eisoes, wedi cynyddu'ch oriau gweithio neu'n ennill mwy o arian. Rhaid i chi ddweud wrthynt hefyd (o fewn pedair wythnos i'r newid) os disgwylir i'r newid bara pum wythnos o leiaf neu fwy.

Pan fydd eich Lwfans Ceisio Gwaith yn seiliedig ar incwm neu'ch Cymhorthdal Incwm yn stopio am eich bod yn dechrau gweithio neu am fod eich amgylchiadau'n newid, bydd eich Canolfan Byd Gwaith neu'ch swyddfa nawdd cymdeithasol yn cysylltu â'ch cyngor lleol ac yn dweud wrthynt fod y budd-daliadau hynny wedi dod i ben ac ers faint yr oeddech chi wedi bod yn eu derbyn.

Pan fydd eich Budd-dal Analluogrwydd neu'ch Lwfans Anabledd Difrifol yn dod i ben am eich bod yn dechrau gweithio neu am fod eich amgylchiadau'n newid, bydd eich cyngor lleol yn edrych i weld ers faint rydych chi wedi bod yn eu derbyn.

Yn y naill sefyllfa neu'r llall, eich cyngor lleol fydd yn penderfynu a oes gennych hawl i gael taliadau estynedig ai peidio.

• Dod o hyd i fanylion cysylltu eich cyngor lleol

Beth arall y mae angen i chi ei wybod

Bydd angen i chi gysylltu â'ch cyngor lleol i wneud cais newydd am Fudd-dal Tai ar ddiwedd eich taliad estynedig.

• Dod o hyd i'ch cyngor lleol

Sut i apelio

Os gwrthodir Budd-dal Tai neu'r Taliadau Estynedig i chi, gallwch ofyn i'r cyngor lleol ail edrych ar eu penderfyniad.

Os ydych chi'n dal yn anhapus gyda'r canlyniad, gallwch apelio i Dribiwnlys Apêl annibynnol.

• Sut i apelio yn erbyn penderfyniad budd-dal
• Rhestr llawn o gynghorau lleol

Mwy o ddolenni defnyddiol

• Gwybodaeth budd-daliadau - ar incwm isel
• Budd-dal Tai
• Cymorth i Dalu Llog Morgais - cymorth gyda benthyciad cartref
• Biliau dyledus am wasanaethau
• Sut mae gwneud iawn os nad oes gennych chi lawer o bensiwn neu ddim un o gwbl
• Problemau gyda'ch landlord - sut gall y cyngor helpu (adran cartref a chymuned)